Exodo 12:29 - Chol: I T’an Dios

²⁹ Che' ti' ojlil ac'ʌlel lac Yum tsi' tsʌnsa pejtel ascuñʌlo' bʌ ti Egipto, c'ʌlʌl ti ascuñʌl bʌ i yalobil Faraón jini rey c'ʌlʌl ti ascuñʌl bʌ i yalobil xmʌjquel am bʌ ti mʌjquibʌl, yic'ot pejtel ñaxan bʌ i yal alʌc'ʌl tac ja'el.

Chol de Tumbalá Bible

²⁹ Che' ti' ojlil ac'ʌlel lac Yum tsi' tsʌnsa pejtel ascuñʌlo' bʌ ti Egipto, c'ʌlʌl ti ascuñʌl bʌ i yalobil Faraón jini rey c'ʌlʌl ti ascuñʌl bʌ i yalobil xmʌjquel am bʌ ti mʌjquibʌl, yic'ot pejtel ñaxan bʌ i yal alʌc'ʌl tac ja'el.

Jiñi Tsiji' bʌ Wen T'añ cha'añ Estudio

²⁹ Che' ti' yojlil ac'ʌlel lac Yum tsi' tsʌnsa pejtelel ascuñʌlo' bʌ ti lumal Egipto, tsi' teche ti ascuñʌl bʌ i yalobil faraón mu' bʌ caj i buchtʌl ti' q'uexol, c'ʌlʌl ti ascuñʌl bʌ i yalobil xmʌjquel am bʌ ti cárcel, yic'ot pejtelel ñaxan bʌ i yal alʌc'ʌl tac.

Exodo 12:29 Iomraidhean Croise

Genesis 15:14

Pero mi caj c mel jini winicob x'ixicob mu' bʌ i tic'lañob ti jini lum. Ti wi'il mi caj i loq'uelob ti' wenta i yumob yic'ot cabʌl i chubʌ'an.

Job 34:20

Ti jujumuc' an bʌq'uen mi lac chʌmel ti q'uiñil yic'ot ti ac'ʌlel. Jini chano' bʌ yic'ot jini pec'o' bʌ mi' ñijcuyelob, mi' jilelob. Jini año' bʌ i ye'tel mi' loq'uelob ti' ye'tel che' bajche' wʌn ña'tibil ti Dios.

Salmos 105:36

Lac Yum tsi' tsʌnsa pejtelel ascuñʌlo' bʌ ti' lumal, Jini ñaxan bʌ i yalobilob.

Salmos 135:8

Tsi' jisa jini ascuñʌl bʌ winicob año' bʌ ti Egipto, Yic'ot ñaxan bʌ i yal alʌc'ʌl.

Salmos 136:10

Suben wocolix i yʌlʌ Dios tsa' bʌ i jisa jini ascuñʌlo' bʌ ti Egipto, Come ti pejtelel ora an i yutslel i pusic'al.

Salmos 78:50

Cʌlʌx jax tsa' tili i mich'ajel Dios. Ma'anic tsi' p'unta jini egiptojob. Tsi' jisayob ti c'amʌjel.

Salmos 78:51

Tsi' tsʌnsa pejtelel jini ascuñʌlo' bʌ ti jujump'ejl xchumtʌl am bʌ ti' lumal Egipto.

Exodo 11:1

Lac Yum tsi' sube Moisés: An to yom junyajl mic tic'lan Faraón yic'ot egiptojob. Ti wi'il mi caj i choquetla majlel. Che' mi' choquetla majlel, mi caj i wets'etla loq'uel ti junyajlel.

Exodo 12:12

Come mi caj c ñumel ti Egipto ti ili ac'ʌlel. Mi caj c jats' pejtel jini ascuñʌlo' bʌ ti Egipto, winicob yic'ot i yʌlac'ob. Mi caj c jisan pejtel jini dioste' tac i cha'an egiptojob. Joñon Yumʌlon.

Exodo 12:28

Che' jini tsa' majliyob israelob. Tsi' meleyob che' bajche' tsa' subentiyob, che' bajche' lac Yum tsi' yʌq'ueyob mandar Moisés yic'ot Aarón.

Exodo 13:15

Come ba' ora Faraón mach yomic i yʌc'onla ti loq'uel, lac Yum tsi' tsʌnsa pejtel yʌx alʌlob ti Egipto yic'ot i yʌx'al pejtel i yʌlac'. Jini cha'an mi la cʌq'uen lac Yum pejtel i yʌx'al la cʌlac' cha'an tsʌnsʌbil bʌ i majtan, pero mi laj q'uex pejtel yʌx alʌlob lac cha'an ti tiñʌme'.

Exodo 4:23

Mic subeñet: La' majlic calobil cha'an mi' ch'ujutesañon. Mi ma'anic ma' choc majlel jini calobil, mi caj c tsʌnsan jini ascuñʌl bʌ a walobil. Che' tsi' yʌlʌ lac Yum”. Che' yom ma' suben Faraón, che'en lac Yum.

Exodo 9:6

Che' ti yijc'ʌlal lac Yum tsi' mele. Tsa' chʌmi pejtel i wacax egiptojob. Pero ma'anic tsa' chʌmi i wacax israelob.

Isaias 24:22

Mi caj i much'quiñob tilel che' bajche' xñujp'elob cha'an mi' yotsañob ti ch'en jinto che' i yorajlelix meloñel.

Isaias 41:11

Awilan pejtel mu' bʌ i ts'a'leñet mi caj i yubiñob quisin. Mi caj i toj sajtelob i pusic'al. Jini mu' bʌ i contrajiñet mi caj i jilelob. Ma'anix mi caj a chʌn p'isob ti a wenta.

Isaias 51:14

Mach jalix mi caj i loq'uelob ti libre jini cʌchʌlo' bʌ ti wocol. Ma'anic mi caj a chʌmel ti mʌjquibʌl mi ti wi'ñal.

Jeremias 38:13

Che' jini tsi' letsayob loq'uel Jeremías ti patio am bʌ ti' wenta xq'uelojelob.

Jeremias 38:6

Jini cha'an tsi' cʌchʌyob Jeremías. Tsi' ju'sayob ba' tocol lum cha'an i yajñib ja'. Ili lum i cha'añʌch Malquías i yalobil rey. An ti' wenta jini xq'uelojelob ti' pat i yotot rey. Tsi' ju'sayob ti lazo. Ma'anic ja' ti yebal, pero tam jini oc'ol. Jeremías tsa' sup' ochi ti oc'ol.

Habacuc 3:5

Mi' choc majlel i t'an cha'an mi' c'am'an winicob. Mi' chʌmelob ti c'ajc.

Zacarias 9:11

Tsac tajayetla ba' cʌchʌletla ba' woliyetla ti chʌmel cha'an tiquin ti'. Tsaj coltayetla loq'uel cha'an ti' caj jini trato bʌ c t'an am bʌ i sellojlel ti ch'ich'.

Numeros 8:17

Come pejtelel yʌx alʌl bʌ i yalobilob c cha'añobʌch, yic'ot i yʌx'al alʌc'ʌl tac, c'ʌlʌl che' bʌ tsac tsʌnsa pejtelel jini yʌx alʌlob ti Egipto. Tsac pʌyʌyob cha'an mi' yajñelob tic tojlel.

Hebreos 11:28

Cha'an tsi' ñopo Dios, tsi' teche Pascua. Tsi' subeyob i pi'ʌlob cha'an mi' tsʌnsañob tiñʌme' cha'an mi' tsijcañob ch'ich' ti' ti' i yotot cha'an mi' coltʌntelob jini yʌx alʌlob ba' ora tsa' ñumi i jisañob jini ángel.

Hebreos 12:23

Tsa'ix c'otiyetla ba' tempʌbilob yʌx alʌl bʌ i yalobilob Dios ts'ijbubil bʌ i c'aba' ti panchan. Ya'an Dios mu' bʌ i mel pejtelel winicob. Ya' añob i ch'ujlel toj bʌ winicob tsa' bʌ cha' mejliyob ti uts'at.