Exodo 13:5 - Chol: I T’an Dios

⁵ Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Chol de Tumbalá Bible

⁵ Lac Yum tsa'ix i yʌq'ueyob i t'an la' tat cha'an mi' yʌq'ueñetla i lumal cananeojob yic'ot heteojob yic'ot amorreojob yic'ot heveojob yic'ot jebuseojob. Ti jini lum an cabʌl lech yic'ot chab. Ya'i mi caj la' chʌn mel jini q'uiñijel ti jini uw ti marzo.

Jiñi Tsiji' bʌ Wen T'añ cha'añ Estudio

⁵ Che' ba ora lac Yum tsa'ix yotsayetla ti' lumal cananeojob yic'ot heteojob yic'ot amorreojob yic'ot heveojob yic'ot jebuseojob, ya' baqui lac Yum tsi' wʌn su'be la' tatob cha'añ mi caj i yʌq'ueñetla jiñi lum ba'añ ca'bʌl leche yic'ot cha'b, mi caj la' chʌn mel ili q'uiñijel ti ili uw.

Exodo 13:5 Iomraidhean Croise

Genesis 26:3

Yom ma' wajñel ti jini lum maxto bʌ a cha'anic. Añon quic'otet. Mi caj cʌq'ueñet i yutslel c t'an. Mi caj cʌq'ueñet yic'ot a p'olbal pejtel ili lum. Mi caj c ts'ʌctesan jini t'an tsa' bʌ c sube Abraham a tat.

Genesis 50:24

José tsi' sube i pi'ʌlob: I yorajlelix mic chʌmel. Isujm Dios mi caj i ña'tañetla cha'an mi' pʌyetla loq'uel ti ili lum. Mi caj i pʌyetla majlel ti lum tsa' bʌ i wersa subeyob Abraham yic'ot Isaac yic'ot Jacob cha'an mi caj i yʌq'ueñob, che'en José.

Exodo 12:24

Mi caj la' chʌn mel Pascua yic'ot la' walobilob ti pejtelel ora.

Exodo 13:10

Jini cha'an mi caj la' mel jini q'uiñijel ti jujump'ejl jab che' ti' yorajlel.

Exodo 13:11

Lac Yum mi caj i pʌyetla ochel ti' lumal cananeojob che' bajche' tsi' subeyetla yic'ot la' tat. Che' mi' yʌq'ueñetla jini lum,

Exodo 3:17

Mi cʌq'ueñetla c t'an. Mi caj c loc'sañetla ti Egipto ba' woliyetla ti wocol. Mi caj c pʌyetla ochel ti yambʌ lum, i lumal cananeojob yic'ot heteojob yic'ot amorreojob yic'ot ferezeojob yic'ot heveojob yic'ot jebuseojob, ba'an cabʌl lech yic'ot chab”, che'en. Che' yom ma' subeñob, che'en Dios.

Exodo 3:8

Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Exodo 32:13

Ña'tan Abraham yic'ot Isaac yic'ot Israel. Jiñʌch a winicob tsa bʌ a wʌq'ueyob a t'an che' bʌ tsa' wʌlʌ: “Joñon mi caj c p'ojlesan a p'olbal, che' lajal bajche ec' ti panchan. Mi caj cʌq'ueñob la' p'olbal ili lum baqui tsa' cʌlʌ. Mi caj i ch'ʌmob ti' wenta ti pejtelel ora”. Che' tsa' wʌlʌ, che'en Moisés.

Exodo 33:1

Lac Yum tsi' sube Moisés: Cucu, letsen ilayi, jatet yic'ot ili tejclum tsa' bʌ a loc'sa ti' lumal Egipto. Cucu ba'an jini lum tsa' bʌ c wʌn sube Abraham yic'ot Isaac yic'ot Jacob che' tsac subeyob: “Mi caj cʌq'uen la' p'olbal jini lum”, cho'on.

Exodo 34:11

Lotola mu' bʌ c subeñetla wʌle. Yom mi la' ña'tan mi caj c choc loq'uel ti la' tojlel jini amorreojob, yic'ot cananeojob, heteojob, ferezeojob, yic'ot heveojob, yic'ot jini jebuseojob.

Exodo 6:4

Tsa cʌq'ueyob xuc'ul bʌ c t'an cha'an mi caj cʌq'ueñob i lumal Canaán ba' tsa' poj ajniyob yic'ot Jacob.

Exodo 6:8

Mi caj c pʌyetla ochel ti jini lum tsa' bʌ cʌq'ueyob Abraham yic'ot Isaac yic'ot Jacob che' bajche' tsac subeyob. Mi caj cʌq'ueñetla come la' Yumon”. Che' yom ma' subeñob, che'en lac Yum.

Jeremias 11:5

Che' jini mi' caj ti ts'ʌctiyel chuqui tsac sube la' tatob che' bʌ tsa cʌq'ueyob jini wen bʌ lum ba' on mi tajtʌl lech yic'ot chab che' bajche' woli la' q'uel wʌle”, che'en lac Yum, i Dios Israel. Tsac jac'be: Isujm bajche' wola' wʌl, c Yum, cho'on tsac sube.

Jeremias 32:22

Tsa' wʌq'ueyob ili lum c tatob lojon che' bajche' tsa' wʌn subeyob. Jiñʌch wen bʌ lum on bʌ mi' yʌc' lech yic'ot chab.

Ezequiel 20:6

Tsac subeyob mi caj c loc'sañob ti' lumal Egipto cha'an mic pʌyob majlel ti wen bʌ lum ba' uts'at mi' colel pʌc'ʌbʌl ti chajp ti chajp. Wen uts'at jini lum, ñumen uts'at bajche' yan tac bʌ lum.

Levitico 20:24

Tsa'ix c subeyetla cha'an mi la' ch'ʌmbeñob i lum. Tsa'ix cʌq'ueyetla jini wen bʌ lum ba' mi' colel ti uts'at pejtelel pʌc'ʌbʌl. Joñoñʌch la' Yumon la' Dioson tsa' bʌ c yajcayetla. Ma'anic tsac yajca yambʌ winicob x'ixicob.

Numeros 11:12

¿Calobilob ba? ¿I taton ba? ¿Chucoch mic wersa cʌntañob che' bajche' alʌlob, che' lajal bajche' x'ixic mi' mec' majlel i yalobil cha'an mi' tsu'san? Che'ʌch wolic pʌyob majlel ti jini lum ba' mi caj a wʌq'ueñon lojon che' bajche' tsa' wʌn subeyob c ñojte'el lojon.

Numeros 13:27

Tsi' yʌlʌyob: Tsa' c'otiyon lojon ya' ba' tsa' chocoyon lojon majlel. Melel on mi' yʌc' leche, yic'ot chab. Wʌ' tsac ch'ʌmʌ lojon tilel ts'ita' i wut te' cha'an mi la' q'uel.

Numeros 14:16

“Wersa tsi' tsʌnsayob i Yum, come ma'anic tsa' mejli i cʌntañob ti tiquiñal bʌ pañimil. Ma'anic tsa' mejli i yotsañob ti jini wen bʌ lum, anquese tsi' yʌq'ueyob i t'an cha'an mi caj i yotsañob ya'i”. Che' mi caj i lon alob.

Numeros 14:30

Pero Caleb, i yalobil Jefone, yic'ot Josué i yalobil Nun, mi' cajelob ti ochel ti jini lum cha'an mi' ts'ʌctiyel c t'an.

Deuteronomio 12:29

Che' baqui ora lac Yum Dios mi caj i jisan pejtel jini winicob ya' baqui mi la' majlel ti chumtʌl,

Deuteronomio 19:1

Lac Yum Dios mi caj i laj jisan jini xchumtʌlob ya' ba' mi la' majlel ti chumtʌl cha'an mi la' wochel ti' yototob yic'ot i lum.

Deuteronomio 26:1

Che' ochemetix la ti chumtʌl ti la' lum mu' bʌ i yʌq'ueñetla lac Yum Dios,

Deuteronomio 7:1

Lac Yum Dios mi caj i pʌyetla ochel ti la' lum mu' bʌ caj i yʌq'ueñetla. Che' ja'el mi caj i choc loq'uel cabʌl tejclumob ti la' tojlel, jiñobʌch: heteojob, gergeseojob, amorreojob, cananeojob, ferezeojob, heveojob, jebuseojob. Jiñobʌch wucp'ejl tejclum ñumen ñuc bʌ bajche' jatetla, ñumen p'ʌtʌlob ja'el.

Josue 24:11

Ti wi'il tsa' c'axiyetla ti Jordán ja'. Tsa' c'otiyetla ti Jericó. Jini año' bʌ ti Jericó tsi' contrajiyetla. Tsa cʌc'ʌyob ti la' wenta.