Exodo 13:3 - Chol: I T’an Dios

³ Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Chol de Tumbalá Bible

³ Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Jiñi Tsiji' bʌ Wen T'añ cha'añ Estudio

³ Moisés tsi' su'be wiñicob x'ixicob: Yom mi la' chʌn ña'tan ili q'uiñ che' woli la' loq'uel ti Egipto ba' chucbiletla ti to'ol e'tel, come lac Yum woli' loc'sañetla ti p'ʌtʌl bʌ i c'ʌb; jiñi cha'añ mach mi la' c'ux waj am bʌ i levadurajlel.

Exodo 13:3 Iomraidhean Croise

Genesis 15:16

Jixcu a p'olbal jal mi caj i yajñelob ti yambʌ lum. Ti wi'il mi caj i cha' tilelob ilayi che' i yorajlelix mi cʌq'ueñob i toj i mul amorreojob che' cʌlʌxix, che'en lac Yum.

1 Cronicas 16:12

Ña'tʌbenla i yejtal tac i p'ʌtʌlel, jini bʌbʌq'uen tac bʌ Tsa' bʌ i mele yic'ot jini t'an tsa' bʌ i yʌc'ʌ ti' contra egiptojob.

Nehemias 1:10

Jiñobʌch a winicob, a tejclumob, tsa' bʌ a colta ti ñuc bʌ a p'ʌtʌlel che' bʌ tsa' loc'sayob ti Egipto.

Nehemias 9:10

Tsa' pʌsbe Faraón ñuc bʌ i yejtal a p'ʌtʌlel yic'ot bʌbʌq'uen tac bʌ che' bʌ tsa' wʌc'ʌ ti wocol yic'ot i winicob yic'ot pejtel año' bʌ ti' lumal. Come tsa' ña'ta bajche' tsi' contrajiyob c ñojte'el lojon che' bʌ tsi' chañ'esayob i bʌ. Jini cha'an tsa' pʌsbeyob a p'ʌtʌlel cha'an mi' cʌñetob che' bajche' mij cʌñet lojon wʌle.

Salmos 105:5

Ña'tʌbenla i yejtal tac i p'ʌtʌlel tsa' bʌ i pʌsʌ, Jini bʌbʌq'uen tac bʌ i melbal che' bʌ tsi' yʌc'ʌ i t'an ti' contra egiptojob.

Salmos 114:1

Che' bʌ tsa' loq'ui Israel ti Egipto, ti' tojlel egiptojob parte bʌ i t'an,

Salmos 136:11

Tsi' pʌyʌ loq'uel israelob ya' ba' cʌchʌlob, Come ti pejtelel ora an i yutslel i pusic'al.

Salmos 136:12

Tsi' loc'sayob ti' tojlel i contrajob ti p'ʌtʌl bʌ i c'ʌb. Come ti pejtelel ora an i yutslel i pusic'al.

Salmos 89:14

Toj ma' cha'len meloñel ti a yumʌntel come tojet. Uts'at pejtelel chuqui ma' mel. Mi' tsictiyel a wutslel yic'ot a sujmlel.

Exodo 12:15

Wucp'ejl q'uin mi caj la' c'ux waj mach bʌ anic i levadurajlel. Che' ti' tejchibal jini q'uiñijel mach yomic mi' tajtʌl mi ts'ita'ic levadura ti la' wotot. Mi an majqui mi' c'ux levadura che' woli jini q'uiñijel mach mejlic i yajñel yic'ot c winicob ti Israel mu' bʌ i tempañob i bʌ.

Exodo 12:17

Mi caj la' mel i q'uiñilel waj mach bʌ anic i levadurajlel, come ti ili q'uin tsac pʌyʌyetla loq'uel ti Egipto. Jini cha'an mi caj la' mel ili q'uin jatetla yic'ot la' walobilob c'ʌlʌl ti la' p'olbal mu' bʌ caj i tilel cha'an mi la' ña'tan ti pejtelel ora.

Exodo 12:19

Wucp'ejl q'uin mach yomic levadura ti la' wotot, mi ti' yotot tac jini ñajt bʌ ch'oyolob año' bʌ ti la' tojlel. Come mi an majqui mi' c'ux waj am bʌ i levadurajlel, mach mejlic i yajñel yic'ot c winicob ti Israel mu' bʌ i tempañob i bʌ.

Exodo 12:2

Ili uw i tejchibalix jini tsiji' bʌ jabil la' cha'an.

Exodo 12:41

Che' bʌ ñumenix jumbajc' yic'ot lujump'ejl i cha'c'al jab, ti jini jach bʌ q'uin tsa' loq'uiyob ti' lumal egiptojob pejtelel i cha'año' bʌ lac Yum.

Exodo 12:42

Lac Yum tsi' wen cʌntayob ti jini ac'ʌlel che' bʌ tsi' pʌyʌyob loq'uel ti Egipto. Jini cha'an ti pejtelel ora mi caj i chʌn ña'tʌntel ili ac'ʌlel. Mi caj i cañob i wut pejtel israelob ti' tojlel lac Yum che' ti ili ac'ʌlel.

Exodo 12:8

Mi caj i c'uxob we'elʌl ti jini ac'ʌlel, pojpobil, yic'ot waj mach bʌ anic i levadurajlel, yic'ot ch'aj bʌ pimel.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui i sujmlel jini?” Mi che'ob, mi caj la' jac': “Ti' p'ʌtʌlel lac Yum tsi' pʌyʌyonla loq'uel ti Egipto, ya' ba chuculonla ti wocol e'tel.

Exodo 13:9

Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Exodo 20:8

Yom ma' chʌn p'is ti a wenta i yorajlel c'aj o. Yom ma' q'uel ti ch'ujul jini q'uin.

Exodo 23:15

Yom mi la' mel jini q'uiñijel cha'an waj mach bʌ anic i levadurajlel. Wucp'ejl q'uin mi caj la' c'ux waj mach bʌ anic i levadurajlel che' bajche' tsac subeyetla ti mandar. Yom mi la' mel jini q'uiñijel che' ti marzo, come ti ili ora tsa' loq'uiyetla ti Egipto. Ti jujuntiquiletla yom mi la' wʌq'ueñon c majtan.

Exodo 3:20

Jini cha'an mi caj c pʌsben i p'ʌtʌlel j c'ʌb. Mi caj cʌq'ueñob wocol jini egiptojob. Mi caj c pʌsbeñob c p'ʌtʌlel ti ñuc tac bʌ c melbal. Ti wi'il mi caj i choquetla majlel.

Exodo 34:18

Yom mi la' ña'tan la' melben i q'uiñilel waj mach bʌ anic i levadurajlel. Wucp'ejl q'uin yom mi la' c'ux waj mach bʌ anic i levadurajlel. Yom ti' yorajlel che' bajche' ña'tʌbil ti' yuwilel, jiñʌch che' ti marzo che' bajche' tsac subeyet, come jiñʌch jini uw che' tsa' loq'uiyetla ti Egipto.

Exodo 6:1

Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Exodo 6:6

Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Exodo 6:7

Mi caj cotsañetla tic cha'año' bʌ. Mi caj cochel ti la' Dios. Mi caj la' ña'tan la' Yumon la' Dioson tsa' bʌ c pʌyʌyetla loq'uel ti wocol e'tel ti' tojlel egiptojob.

Exodo 7:4

ma'anic mi caj i ñich'tan a t'an. Jini cha'an joñon mi caj c ju'sʌbeñob i pusic'al egiptojob. Mi caj c loc'san ti' lumal Egipto jini israelob, come c cha'añob ti mojt ti mojt. Mi caj c pʌsbeñob bʌbʌq'uen tac bʌ c melbal.

Jeremias 34:13

I Dios Israel, jiñʌch lac Yum, tsi' yʌlʌ: Joñon tsac mele xuc'ul bʌ t'an yic'ot la' tatob che' bʌ tsac pʌyʌyob loq'uel ti Egipto ba' chuculob ti majtan e'tel. Tsac subeyob:

Daniel 9:15

C Yum Dios, jatet tsa' loc'sa a tejclumob ti Egipto ti ñuc bʌ a p'ʌtʌlel. Tsa' wʌc'ʌ ti wen cʌjñel a c'aba' ti jim bʌ q'uin c'ʌlʌl wʌle, pero an lojon c mul ti a tojlel. Tsa'ix c cha'le lojon jontolil.

Mateo 10:12

Che' mi la' wochel ti jump'ejl otot, aq'ueñob cortesía.

Lucas 22:19

Jesús tsi' ch'ʌmʌ waj. Tsi' sube wocolix i yʌlʌ Dios. Tsi' xet'e. Tsi' yʌq'ueyob. Tsi' yʌlʌ: Jiñʌch c bʌc'tal, mu' bʌ cʌc' cha'añetla. Che'ʌch yom mi la' mel cha'an c ña'tʌntel, che'en.

1 Corintios 11:24

Che' bʌ tsa' ujti i suben wocolix i yʌlʌ Dios, tsi' xut'u. Tsi' yʌlʌ: “Ch'ʌmʌla, c'uxula, jiñʌch c bʌc'tal mu' bʌ i xujt'el cha'añetla. Che'ʌch yom mi la' cha'len cha'an mi la' ña'tañon”. Che' tsi' yʌlʌ.

1 Corintios 5:8

Jini cha'an la' lac mel q'uin ti uts'at. Mach yomic tsucul bʌ levadura, jiñʌch jontolil yic'ot mulil. Yom jini isujm bʌ waj mach bʌ anic i levadurajlel, jiñʌch i sʌclel lac pusic'al.

Efesios 1:19

Come mach p'isbilic jini ñuc bʌ i p'ʌtʌlel Dios woli bʌ ti e'tel ti lac pusic'al mu' bʌ lac ñop. Tsi' c'ʌñʌ ti lac tojlel jini jach bʌ i p'ʌtʌlel

Deuteronomio 13:10

Yom mi la' jul ti xajlel jinto mi' chʌmel, come tsi' lon ña'ta i loc'sañetla ti' tojlel lac Yum Dios tsa' bʌ i pʌyʌyetla loq'uel ti' lumal Egipto ba'an majtan e'tel.

Deuteronomio 13:11

Mi caj i yubiñob pejtelel israelob. Che' jini mi' cajelob ti bʌq'uen. Ma'anix mi caj i chʌn melob che' bajche' jini.

Deuteronomio 13:5

Jini x'alt'an yic'ot jini mu' bʌ i ñajlen chuqui mi' yujtel muq'uix caj i chʌmel, come tsi' subeyetla cha'an mi la' cha'len jontolil ti' tojlel lac Yum Dios tsa' bʌ i loc'sayetla ti Egipto. Dios tsi' loc'sayetla ba'an jini majtan e'tel. Jini payxo bʌ x'alt'an tsi' ñopo i choquetla loq'uel ti' bijlel lac Yum baqui tsi' cʌntesayetla lac Yum. Puts'tanla ili jontolil. Chocola loq'uel ti la' tojlel.

Deuteronomio 13:6

Mi tsi' subeyetla la' pi'ʌl, mi i yalobil la' majan ña', mi a walobil, mi a wijñam, mi a cʌñʌ bʌ, mi tsi' mucu subeyet: “Conla cha'an mi lac ch'ujutesan yan tac bʌ dios”, mi che'ob, mach mi la' jac'beñob. Mi pʌybiletla ba'an i diosob winicob ti lʌc'ʌl o ti ñajtʌl, mi maxto bʌ cʌmbilic la' cha'an, mach bʌ anic tsi' cʌñʌyob la' ñojte'elob ja'el, mach mi la' jac'beñob i t'an.

Deuteronomio 15:15

Yom mi la' ña'tan bajche' añetla ti yambʌ ora che' añetla ti la' yum ti Egipto, pero lac yum Dios tsi' loc'sayetla. Jini cha'an wersa yom ma' jac' ili mandar.

Deuteronomio 16:1

Ti jujump'ejl jab che' ti abril yom mi la' mel q'uin cha'an Pascua ti' tojlel lac Yum Dios. Come ti jim bʌ ora lac Yum Dios tsi' loc'sayetla ti Egipto che' ti ac'ʌlel.

Deuteronomio 16:12

Ña'tanla bajche' tsa' la' cha'le majtan e'tel ti Egipto. Jac'ʌla ti uts'at pejtel jini mandar.

Deuteronomio 16:3

Yom mi la' c'ux we'el yic'ot waj mach bʌ anic i levadurajlel. Wucp'ejl q'uin mach yomic mi la' c'ux waj am bʌ i levadurajlel cha'an mi la' ña'tan bajche' tsa' loq'uiyetla ti' lumal Egipto. Ma'anic tsa' mejli a xʌb otsan i pajel cha'an tsa' bʌc' loq'uiyetla. Yom mi la' chʌn ña'tan ti pejtelel ora.

Deuteronomio 24:18

Yom ma' chʌn ña'tan bajche' añet ti yambʌ ora che' mozojet ya' ti' lumal Egipto. Lac Yum Dios tsi' loc'sayet ya'i. Jini cha'an che'ʌch yom ma' mel bajche' mic subeñet.

Deuteronomio 24:22

Ña'tan bajche' añet ti yambʌ ora che' mozojet ti' lumal Egipto. Jini cha'an che'ʌch yom ma' mel bajche' mic subeñet.

Deuteronomio 26:8

Jini cha'an lac Yum tsi' loc'sayonla ti Egipto ti ñuc bʌ i p'ʌtʌlel. I bajñel tsi' coltayonla yic'ot bʌbʌq'uen tac bʌ i yejtal i p'ʌtʌlel tsa' bʌ i pʌsbeyonla.

Deuteronomio 4:34

¿Tsa' ba tili yambʌ dios i coltan winicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'an bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.

Deuteronomio 5:15

Yom ma' ña'tan mozojet ti yambʌ ora ti' lumal Egipto, pero lac Yum Dios tsi' loc'sayet yic'ot pejtelel i p'ʌtʌlel. Jini cha'an lac Yum Dios mi' wersa subeñet cha'an ma' c'aj a wo.

Deuteronomio 5:6

“Joñon a Yumon a Dioson. Tsac pʌyʌyet loq'uel ti' lumal Egipto ya' ba' chucbilet ti to'ol e'tel.

Deuteronomio 6:12

Tsajaletme la che' jini ame ñajʌyic la' cha'an lac Yum tsa' bʌ i loc'sayetla ti' lumal Egipto ba'an majtan e'tel.

Deuteronomio 6:21

Ti jim bʌ ora mi caj la' suben la' walobilob: “Ti yambʌ ora mozojonla ti Egipto ti' tojlel Faraón, pero lac Yum tsi' loc'sayonla ti' p'ʌtʌlel.

Deuteronomio 7:8

Pero cha'an jach tsi' c'uxbiyetla lac Yum tsi' yajcayetla cha'an mi' ts'ʌctesan i t'an tsa' bʌ i wʌn subeyob la' ñojte'el. Jini cha'an lac Yum tsi' c'ʌñʌ i p'ʌtʌlel cha'an mi' loc'sañetla baqui woliyetla ti majtan e'tel ti yambʌ ora ti' tojlel jini rey Faraón ti Egipto.

Deuteronomio 8:14

Che' jini mi caj la' chañ'esan la' bʌ. Mi caj i ñajʌyel ti la' pusic'al lac Yum Dios tsa' bʌ i loc'sayetla ti' lumal Egipto ba' tsa' la' cha'le majtan e'tel.

Deuteronomio 9:12

Lac Yum tsi' subeyon: Cucuñun ti ora, cucux ti jubel, come tsa'ix sojquiyob jini winicob tsa' bʌ a loc'sa ti' lumal Egipto. Tsi' bʌc' cʌyʌyob jini bij tsa' bʌ c subeyob. Tsi' meleyob i dios, che'en.

Josue 24:17

come lac Yum Dios jiñʌch tsa' bʌ i pʌyʌyonla loq'uel ti Egipto ba' tsi' cha'leyob majtan e'tel lac ñojte'elob. Tsi' pʌsʌ jini bʌbʌq'uen tac bʌ i p'ʌtʌlel. Tsi' cʌntayonla ti pejtelel jini bij ba' tsa' ñumiyonla. Tsi' coltayonla ti' tojlel laj contrajob.

Juezob 2:12

Tsi' cʌyʌyob lac Yum, i Dios i ñojte'elob tsa' bʌ i loc'sayob ti' lumal Egipto. Tsi' tsajcayob majlel dios tac i cha'an yambʌ tejclumob am bʌ ti' joytilel. Tsi' ch'ujutesayob. Tsi' techbeyob i mich'ajel lac Yum.

Juezob 6:8

lac Yum tsi' chocbeyob tilel juntiquil x'alt'an. Tsi' yʌlʌ: Lac Yum, i Dios Israel, woli' yʌl: “Joñon tsac loc'sayetla ti Egipto ba' woliyetla ti majtan e'tel.