Exodo 11:8 - Chol: I T’an Dios

⁸ Pejtelel a pi'ʌlob ti e'tel mi caj i tilelob ba' añon. Mi caj i c'uchchocoñob i bʌ tic tojlel. Mi caj i yʌlob: “Loq'uen tic tojlel lojon yic'ot pejtel a pi'ʌlob mu' bʌ i tsajcañetob”. Che' jini mi caj c loq'uel, che'en Moisés. Wen mich'atax tsa' loq'ui Moisés ti' tojlel Faraón.

Chol de Tumbalá Bible

⁸ Pejtelel a pi'ʌlob ti e'tel mi caj i tilelob ba' añon. Mi caj i c'uchchocoñob i bʌ tic tojlel. Mi caj i yʌlob: “Loq'uen tic tojlel lojon yic'ot pejtel a pi'ʌlob mu' bʌ i tsajcañetob”. Che' jini mi caj c loq'uel, che'en Moisés. Wen mich'atax tsa' loq'ui Moisés ti' tojlel Faraón.

Jiñi Tsiji' bʌ Wen T'añ cha'añ Estudio

⁸ Che' jiñi pejtelel a pi'ʌlob ti e'tel mi caj i tilelob ba'añon, mi caj i c'uchchocoñob i bʌ tic tojlel, mi caj i yʌlob: “Cucux, jatet yic'ot pejtelel a pi'ʌlob año' bʌ ti a wenta.” Che' mi yujtel iliyi mi caj c loq'uel. Moisés wen mich' tsa' loq'ui ti' tojlel faraón.

Exodo 11:8 Iomraidhean Croise

1 Reyob 20:10

Benadad tsi' cha' choco ti subentel Acab: La' i p'ajoñob c diosob mi ma'anic tsa' mejli c jisan Samaria, che'en.

2 Reyob 3:9

Jini cha'an tsa' loq'uiyob ti guerra jini israelob, yic'ot jini año' bʌ ti Judá, yic'ot jini año' bʌ ti Edom ja'el. Tsi' cha'leyob xʌmbal wucp'ejl q'uin ya' ti colem bʌ i tiquiñal lum. Tsa' jiliyob i ya'al jini xguerrajob. Ma'anix ja' cha'an i yʌlac'ob ja'el.

Nehemias 5:6

Tsa' wen mich'ayon che' bʌ tsa cubibeyob i yuq'uel yic'ot i t'an cha'an woli' p'ump'un tic'lʌntelob.

Salmos 6:1

C Yum, mach yomic cʌlʌx jax ma' mich'leñon che' ma' ju'sʌbeñon c pusic'al.

Exodo 10:29

Moisés tsi' yʌlʌ: Isujmʌch. Ma'anix mi caj c chʌn q'uelet, che'en.

Isaias 49:23

Jini año' bʌ i ye'tel ti pañimil, reyob yic'ot i yijñamob, mi caj i cosañob che' bajche' i tatob. Mi caj i we'sañob. Mi caj i c'uchchocoñob i bʌ ti lum ti a tojlel. Mi caj i tijcañob i ts'ubeñal a woc. Che' jini mux caj a ña'tan Yumʌlon. Majqui jach mi' ñopon ma'anic mi' cajel ti quisin.

Isaias 49:26

Pejtel a contrajob mi caj cʌq'ueñob i wʌlʌc c'ux i bʌc'tal. Mi caj i yʌc'añob ti' japol i bajñel ch'ich'el. Pejtelel año' bʌ ti pañimil mi caj i ña'tañob joñon Yumʌlon. A waj coltayajon tsa' bʌ c mʌñʌyet. P'ʌtʌlon mu' bʌ j coltan Israel, che'en Dios.

Ezequiel 3:14

Jini Espíritu tsi' ch'uyuyon majlel ya' ti Tel Abib am bʌ ti' ti' ñoj ja' i c'aba' Quebar. Ya' añob c pi'ʌlob tsa' bʌ cʌjchiyob majlel. Wen ch'ijiyemon cha'an jini wocol tsa' bʌ i pʌsbeyon lac Yum. Wucp'ejl q'uin tsa' ajniyon yic'otob che' ma'añonic ti pañimil yubil, che' toj sajtem c pusic'al.

Daniel 3:19

Tsa' chʌc'a i wut jini rey cha'an tsa' wen mich'a cha'an i t'an ili uxtiquil winicob. Tsi' yʌc'ʌ mandar cha'an mi' xijq'uel jini c'ajc cha'an mi' lejmel wucyajl i ñumel i ticwʌlel.

Numeros 12:3

Lac Yum tsi' yubibeyob i t'an. Uts i pusic'al Moisés ñumen bajche' pejtelel winicob ti pañimil.

Marcos 3:5

Mich' tsi' joy q'ueleyob Jesús, come ch'ijiyem tsi' yubi cha'an i tsʌtslelob i pusic'al. Tsi' sube jini winic: Sʌts'ʌ a c'ʌb, che'en. Tsi' sʌts'ʌ. Tsa' wen'esʌnti i c'ʌb.

Deuteronomio 29:24

Pejtelel jini año' bʌ ti yan tac bʌ tejclum mi caj i yʌlob: “¿Chucoch che' tsi' mele lac Yum ti' tojlel ili tejclum? ¿Chucoch cʌlʌx i mich'ajel?” che'ob.

Deuteronomio 32:24

Mi caj cʌq'ueñob wi'ñal yic'ot c'ajc, Yic'ot c'amʌjel mu' bʌ caj i tsʌnsañob. Mi caj c choc tilel jontol bʌ bʌte'el Cha'an mi' c'uxob ti jay bʌ i yej. Mi caj c jisañob yic'ot i venenojlel jontol bʌ lucum, cotcotña bʌ ti lum.

Hebreos 11:27

Cha'an tsi' ñopo Dios, tsa' loq'ui Moisés ti Egipto. Ma'anic tsi' bʌc'ñʌbe i mich'ajel rey. Xuc'ul jach tsa' ajni come woli' q'uel yilal jini mach bʌ mejlic laj q'uel.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, winicob mu' bʌ i cha'leñob lot. Mi' cuyob i bʌ ti israelob anquese mach israelobic. Mux caj c pʌyob tilel cha'an mi' ñocchocoñob i bʌ ti' tojel la' woc. Mi caj i ña'tañob c'ux mi cubiñetla.

Juezob 4:10

Barac tsi' tempa majlel lujump'ejl mil winicob i p'olbal Zabulón yic'ot Neftalí. Débora tsa' majli yic'otob.

Juezob 8:5

Che' jini tsa' tiliyob ti Sucot. Gedeón tsi' subeyob jini ya' bʌ añob ti Sucot: Awocolic mic subeñetla aq'ueñob chuqui mi' c'uxob yic'ot chuqui mi' japob ili winicob año' bʌ quic'ot, come wen lujbeñobix. Wolic toj sʌclan lojon jini Zeba yic'ot Zalmuna, reyob ti Madián, che'en.