Exodo 12:2 - Chol: I T’an Dios

² Ili uw i tejchibalix jini tsiji' bʌ jabil la' cha'an.

Chol de Tumbalá Bible

² Ili uw i tejchibalix jini tsiji' bʌ jabil la' cha'an.

Jiñi Tsiji' bʌ Wen T'añ cha'añ Estudio

² “Ili uw jiñʌch wen ñuc bʌ mi caj la' q'uel che' bajche' jiñi yan tac bʌ uw; jiñʌch ñaxan bʌ uw cha'añ jujump'ejl ja'b.

Exodo 12:2 Iomraidhean Croise

Ester 3:7

Che' ti abril, che' ti' lajchʌmp'ejlix jab i yumʌntel jini rey Asuero, tsi' cha'leyob yajcaya ti alas cha'an mi' ña'tañob baqui ora yom ujtel chuqui tsi' ña'ta i mel Amán. Ñaxan tsa' caji' ña'tan baqui bʌ tsic, ti wi'il tsi' ña'ta jini uw, jiñʌch febrero.

Exodo 12:1

Lac Yum tsi' sube Moisés yic'ot Aarón che' añob to ti Egipto:

Exodo 12:18

Ti ñaxan bʌ uw, ti chʌnlujump'ejlel tsic che' ti ic'ajel, mi caj la' c'ux waj mach bʌ anic i levadurajlel, c'ʌlʌl ti jump'ejl i cha'c'al tsic che' ti ic'ajel.

Exodo 12:3

Subeñob pejtel jini tejclum Israel cha'an mi' ch'ʌmob tilel jujuncojt alʌ tat tiñʌme' ti jujump'ejl otot che' ti lujump'ejlel tsic ti ili uw.

Exodo 13:3

Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Exodo 13:4

Jiñʌch jini q'uin ti marzo che' bʌ tsa' pʌjyiyetla loq'uel.

Exodo 23:15

Yom mi la' mel jini q'uiñijel cha'an waj mach bʌ anic i levadurajlel. Wucp'ejl q'uin mi caj la' c'ux waj mach bʌ anic i levadurajlel che' bajche' tsac subeyetla ti mandar. Yom mi la' mel jini q'uiñijel che' ti marzo, come ti ili ora tsa' loq'uiyetla ti Egipto. Ti jujuntiquiletla yom mi la' wʌq'ueñon c majtan.

Exodo 34:18

Yom mi la' ña'tan la' melben i q'uiñilel waj mach bʌ anic i levadurajlel. Wucp'ejl q'uin yom mi la' c'ux waj mach bʌ anic i levadurajlel. Yom ti' yorajlel che' bajche' ña'tʌbil ti' yuwilel, jiñʌch che' ti marzo che' bajche' tsac subeyet, come jiñʌch jini uw che' tsa' loq'uiyetla ti Egipto.

Exodo 40:17

Tsi' wa'choco jini Tabernáculo ti ñaxan bʌ q'uin ti ñaxan bʌ uw, ti' cha'p'ejlel bʌ jab che' tsa' loq'uiyob ti Egipto.

Ezequiel 45:18

Che'ʌch woli' yʌl lac Yum Dios: Che' ti tsijib jabil, yom mi la' ch'ʌm tilel juncojt alʌ tat wacax, mach bʌ anic i c'amʌjel mi i lojwel cha'an ma' sʌq'uesan jini Templo.

Ezequiel 45:21

Che' ti chʌnlujump'ejl (14) q'uin ti jini jach bʌ uw, mi caj la' mel jini Pascua. Wucp'ejl q'uin mi la' cha'len q'uiñijel. Mi caj la' c'ux caxlan waj mach bʌ anic i levadurajlel.

Levitico 23:5

Mi' cajel ili q'uiñijel che' ti' jilibal marzo.

Numeros 28:16

Lac Yum tsi' yʌlʌ: Mi caj la' mel jini q'uin cha'an Pascua che' ti' chʌnlujump'ejlel tsic che' ti ñaxan bʌ uw. (Jini Pascua jiñʌch i q'uiñilel che' bʌ tsa' ñumi jini ángel ti Egipto, che' bʌ tsi' p'unta jini ascuñʌl bʌ i yalobilob israelob. Ma'anic tsi' tsʌnsayob.)

Deuteronomio 16:1

Ti jujump'ejl jab che' ti abril yom mi la' mel q'uin cha'an Pascua ti' tojlel lac Yum Dios. Come ti jim bʌ ora lac Yum Dios tsi' loc'sayetla ti Egipto che' ti ac'ʌlel.