Exodo 12:6 - Chol: I T’an Dios

⁶ Cʌntanla jinto mi' ts'ʌctiyel lujump'ejl tsic ti ili uw. Che' ti ili tsic yom mi' tsʌnsañob tiñʌme' tac pejtelel israelob mu' bʌ i tempañob i bʌ. Che' ti ic'ajel mi caj i tsʌnsañob.

Chol de Tumbalá Bible

⁶ Cʌntanla jinto mi' ts'ʌctiyel lujump'ejl tsic ti ili uw. Che' ti ili tsic yom mi' tsʌnsañob tiñʌme' tac pejtelel israelob mu' bʌ i tempañob i bʌ. Che' ti ic'ajel mi caj i tsʌnsañob.

Jiñi Tsiji' bʌ Wen T'añ cha'añ Estudio

⁶ Mi caj la' cʌntan chʌnlujump'ejl q'uiñ ti ili uw, che' ti ili tsic mi caj i tsʌnsañob tʌñʌme' tac pejtelel israelob che' ti ic'ajel.

Exodo 12:6 Iomraidhean Croise

2 Cronicas 35:1

Josías tsi' mele jini Pascua ti' tojlel lac Yum ya' ti Jerusalén. Tsi' tsʌnsayob jini tiñʌme' cha'an Pascua che' ti ñaxan bʌ tsic ti abril.

Esdras 6:19

Tsi' melbeyob i q'uiñilel Pascua che' ti ñaxan bʌ q'uin ti abril.

Exodo 12:14

Jiñʌch jump'ejl q'uin yom bʌ mi la' ña'tan. Yom mi la' chʌn mel ili q'uin cha'an c ña'tʌntel yic'ot la' walobilob yic'ot pejtelel la' p'olbal mu' bʌ caj i tilelob. Yom mi la' chʌn ña'tan ili q'uin ti pejtelel ora.

Exodo 12:17

Mi caj la' mel i q'uiñilel waj mach bʌ anic i levadurajlel, come ti ili q'uin tsac pʌyʌyetla loq'uel ti Egipto. Jini cha'an mi caj la' mel ili q'uin jatetla yic'ot la' walobilob c'ʌlʌl ti la' p'olbal mu' bʌ caj i tilel cha'an mi la' ña'tan ti pejtelel ora.

Exodo 12:18

Ti ñaxan bʌ uw, ti chʌnlujump'ejlel tsic che' ti ic'ajel, mi caj la' c'ux waj mach bʌ anic i levadurajlel, c'ʌlʌl ti jump'ejl i cha'c'al tsic che' ti ic'ajel.

Exodo 12:47

Wersa mi' melob jini q'uin pejtel israelob.

Exodo 16:1

Pejtelel jini israelob tempʌbilo' bʌ ti mojt ti mojt tsa' loq'uiyob ti Elim. Tsa' majliyob ti colem bʌ i tiquiñal lum i c'aba' Sin am bʌ ti ojlil ba'an Elim yic'ot Sinaí. Tsa' c'otiyob che' ti jo'lujump'ejlel tsic che' ti cha'p'ejlel uw che' loq'uemobix ti Egipto.

Exodo 19:1

Che' loq'uemobix israelob ti Egipto, che' ti' yuxp'ejlel uw ti jini naxan bʌ tsic, tsa' c'otiyob ya' ti colem bʌ i tiquiñal lum i c'aba' Sinaí.

Exodo 29:39

Jini juncojt mi caj a wʌq'ueñon ti sʌc'ajel. Jini yambʌ mi caj a wʌq'ueñon ti ic'ajel.

Exodo 29:41

I cha'cojtlel bʌ tiñʌme' yom ma' wʌq'ueñon che' ti ic'ajel, lajal ma' mel che' bajche' ti sʌc'ajel, yic'ot lajal i xojocñʌyel cha'an pulbil bʌ i majtan a Yum.

Isaias 53:6

Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.

Ezequiel 45:21

Che' ti chʌnlujump'ejl (14) q'uin ti jini jach bʌ uw, mi caj la' mel jini Pascua. Wucp'ejl q'uin mi la' cha'len q'uiñijel. Mi caj la' c'ux caxlan waj mach bʌ anic i levadurajlel.

Levitico 23:5

Mi' cajel ili q'uiñijel che' ti' jilibal marzo.

Numeros 28:16

Lac Yum tsi' yʌlʌ: Mi caj la' mel jini q'uin cha'an Pascua che' ti' chʌnlujump'ejlel tsic che' ti ñaxan bʌ uw. (Jini Pascua jiñʌch i q'uiñilel che' bʌ tsa' ñumi jini ángel ti Egipto, che' bʌ tsi' p'unta jini ascuñʌl bʌ i yalobilob israelob. Ma'anic tsi' tsʌnsayob.)

Numeros 28:18

Yom ch'ujul mi la' tempan la' bʌ ti jini ñaxan bʌ q'uin. Mach yomic mi la' cha'len e'tel.

Numeros 9:11

Che' ti' chʌnlujump'ejlel q'uin che' ti' cha'p'ejlel uw, che' mi' bʌjlel q'uin, la' i chajpañob jini tiñʌme' cha'an mi' tsʌnsañob. Mi caj i c'uxob jini tiñʌme' yic'ot waj mach bʌ anic i levadurajlel. Yom mi' c'uxob jini ch'aj bʌ pimel.

Mateo 27:20

Jini ñuc bʌ motomaj yic'ot xñoxob año' bʌ i ye'tel tsi' wersa xic'beyob winicob cha'an mi' yʌc'ob ti colel Barrabás cha'an mi' tsʌnsʌntel Jesús.

Mateo 27:25

Tsi' jac'ʌyob winicob x'ixicob: La' c toj lojon quic'ot lojon calobilob i ch'ich'el jini winic, che'ob.

Marcos 15:1

Ti sʌc'ajel tsi' tempayob i bʌ ti t'an jini ñuc bʌ motomajob yic'ot jini xñoxob am bʌ i ye'tel yic'ot sts'ijbayajob yic'ot pejtelel año' bʌ i ye'tel. Cʌchʌl tsi' pʌyʌyob majlel Jesús. Tsi' yʌc'ʌyob ti' c'ʌb Pilato.

Marcos 15:11

Jini ñuc bʌ motomajob tsi' xic'beyob winicob cha'an mi' c'ajtiñob ti colel Barrabás.

Marcos 15:25

Yom to uxp'ejl ora cha'an xinq'uiñil che' bʌ tsi' ch'ijiyob ti cruz.

Marcos 15:8

Che' bʌ tsa' tiliyob winicob tsa' caji i c'ajtibeñob Pilato cha'an mi' cha'len che' bajche' i tilel.

Lucas 23:1

Tsa' tejchiyob pejtelel jini tempʌbilo' bʌ winicob. Tsi' pʌyʌyob majlel Jesús ba'an Pilato.

Lucas 23:18

Pejtelel jini winicob x'ixicob junlajal tsi' yʌlʌyob ti c'am bʌ t'an: La' chʌmic ili winic. Ac'ʌ ti colel Barrabás, che'ob.

Hechos 2:23

Jini Jesús tsa' ajq'ui ti' c'ʌb winicob che' bajche' tsi' yʌlʌ Dios ti wajali. Dios tsi' wʌn ña'ta chuqui mi' caj ti ujtel. Jatetla tsa'ix la' xic'be xñusa mandarob cha'an mi' chucob Jesús. Tsi' ch'ijiyob ti cruz. Tsi' tsʌnsayob.

Hechos 3:14

Jatetla tsa' la' ts'a'le jini Ch'ujul Bʌ, jini Toj Bʌ. Tsa' la' c'ajtibe Pilato cha'an mi' yʌc' ti colel stsʌnsa.

Hechos 4:27

Isujm ti jini tejclum, tsi' tempayob i bʌ Herodes yic'ot Poncio Pilato yic'ot jini gentilob yic'ot israelob ti' contra Jesús, jini ch'ujul bʌ a Walobil, jini yajcʌbil bʌ a cha'an.

Josue 5:10

Che' ya' añob jini israelob ti Gilgal tsi' meleyob q'uin cha'an Pascua che' ti ic'ajel che' ti chʌnlujump'ejlel (14) q'uin ti jini jach bʌ uw. Tsi' meleyob ya' ti joctʌl lʌc'ʌl ti Jericó.