Exodo 12:16 - Chol: I T’an Dios

¹⁶ Ti ñaxan bʌ q'uin ch'ujul mi caj j q'ueletla che' mi la' tempan la' bʌ. Che' ja'el ti wucp'ejlel q'uin ch'ujul mi caj j q'ueletla che' mi la' tempan la' bʌ. Mach yomic mi la' cha'len e'tel ti ili q'uin. Pero mi mejlel la' chajpan jini yom bʌ mi la' c'ux.

Chol de Tumbalá Bible

¹⁶ Ti ñaxan bʌ q'uin ch'ujul mi caj j q'ueletla che' mi la' tempan la' bʌ. Che' ja'el ti wucp'ejlel q'uin ch'ujul mi caj j q'ueletla che' mi la' tempan la' bʌ. Mach yomic mi la' cha'len e'tel ti ili q'uin. Pero mi mejlel la' chajpan jini yom bʌ mi la' c'ux.

Jiñi Tsiji' bʌ Wen T'añ cha'añ Estudio

¹⁶ Ti jiñi ñaxan bʌ q'uiñ yom mi caj la mel ch'ujul bʌ tempa bʌ yic'ot che' ti wucp'ejlel q'uiñ. Mach yomic mi caj la' cha'len e'tel ti jiñi q'uiñ tac, cojach mi mejlel la' chajpan jiñi yom bʌ mi la' c'ux.

Exodo 12:16 Iomraidhean Croise

Exodo 16:23

Moisés tsi' subeyob: Lac Yum tsi' yʌlʌ: “Ijc'ʌl mi caj la' c'aj la' wo. Jiñʌch ch'ujul bʌ c'aj o cha'an mi la' ch'ujutesan lac Yum. Pojponla chuqui yom. Ch'ʌxʌla chuqui yom. Lotola i colojbal cha'an ijc'ʌl”. Che' tsi' yʌlʌ lac Yum, che'en Moisés.

Exodo 16:29

Ña'tanla, tsa'ix cʌq'ueyetla jump'ejl q'uin cha'an mi la' c'aj la' wo. Che' ti' wʌcp'ejlel q'uin on mi cʌq'ueñetla waj cha'an cha'p'ejl q'uin. Yom mi la' cʌytʌl ti la' chumlib ti jujuntiquiletla che' ti wucp'ejlel q'uin. Mach yomic mi la' loq'uel cha'an mi la' sʌclan i bʌl la' ñʌc' mi juntiquileticla, che'en lac Yum.

Exodo 16:5

Che' ti' wʌcp'ejlel q'uin yom mi' tempañob i bʌl i ñʌc' cha'an cha'p'ejl q'uin, che'en.

Exodo 20:10

I wucp'ejlel q'uin i yorajlelʌch c'aj o cha'an a Yum Dios. Ti ili q'uin mach a wis cha'len e'tel, mi jatet, mi ch'iton bʌ a walobil, mi xch'oc bʌ a walobil, mi a winic, mi a criada, mi a wʌlac' mi jini am bʌ ti a tojlel mach bʌ a pi'ʌlic,

Exodo 34:18

Yom mi la' ña'tan la' melben i q'uiñilel waj mach bʌ anic i levadurajlel. Wucp'ejl q'uin yom mi la' c'ux waj mach bʌ anic i levadurajlel. Yom ti' yorajlel che' bajche' ña'tʌbil ti' yuwilel, jiñʌch che' ti marzo che' bajche' tsac subeyet, come jiñʌch jini uw che' tsa' loq'uiyetla ti Egipto.

Isaias 1:13

Mach comix mi la' ch'ʌmbeñon tilel c majtan. Ts'a' mij q'uel i buts'il pom. Ts'a' mij q'ueletla che' mi la' tempan la' bʌ yic'ot la' pi'ʌlob cha'an mi la' melben i q'uiñilel jini tsiji' bʌ uw yic'ot i q'uiñilel c'aj o. Mach cujchix c cha'an la' mul. Mach tijicñayonic che' mi la' tempan la bʌ cha'an mi la' ch'ujutesañon.

Levitico 23:21

Pʌyʌla tilel winicob cha'an mi' tempañob i bʌ tic tojlel come ch'ujulʌch jini q'uin. Mach yomic mi la' cha'len e'tel ti ili q'uin. Yom chʌn c'ajal la' cha'an ili q'uin ti pejtelel ora, jatetla yic'ot la' p'olbalob.

Levitico 23:35

Che' ti ñaxan bʌ q'uin yom mi' tsictesʌntel jini ch'ujul bʌ cʌntesa. Mach yomic mi la' cha'len e'tel.

Numeros 28:18

Yom ch'ujul mi la' tempan la' bʌ ti jini ñaxan bʌ q'uin. Mach yomic mi la' cha'len e'tel.

Numeros 28:25

Che' ti' wucp'ejlel q'uin, yom ch'ujul mi la' tempan la' bʌ. Mach yomic mi la' cha'len e'tel.

Numeros 28:26

Mi caj la' cha'len q'uiñijel ja'el che' ti' yorajlel Pentecostés che' mi la' tuc' jini ñaxan bʌ i wut la' pʌc'ʌb cha'an mi la' wʌq'uen la' Yum. Yom ch'ujul mi la' tempan la' bʌ ti la' pejtelel cha'an mi la' mel jini q'uin cha'an c'ajbal. Mach yomic mi la' cha'len e'tel.

Numeros 29:1

Yom mi la' mel i q'uiñilel Trompeta tac che' ti jo'lujump'ejl (15) tsic cha'an septiembre ti jujump'ejl jab. Mach yomic mi la' cha'len e'tel. Yom ch'ujul mi la' tempan la' bʌ ti jini q'uin.

Numeros 29:12

Che' ñumenix jo'p'ejl q'uin mi la' cha' tempan la' bʌ ti la' pejtelel. Mach yomic mi la' cha'len e'tel. I tejchibalix ñuc bʌ q'uiñijel tic tojlel. Mux la' mel q'uin c'ʌlʌl mi' joloñel semana.

Juan 19:31

I q'uiñilelix chajpaya che' woli' melob Pascua. Jini cha'an mach yomobic judíojob mi' cʌytʌl i bʌc'tal jini chʌmeño' bʌ ti cruz che' ti' q'uiñilel c'aj o, come jiñʌch ñuc bʌ q'uin. Jini cha'an tsi' c'ajtibeyob Pilato cha'an mi' yʌc' ti c'ʌsbentelob i ya' cha'an mi' ch'ʌjmelob majlel.

Deuteronomio 16:8

Wʌcp'ejl q'uin yom mi la' c'ux jini waj mach bʌ anic i pajel. Che' ti' wucp'ejlel q'uin yom mi la' tempan la' bʌ ti' tojlel lac Yum Dios ti jujump'ejl tejclum ba' chumuletla. Mach yomic mi la' cha'len e'tel ti jini q'uin.