Exodo 12:22 - Chol: I T’an Dios

²² Ch'ʌmʌla junbujts hisopo. Ts'ajala ti ch'ich' am bʌ ti latu. Boñola ts'omte' yic'ot cha'tejc chumte' ti ch'ich' am bʌ ti latu. Mach yomic mi la' loq'uel ti la' wotot c'ʌlʌl mi' sʌc'an mi juntiquileticla.

Chol de Tumbalá Bible

²² Ch'ʌmʌla junbujts hisopo*. Ts'ajala ti ch'ich' am bʌ ti latu. Boñola ts'omte' yic'ot cha'tejc chumte' ti ch'ich' am bʌ ti latu. Mach yomic mi la' loq'uel ti la' wotot c'ʌlʌl mi' sʌc'an mi juntiquileticla.

Jiñi Tsiji' bʌ Wen T'añ cha'añ Estudio

²² Ch'ʌmʌla junbujts hisopo, ts'ajala ti ch'ich' am bʌ ti jiñi taza yic'ot boñola jiñi ts'omte' yic'ot jiñi cha'tejc chumte' ti jiñi ch'ich' am bʌ ti taza. Mach yomic mi la' loq'uel mi juntiquilic ti la' wotot c'ʌlʌl mi' sʌc'an,

Exodo 12:22 Iomraidhean Croise

Salmos 51:7

Sʌq'uesañon yic'ot i ch'ich'el alʌc'ʌl Cha'an wen sʌc mi cajñel. Pocoyon cha'an ñumen sʌc mi cajñel bajche' sʌsʌc bʌ tocal.

Exodo 12:7

Mi caj i ch'ʌmob lamital jini ch'ich'. Mi caj i boñob cha'tejc jini chumte' ti' ti' otot yic'ot i ts'omte'lel i ti' otot tac ya' ba' mi caj i c'uxob.

Isaias 26:20

Sujtenla, c pi'ʌlob. Ñup'benla i ti' tac la' wotot. Yom mi la' poj mujcun la' bʌ jinto mi' lajmel i mich'ajel lac Yum.

Numeros 19:18

La' tilic juntiquil sʌc bʌ winic yic'ot hisopo cha'an mi' ts'aj ya' ti ja' am bʌ ti basija. Che' jini mi caj i tsijcan jini otot, yic'ot pejtelel jini p'ejt an tac bʌ ti' mal jini otot, yic'ot pejtelel jini bibi'o' bʌ año' bʌ ti' mal jini otot, yic'ot xjula'o' bʌ, yic'ot jini tsa' bʌ i tʌlbe i bʌquel ch'ujlelʌl, mi tsʌnsʌbil ti bij o mi che' jach tsa' chʌmi, yic'ot jini tsa' bʌ i tʌlʌ mucoñibʌl.

Mateo 26:30

Che' bʌ tsa' ujti i c'ʌyiñob jump'ejl c'ay, tsa' majliyob ti Olivo wits.

Hebreos 11:28

Cha'an tsi' ñopo Dios, tsi' teche Pascua. Tsi' subeyob i pi'ʌlob cha'an mi' tsʌnsañob tiñʌme' cha'an mi' tsijcañob ch'ich' ti' ti' i yotot cha'an mi' coltʌntelob jini yʌx alʌlob ba' ora tsa' ñumi i jisañob jini ángel.

Hebreos 12:24

Tsa'ix c'otiyetla ba'an Jesús, jini tsa' bʌ i yʌq'ueyonla jini tsijib xuc'ul bʌ t'an ba' tsijcʌbil i ch'ich'el cha'an mi' ñusʌntel lac mul. Ñumen uts'at i ch'ich'el come ma'anic mi' c'ajtin i q'uexol che' bajche' i ch'ich'el Abel.

Hebreos 9:1

Dios tsi' yʌq'ueyonla mandar yic'ot jini ñaxan bʌ trato. Tsi' cʌntesayonla bajche' yom mi lac ch'ujutesan yic'ot bajche' yom mi' yujtel i ye'tel ti ch'ujul bʌ ajñibʌl ila ti pañimil.

Hebreos 9:14

Ñumen i c'ʌjñibal i ch'ich'el Cristo. Come mi' poc loq'uel ti lac pusic'al jini tsucul bʌ lac melbal cha'an mi lac melben i ye'tel jini cuxul bʌ Dios. Ti' p'ʌtʌlel jini Espíritu mach bʌ ajnic mi' jilel, Cristo tsi' yʌc'ʌ i bʌ che' bajche' ch'ujul bʌ i majtan Dios mach bʌ anic i mul.

Hebreos 9:19

Moisés che' bʌ tsa' ujti i subeñob pejtelel winicob pejtelel i mandar Dios tsi' ch'ʌmʌ i ch'ich'el alʌ wacax yic'ot i ch'ich'el chivo yic'ot ja', yic'ot chʌchʌc bʌ i tsutsel tiñʌme', yic'ot pimel cha'an mi' tsijcan i juñilel mandar yic'ot pejtelel winicob x'ixicob.

Josue 2:19

Majqui jach mi' loq'uel ti' ti' a wotot bʌbʌq'uen mi' chʌmel. Mach c mulic lojon. Pero c mulʌch lojon majqui jach mi' chʌmel mi tsa' ochi ti a wotot.

1 Pedro 1:2

Yajcʌbiletla che' bajche' tsi' wʌn ña'ta Dios lac Tat. Jini Espíritu woli' sʌq'uesañetla cha'an mi la' jac'ben Jesucristo, yic'ot ja'el cha'an mi la' mujlel ti' ch'ich'el Jesucristo. La' p'ojlesʌntic i yutslel yic'ot i ñʌch'tʌlel la' pusic'al.