Exodo 12:12 - Chol: I T’an Dios

¹² Come mi caj c ñumel ti Egipto ti ili ac'ʌlel. Mi caj c jats' pejtel jini ascuñʌlo' bʌ ti Egipto, winicob yic'ot i yʌlac'ob. Mi caj c jisan pejtel jini dioste' tac i cha'an egiptojob. Joñon Yumʌlon.

Chol de Tumbalá Bible

¹² Come mi caj c ñumel ti Egipto ti ili ac'ʌlel. Mi caj c jats' pejtel jini ascuñʌlo' bʌ ti Egipto, winicob yic'ot i yʌlac'ob. Mi caj c jisan pejtel jini dioste' tac i cha'an egiptojob. Joñon Yumʌlon.

Jiñi Tsiji' bʌ Wen T'añ cha'añ Estudio

¹² Come Joñon mi caj c ñumel ti Egipto ti jiñi ac'ʌlel yic'ot mi caj c tsʌnsan pejtelel jiñi ascuñʌlo' bʌ ti Egipto, ti' tojlel wiñicob yic'ot ti yʌlac'ob, yic'ot mi caj c jisan pejtelel jiñi dios tac i cha'añ egiptojob. Joñon, Yumʌlon.”

Exodo 12:12 Iomraidhean Croise

1 Cronicas 14:12

Jini filisteojob tsi' cʌyʌyob i dioste' tac. David tsi' yʌc'ʌ mandar cha'an mi' pulob ti c'ajc.

Salmos 135:8

Tsi' jisa jini ascuñʌl bʌ winicob año' bʌ ti Egipto, Yic'ot ñaxan bʌ i yal alʌc'ʌl.

Salmos 82:1

Dios mi' pʌs i bʌ ti' tojlel i cha'año' bʌ mu' bʌ i tempañob i bʌ. Mi' cha'len meloñel ti' tojlel xmeloñelob.

Salmos 82:6

Joñon tsa cʌq'ueyetla la' we'tel ti yumʌl. Tsa cʌlʌ i yalobiletla jini C'ax Ñuc Bʌ.

Salmos 91:7

Anquese tsa' tsʌnsʌntiyob jump'ejl mil ti a t'ejl Yic'ot lujump'ejl mil ya' ti ñoj bʌ a c'ʌb, ma'anic mi caj i tajet.

Salmos 95:3

Come ñucʌch Dios lac Yum. Jiñʌch ñuc bʌ Rey ti' tojlel pejtelel diosob.

Exodo 12:23

Come lac Yum mi caj i ñumel cha'an mi' tsʌnsan jini egiptojob. Che' mi' q'uel jini ch'ich' am bʌ ti chumte' yic'ot ti ts'omte' mi caj i ñusan la' wotot. Ma'anic mi caj i yʌc' ti ochel ti la' wotot jini Angel mu' bʌ ti jisaya.

Exodo 18:11

Cujilix ñuc lac Yum, mach ñuquic dioste' tac, come ñuc tsi' pʌsʌ i bʌ lac Yum ti' tojlel jini egiptojob tsa' bʌ i chañ'esayob i bʌ, che'en.

Exodo 21:6

i yum mi caj i pʌy majlel ba' mi' yujtel meloñel. Ya' ti poste ba'an i puertajlel o mi chumte', i yum mi caj i ch'uben i chiquin ti tsucul taq'uin. Mux i yochel ti to'ol e'tel ti' wenta i yum ti pejtelel ora.

Exodo 22:28

Mach ma' p'aj Dios mi jinic am bʌ i ye'tel.

Exodo 6:2

Dios tsi' sube ja'el: Joñon a Yumon.

Exodo 9:6

Che' ti yijc'ʌlal lac Yum tsi' mele. Tsa' chʌmi pejtel i wacax egiptojob. Pero ma'anic tsa' chʌmi i wacax israelob.

Isaias 19:1

Jiñʌch i t'an Dios ti' contra jini año' bʌ ti Egipto. Ti ora mi caj i tilel lac Yum c'ʌchʌl ti' pam tocal. Tsiltsilñayob ti bʌq'uen i diosob egiptojob. Mi' toj sajtelob i pusic'al jini chumulo' bʌ ti Egipto.

Jeremias 43:12

Nabucodonosor mi caj i tsuc' c'ajc ti' yotot tac i diosob Egipto. Mi caj i pulob. Mi caj i mʌjlel i cha'an. Che' bajche' mi' lʌp i bujc jini xcʌnta tiñʌme' che' ja'el mi caj i ch'ʌl i bʌ yic'ot pejtel chuqui letsem bʌ i tojol ti Egipto. Tijicña i pusic'al mi caj i sujtel ti' lumal.

Jeremias 43:13

Mi caj i jem jini chan bʌ oy tac am bʌ i ts'ijbal ya' ti' tojel jini templo ti Egipto ba' mi' ch'ujutesañob jini q'uin. Mi caj i jem jini templo tac ba' lotol i diosob Egipto. Mi caj i pulob ti c'ajc”. Subeñob che' woli' yʌl lac Yum, che'en.

Jeremias 46:25

I Yum Panchan yic'ot Pañimil, i Dios Israel, woli' yʌl: Mi caj cʌq'uen i toj i mul Amón, i dios Tebas, yic'ot Faraón, yic'ot pejtel Egipto, yic'ot pejtel i diosob, yic'ot i yumob mu' bʌ i c'uxbiñob dioste' tac.

Ezequiel 12:16

Pero mi caj j coltan lamital ame laj jisʌnticob yic'ot espada, yic'ot wi'ñal, yic'ot jontol bʌ c'amʌjel. Jini mu' to bʌ i cʌytʌlob mi caj i cha' ña'tañob pejtelel i jontolil come i Yumoñʌch”. Che' yom ma' subeñob. Che' tsi' yʌlʌ lac Yum.

Amos 5:17

Ti pejtelel ts'usubil mi caj la' cha'len uq'uel, come mi caj c ñumel ti la' tojlel, che'en lac Yum.

Sofonias 2:11

Mi caj cʌq'ueñob cabʌl wocol. Mi caj i junyajlel jisañob i diosob ti pejtelel pañimil. Ti jujumpejt lum ba' chumulob winicob mi caj i ch'ujutesañon. Che' tsi' yʌlʌ lac Yum.

1 Samuel 5:3

Che' ti yijc'ʌlal che' ti wen sʌc'ajel, tsa' tiliyob jini año' bʌ ti Asdod ti' templo Dagón. Tsi' tajayob i dios ñuc yajlemix ti' tojel jini Arca i cha'an bʌ lac Yum. Tsi' cha' wa'chocoyob jini Dagón ya' ba'an ti ñaxan.

1 Samuel 6:5

Yom mi la' mel i yejtal tac la' chʌcajl, yic'ot i yejtal jini tsuc tac mu' bʌ i tic'lan la' lum. Che' jini mi caj la' wʌc' ti ñuc i Dios israelob. Che' jini mi caj i cʌy i tic'lan la' diosob yic'ot la' lum.