Exodo 13:16 - Chol: I T’an Dios

¹⁶ Jiñʌch i yejtal cha'an i cha'anetla lac Yum, che' bajche' jump'ejl ejtalʌl am bʌ ti la' c'ʌb o ti la' pam cha'an mi la' chʌn ña'tan tsi' pʌyʌyetla loq'uel ti Egipto lac Yum”. Che'i mi caj la' jac'ben la' wa'lobilob, che'en Moisés.

Chol de Tumbalá Bible

¹⁶ Jiñʌch i yejtal cha'an i cha'anetla lac Yum, che' bajche' jump'ejl ejtalʌl am bʌ ti la' c'ʌb o ti la' pam cha'an mi la' chʌn ña'tan tsi' pʌyʌyetla loq'uel ti Egipto lac Yum”. Che'i mi caj la' jac'ben la' wa'lobilob, che'en Moisés.

Jiñi Tsiji' bʌ Wen T'añ cha'añ Estudio

¹⁶ Mi caj i c'ʌjñibʌyel che' bajche' i yejtal ti laj c'ʌb o ti lac pam cha'añ mi lac chʌn ña'tan che' bajche' lac Yum tsi' loc'sayonla ti Egipto ti p'ʌtʌl bʌ i c'ʌb.”

Exodo 13:16 Iomraidhean Croise

Nehemias 1:10

Jiñobʌch a winicob, a tejclumob, tsa' bʌ a colta ti ñuc bʌ a p'ʌtʌlel che' bʌ tsa' loc'sayob ti Egipto.

Salmos 136:11

Tsi' pʌyʌ loq'uel israelob ya' ba' cʌchʌlob, Come ti pejtelel ora an i yutslel i pusic'al.

Exodo 12:13

An i c'ʌjñibal jini ch'ich' cha'an mi' tsictesan la' wotot tac ba' chumuletla. Che' mij q'uel jini ch'ich' mi caj c ñumel. Ma'anic chuqui mi caj c tumbeñetla mi ts'ita'ic che' mic jats' jini egiptojob.

Exodo 12:41

Che' bʌ ñumenix jumbajc' yic'ot lujump'ejl i cha'c'al jab, ti jini jach bʌ q'uin tsa' loq'uiyob ti' lumal egiptojob pejtelel i cha'año' bʌ lac Yum.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui i sujmlel jini?” Mi che'ob, mi caj la' jac': “Ti' p'ʌtʌlel lac Yum tsi' pʌyʌyonla loq'uel ti Egipto, ya' ba chuculonla ti wocol e'tel.

Exodo 13:9

Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Exodo 6:1

Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Exodo 6:6

Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Proverbios 6:21

Chʌn ac'ʌ ti a pusic'al ti pejtelel ora. La' toj'esʌntiquet ti' jac'ol i t'an.

Daniel 9:15

C Yum Dios, jatet tsa' loc'sa a tejclumob ti Egipto ti ñuc bʌ a p'ʌtʌlel. Tsa' wʌc'ʌ ti wen cʌjñel a c'aba' ti jim bʌ q'uin c'ʌlʌl wʌle, pero an lojon c mul ti a tojlel. Tsa'ix c cha'le lojon jontolil.

Mateo 23:5

Ti pejtelel i melbal tac mi' cha'leñob cha'an mi' q'uejlelob ti ñuc ti winicob. Mi' cʌchob ti' jol yic'ot ti' c'ʌb mero ñuc bʌ i yajñib ts'ijbubil bʌ i t'an Dios. Mi' melob wen tam bʌ i ch'ʌjlib rebozo mu' bʌ i xojob ti oración.

Hechos 13:17

I Dios israelob tsi' yajca lac ñojte'el. Tsi' yʌq'ueyob i ñuclel che' ya' añob ti' lumal Egipto mach bʌ i cha'añobic. Tsi' pʌyʌyob loq'uel ti Egipto ti' p'ʌtʌlel i c'ʌb.

Deuteronomio 11:18

Pero yom mi la' chʌn ac' ti la' pusic'al pejtelel c t'an. Mach yomic mi' ñajʌyel la' cha'an. Yom mi la' cʌch ti la' c'ʌb ba' mi la' teñe q'uel, yic'ot ja'el ti la' pam cha'an mi la' chʌn ña'tan.

Deuteronomio 26:8

Jini cha'an lac Yum tsi' loc'sayonla ti Egipto ti ñuc bʌ i p'ʌtʌlel. I bajñel tsi' coltayonla yic'ot bʌbʌq'uen tac bʌ i yejtal i p'ʌtʌlel tsa' bʌ i pʌsbeyonla.

Deuteronomio 5:15

Yom ma' ña'tan mozojet ti yambʌ ora ti' lumal Egipto, pero lac Yum Dios tsi' loc'sayet yic'ot pejtelel i p'ʌtʌlel. Jini cha'an lac Yum Dios mi' wersa subeñet cha'an ma' c'aj a wo.

Deuteronomio 6:21

Ti jim bʌ ora mi caj la' suben la' walobilob: “Ti yambʌ ora mozojonla ti Egipto ti' tojlel Faraón, pero lac Yum tsi' loc'sayonla ti' p'ʌtʌlel.

Juezob 2:12

Tsi' cʌyʌyob lac Yum, i Dios i ñojte'elob tsa' bʌ i loc'sayob ti' lumal Egipto. Tsi' tsajcayob majlel dios tac i cha'an yambʌ tejclumob am bʌ ti' joytilel. Tsi' ch'ujutesayob. Tsi' techbeyob i mich'ajel lac Yum.