Exodo 13:18 - Chol: I T’an Dios

¹⁸ Jini cha'an Dios tsi' pʌyʌyob majlel ti xoyol bʌ bij ya' ti colem bʌ i tiquiñal lum ba'an jini Chʌchʌc bʌ Ñajb. Jini israelob tsa' loq'uiyob ti Egipto chajpʌbilob cha'an guerra.

Chol de Tumbalá Bible

¹⁸ Jini cha'an Dios tsi' pʌyʌyob majlel ti xoyol bʌ bij ya' ti colem bʌ i tiquiñal lum ba'an jini Chʌchʌc bʌ Ñajb. Jini israelob tsa' loq'uiyob ti Egipto chajpʌbilob cha'an guerra.

Jiñi Tsiji' bʌ Wen T'añ cha'añ Estudio

¹⁸ Jiñi cha'añ Dios tsi' pʌyʌyob majlel ti xoyol bʌ bij ya' ti' tiquiñal lum ba'añ jiñi Chʌchʌc bʌ Mar. Jiñi israelob tsa' loq'uiyob ti Egipto che' bajche' soldadojob chajpʌbilo' bʌ cha'añ guerra.

Exodo 13:18 Iomraidhean Croise

Genesis 50:25

José tsi' sube i yalobilob Israel cha'an mi' wersa ac'ob i t'an. Tsi' yʌlʌ: Isujm Dios mi caj i ña'tañetla. Mux caj la' q'uech majlel c bʌquel che' mi la' loq'uel ilayi, che'en.

Salmos 107:7

Tsi' pʌyʌyob majlel ti toj bʌ bij Cha'an mi' tajob tejclum ba' uts'at mi' chumtʌlob.

Salmos 136:16

Tsi' c'axtesa i cha'año' bʌ ti jochol bʌ lum, Come ti pejtelel ora an i yutslel i pusic'al.

Salmos 68:8

Tsa' tili yujquel lum. C'am tsi' cha'le ja'al che' bʌ tsa' pʌsʌ a bʌ. Jini Sinaí tsi' ñijca i bʌ ti' tojlel Dios, i Dios Israel.

Exodo 12:51

Ti jini jach bʌ q'uin lac Yum tsi' pʌyʌ loq'uel israelob ti' lumal egiptojob ti mojt ti mojt.

Exodo 14:9

Lamital egiptojob tsa' majliyob ti carreta yic'ot jini c'ʌchʌlo' bʌ ti caballo. Yaño' bʌ soldadojob tsa' majliyob ti' yoc. Tsi' yajñesayob jini israelob. Tsa' c'oti i tajob ba' jijlemob ti' ti' colem ñajb, ya' ba'an Pihahirot, ti' tojel Baalzefón.

Deuteronomio 17:16

Mach yomic mi' p'ojlesan i caballo tac jini rey. Mach yomic ja'el mi' choc majlel winicob ti Egipto cha'an mi' pʌyob tilel caballo, come lac Yum tsi' yʌlʌ: “Ma'me chʌn sujtiquetla ti bij ba' tilemetla”, che'en.

Deuteronomio 32:10

Lac Yum tsi' cʌntayob ti colem bʌ i tiquiñal pañimil. Ya' ti jochol bʌ lum ba' bʌbʌq'uen. Tsi' wen cʌntayob che' bajche' mi laj cʌntan lac wut,

Josue 1:14

La' wijñam yic'ot la' walobilob yic'ot la' wʌlac' mi caj i cʌytʌlob ti ili lum tsa' bʌ i yʌq'ueyetla Moisés. Ma'anic mi caj i c'axelob ti Jordán ja'. Pero jatetla yic'ot pejtel jini ch'ejlo' bʌ mi caj la' c'axel ñaxan ti' tojel la' pi'ʌlob. Yom chajpʌbiletla cha'an guerra.

Josue 4:12

Jini rubeñob yic'ot gadob yic'ot junmojt manasésob ñaxan tsa' c'axiyob, chajpʌbilo' bʌ cha'an guerra. Wi'il tsa' c'axiyob yaño' bʌ israelob che' bajche' Moisés tsi' wʌn subeyob.

Josue 4:13

Cha'c'al ti mil soldadojob tsolocña tsa' ñumiyob majlel ti mojt ti mojt. Tsa' c'otiyob ti jini joctʌl am bʌ ti' tojel Jericó.