Exodo 13:17 - Chol: I T’an Dios

¹⁷ Che' bʌ Faraón tsi' choco loq'uel jini israelob, Dios ma'anic tsi' pʌyʌyob ñumel ti' lumal filisteojob ba' toj jini bij come tsi' ña'ta: Ame mi' cajelob ti bʌq'uen jini israelob che' mi' tejchel guerra, ame cha' sujticob ti Egipto, che'en Dios.

Chol de Tumbalá Bible

¹⁷ Che' bʌ Faraón tsi' choco loq'uel jini israelob, Dios ma'anic tsi' pʌyʌyob ñumel ti' lumal filisteojob ba' toj jini bij come tsi' ña'ta: Ame mi' cajelob ti bʌq'uen jini israelob che' mi' tejchel guerra, ame cha' sujticob ti Egipto, che'en Dios.

Jiñi Tsiji' bʌ Wen T'añ cha'añ Estudio

¹⁷ Ti wi'il che' bʌ faraón tsi' choco loq'uel jiñi israelob, Dios ma'añic tsi' pʌyʌyob majlel ti' bijlel i lumal filisteojob ba' lʌc'ʌl jiñi bij, come Dios tsi' yʌlʌ: “Ame i cha' ña'tañob sujtel jiñi israelob ti Egipto che' mi' q'uelob jiñi guerra.”

Exodo 13:17 Iomraidhean Croise

1 Reyob 8:47

Mi tsa' caji i cha' ña'tañetob ya' ti yambʌ lum baqui mi' majlelob, mi tsi' cha' sutq'uiyob i bʌ cha'an mi' pejcañetob ti oración, mi tsi' yʌlʌyob: “Tsac cha'le lojon mulil ti a contra. Tsac mele lojon chuqui jontol”, mi che'ob,

Nehemias 9:17

Mach yomobic i ch'ujbin a t'an. Ma'anic tsi' yotsayob ti' pusic'al jini bʌbʌq'uen tac bʌ tsa' bʌ a melbeyob. Tsʌts tsi' meleyob i pusic'al c ñojte'el lojon. Ti' bajñel pusic'al tsi' yajcayob i yum cha'an mi' sujtelob ti to'ol e'tel ya' ti Egipto. Uts bʌ Dioset. A wujil i ñusʌntel mulil. Wen a wujil p'untaya. Jal ma' mich'an. Cabʌl a c'uxbiya. Ma'anic tsa' cʌyʌ c ñojte'el lojon

Exodo 14:10

Che' lʌc'ʌlix i tilel Faraón, jini israelob tsa' caji' q'uelob, ya'ix tilel egiptojob. Tsa' toj sajtiyob i pusic'al. Tsi' pejcayob lac Yum ti c'am bʌ t'an.

Hechos 15:38

Pablo mach yomic i pʌy majlel yic'otob, come Marcos tsi' cʌyʌyob ya' ti Panfilia che' ma'anic tsa' majli ti e'tel yic'otob.

Hechos 7:39

Lac ñojte'el ma'anic tsi' jac'beyob Moisés. Tsi' ts'a'leyob. Tsi' chʌn ña'tayob i cha' sujtel ti Egipto.

Deuteronomio 17:16

Mach yomic mi' p'ojlesan i caballo tac jini rey. Mach yomic ja'el mi' choc majlel winicob ti Egipto cha'an mi' pʌyob tilel caballo, come lac Yum tsi' yʌlʌ: “Ma'me chʌn sujtiquetla ti bij ba' tilemetla”, che'en.

Deuteronomio 20:8

Mi an juntiquil winic yujil bʌ bʌq'uen ti' pusic'al, la' cha' sujtic ti' yotot cha'an ma'anic mi' bʌc'tesan jini yaño' bʌ i pi'ʌlob”. Che'ʌch yom mi' yʌlob jini año' bʌ i ye'tel.

Deuteronomio 28:68

Lac Yum mi caj i cha' pʌyetla majlel ya' ti Egipto ti jucub. Mi caj la' sujtel ti bij baqui tsac subeyetla. Ma'anix mi caj la' chʌn q'uel jini bij, cho'on. Ya'i mi caj la' wʌc' la' bʌ ti chojñel, winicob yic'ot x'ixicob, pero ma'anic majqui mi caj i mulan i mʌñetla.

Hebreos 11:27

Cha'an tsi' ñopo Dios, tsa' loq'ui Moisés ti Egipto. Ma'anic tsi' bʌc'ñʌbe i mich'ajel rey. Xuc'ul jach tsa' ajni come woli' q'uel yilal jini mach bʌ mejlic laj q'uel.

Juezob 7:3

Yom ma' subeñob: “Majqui jach an i bʌq'uen ti' pusic'al la' i cʌy ti ora jini wits Galaad”, che'en. Che' jini cabʌl winicob tsa' sujtiyob ti ora, cha'p'ejl i cha'c'al mil (22,000). Tsa' jach cʌleyob lujump'ejl mil winicob.