Exodo 12:15 - Chol: I T’an Dios

¹⁵ Wucp'ejl q'uin mi caj la' c'ux waj mach bʌ anic i levadurajlel. Che' ti' tejchibal jini q'uiñijel mach yomic mi' tajtʌl mi ts'ita'ic levadura ti la' wotot. Mi an majqui mi' c'ux levadura che' woli jini q'uiñijel mach mejlic i yajñel yic'ot c winicob ti Israel mu' bʌ i tempañob i bʌ.

Chol de Tumbalá Bible

¹⁵ Wucp'ejl q'uin mi caj la' c'ux waj mach bʌ anic i levadurajlel. Che' ti' tejchibal jini q'uiñijel mach yomic mi' tajtʌl mi ts'ita'ic levadura* ti la' wotot. Mi an majqui mi' c'ux levadura che' woli jini q'uiñijel mach mejlic i yajñel yic'ot c winicob ti Israel mu' bʌ i tempañob i bʌ.

Jiñi Tsiji' bʌ Wen T'añ cha'añ Estudio

¹⁵ Wucp'ejl q'uiñ mi caj la' c'ux waj mach bʌ añic i levadurajlel. Che' ti' tejchibal jiñi q'uiñijel mach yomic mi ts'ita'ic levadura ti la' wotot, come majqui jach mi' c'ux añ tac bʌ i levadurajlel che' woli jiñi q'uiñijel, mi caj i chojquel loq'uel ti' tojlel israelob.

Exodo 12:15 Iomraidhean Croise

Genesis 17:14

Mi an juntiquil winic mach bʌ anic tsa' tsepbenti i pʌchʌlel i bʌc'tal, mi caj i chojquel loq'uel ti' tojlel i pi'ʌlob cha'an tsi' ñusa jini xuc'ul bʌ c t'an. Che' tsi' yʌlʌ Dios.

2 Cronicas 30:21

Wucp'ejl q'uin tsi' meleyob jini ñuc bʌ i q'uiñilel Pascua ya' ti Jerusalén jini israelob. Ti pejtelelob wen tijicñayob i pusic'al. Jini levíjob yic'ot jini motomajob tsi' ñuq'uesayob lac Yum ti jujump'ejl q'uin. Tsi' cha'leyob c'ay yic'ot música.

Esdras 6:22

Ti' tijicñʌyel i pusic'al tsi' meleyob jini q'uin che' mi' c'uxob caxlan waj mach bʌ anic i levadurajlel. Wucp'ejl q'uin tsi' cha'leyob q'uiñijel come tsi' wen coltayob lac Yum. Jiñʌch lac Yum tsa' bʌ i nijcʌbe i pusic'al jini rey ti Asiria cha'an mi' coltañob, cha'an mi' wen mejlel i Templo Dios, i Dios Israel.

Exodo 12:8

Mi caj i c'uxob we'elʌl ti jini ac'ʌlel, pojpobil, yic'ot waj mach bʌ anic i levadurajlel, yic'ot ch'aj bʌ pimel.

Exodo 13:3

Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Exodo 23:15

Yom mi la' mel jini q'uiñijel cha'an waj mach bʌ anic i levadurajlel. Wucp'ejl q'uin mi caj la' c'ux waj mach bʌ anic i levadurajlel che' bajche' tsac subeyetla ti mandar. Yom mi la' mel jini q'uiñijel che' ti marzo, come ti ili ora tsa' loq'uiyetla ti Egipto. Ti jujuntiquiletla yom mi la' wʌq'ueñon c majtan.

Exodo 30:33

Majqui jach mi' mel pom lajal bʌ bajche' iliyi mi caj i chojquel loq'uel ti' tejclum. Che'ʌch mi caj i yujtel ti' tojlel jini mu' bʌ i c'ʌn i bon joch winic”. Che' yom ma' subeñob israelob. Che' tsi' yʌlʌ lac Yum.

Exodo 30:38

Majqui jach mi' bajñel mel yambʌ lajal bʌ che' bajche' jini perfume cha'an mi' sic', yom mi' chojquel loq'uel ti' lumal. Che' tsi' yʌlʌ lac Yum.

Exodo 31:14

Jini cha'an yom mi la' lot i yorajlel c'aj o, come ch'ujulʌch ti la' tojlel. Majqui jach mi' c'ʌn ili q'uin cha'an i ye'tel, yom mi' tsʌnsʌntel.

Exodo 34:18

Yom mi la' ña'tan la' melben i q'uiñilel waj mach bʌ anic i levadurajlel. Wucp'ejl q'uin yom mi la' c'ux waj mach bʌ anic i levadurajlel. Yom ti' yorajlel che' bajche' ña'tʌbil ti' yuwilel, jiñʌch che' ti marzo che' bajche' tsac subeyet, come jiñʌch jini uw che' tsa' loq'uiyetla ti Egipto.

Exodo 34:25

Che' mi la' wʌq'ueñon tsʌnsʌbil bʌ c majtan yic'ot i ñujp, mach yomic levadura. Mach yomic mi la' cʌyben i colojbal cha'an ti yijc'ʌlal, che' ti yorajlel jini q'uin cha'an Pascua.

Levitico 17:10

Che' ja'el mi an majqui mi' c'ux jini ch'ich', mi israel mi ñajt bʌ ch'oyolob, mi caj c choc loq'uel ti tejclum.

Levitico 17:14

Come i cuxtʌlel pejtelel cuxul tac bʌ an ti' ch'ich'el. Jini cha'an tsac subeyob jini israelob mach mejlic i wis c'uxob jini ch'ich', come jiñʌch i cuxtʌlel pejtel cuxul tac bʌ. Jini cha'an mi caj i wersa chojquel loq'uel ti jini tejclum majqui jach mi' c'ux.

Malaquias 2:12

Lac Yum la' i loq'uesan ti' Templo yic'ot ti Israel jujuntiquil winic yic'ot motomaj mu' bʌ i cha'len mulil bajche' jini.

Numeros 28:17

Che' ti yijc'ʌlal mi caj i tejchel tijicña bʌ q'uiñijel. C'ʌlʌl ti wucp'ejl q'uin mach yomic mi' wis c'uxtʌl jini waj am bʌ i levadurajlel.

Numeros 9:13

Pero mi an winic mu' bʌ i to'o cʌy i bʌ che' sʌcʌch, che' ma'anic ba' tsa' majli, cha'an jach mach yomic i mel i q'uiñilel Pascua, che' jini wersa yom mi' chojquel loq'uel ti' tojlel c winicob, come ma'anic tsi' yʌc'ʌ i bʌ che' ti' yorajlel mi' cha'leñob q'uiñijel tic tojlel. Jini cha'an i bajñel an ti' wenta i mul jini winic.

Mateo 16:12

Tsi' ch'ʌmbeyob isujm yom mi' chʌcʌ q'uelob i bʌ cha'an i cʌntesʌbal fariseojob yic'ot saduceojob, mach cha'anic jini levadura am bʌ ti caxlan waj.

Lucas 12:1

Ti jim bʌ ora tsi' tempayob i bʌ wen cabʌl winicob x'ixicob jinto che' wolix i t'uchtʌbeñob i bʌ i yoc. Jesús tsa' caji i ñaxan pejcan xcʌnt'añob i cha'an. Tsi' yʌlʌ: Chʌcʌ q'uele la' bʌ cha'an i levadura fariseojob, jiñʌch i cha'p'ejlel i pusic'al.

Lucas 2:43

Che' bʌ tsa' ujti i melob q'uin, tsa' cajiyob ti sujtel. Ya' tsa' cʌle ti Jerusalén jini ch'iton Jesús. Mach yujilobic José yic'ot i ña' Jesús.

Hechos 12:3

Che' bʌ tsi' q'uele Herodes tijicñayob judíojob cha'an tsi' tsʌnsa Jacobo, tsa' caji i chuc Pedro ja'el. I q'uiñilelix caxlan waj mach bʌ anic i levadurajlel.

Gálatas 5:12

Uts'at muq'uic i junyajlel tsepob i bʌ cha'an mi' loq'uelob ti la' tojlel jini woli bʌ i tic'lañetla.

Deuteronomio 16:3

Yom mi la' c'ux we'el yic'ot waj mach bʌ anic i levadurajlel. Wucp'ejl q'uin mach yomic mi la' c'ux waj am bʌ i levadurajlel cha'an mi la' ña'tan bajche' tsa' loq'uiyetla ti' lumal Egipto. Ma'anic tsa' mejli a xʌb otsan i pajel cha'an tsa' bʌc' loq'uiyetla. Yom mi la' chʌn ña'tan ti pejtelel ora.

Deuteronomio 16:5

Mach yomic mi la' c'uxben i we'el jini Pascua ti la' wotot.

Deuteronomio 16:8

Wʌcp'ejl q'uin yom mi la' c'ux jini waj mach bʌ anic i pajel. Che' ti' wucp'ejlel q'uin yom mi la' tempan la' bʌ ti' tojlel lac Yum Dios ti jujump'ejl tejclum ba' chumuletla. Mach yomic mi la' cha'len e'tel ti jini q'uin.