Exodo 10:9 - Chol: I T’an Dios

⁹ Moisés tsi' jac'ʌ: Mic majlel lojon quic'ot alobob, quic'ot xñoxob, quic'ot ch'itoño' bʌ, quic'ot xch'oc bʌ calobilob lojon, yic'ot alʌc'ʌl tac, cha'an mic melben lojon q'uin c Yum lojon, che'ob.

Chol de Tumbalá Bible

⁹ Moisés tsi' jac'ʌ: Mic majlel lojon quic'ot alobob, quic'ot xñoxob, quic'ot ch'itoño' bʌ, quic'ot xch'oc bʌ calobilob lojon, yic'ot alʌc'ʌl tac, cha'an mic melben lojon q'uin c Yum lojon, che'ob.

Jiñi Tsiji' bʌ Wen T'añ cha'añ Estudio

⁹ Moisés tsi' jac'ʌ: —Mic majlel lojon yic'ot alobob, yic'ot xñoxob, yic'ot ch'itoño' bʌ yic'ot xch'octaco' bʌ calobilob lojon; mi caj c majlel lojon yic'ot c tʌñʌme' lojon yic'ot c wacax lojon, come jiñʌch ñuc bʌ q'uiñijel cha'añ c Yum lojon.

Exodo 10:9 Iomraidhean Croise

Genesis 50:8

Tsa' majliyob pejtelel año' bʌ ti' yotot José ja'el, yic'ot i yʌscuñob, yic'ot i yijts'in, yic'ot jini año' bʌ ti' yotot i tat. Cojach tsa' cʌleyob alʌlob yic'ot xmec' alʌlob yic'ot tiñʌme' yic'ot alʌc'ʌl ti' lumal Gosén.

Exodo 10:10

Faraón tsi' subeyob: La' ajnic la' Yum la' wic'ot, pero mach mejlic la' pʌy majlel la' walobilob. Tsajiletme. Mux caj la' toj la' mul mi woli la' ña'tan la' contrajiñon.

Exodo 10:26

Jini cʌlac' lojon wersa mi' majlel quic'ot lojon. Ma'anic mi caj i cʌytʌl mi junts'ijtic i yoc. Come wersa mic pʌy lojon majlel cha'an mic ch'ujutesan lojon c Yum Dios. Mach cujilic lojon jaycojt yom cha'an i majtan che' mic ch'ujutesan lojon. Jinto mij c'otel lojon mi caj i pʌsbeñon lojon, che'en.

Exodo 12:32

C'ajtibenla Dios cha'an mi' yʌq'ueñon i yutslel i t'an ja'el. Pʌyʌla majlel la' tiñʌme' yic'ot la' wacax che' bajche' tsa' la' wʌlʌ. Cucula. Che' tsi' yʌlʌ Faraón.

Exodo 12:37

Jini israelob tsa' loq'uiyob ti Ramesés. Tsa' ñumiyob majlel ti' bijlel Sucot. An lujunc'al i cha'bajc' (600) mil winicob woliyo' bʌ ti majlel. Mach tsicbilobic x'ixicob yic'ot ch'itoñob yic'ot xch'ocob.

Exodo 12:38

Cabʌl yan tac bʌ winicob x'ixicob tsa' majliyob yic'otob, yic'ot tiñʌme' tac, yic'ot cabʌl wacax.

Exodo 13:6

Wucp'ejl q'uin wersa mi la' c'ux waj mach bʌ anic i levadurajlel. Che' ti' wucp'ejlel q'uin mi caj i mejlel ñuc bʌ q'uiñijel ti' tojlel lac Yum.

Exodo 3:18

Mi caj i jac'ob a t'an. Jatet yic'ot jini ñoxo' bʌ israelob mi caj la' majlel ba'an jini rey ti Egipto. Mi caj la' suben: “C Yum lojon, i Dios hebreojob, tsa'ix tili i pejcañon lojon. Jini cha'an mij c'ajtibeñet lojon ti wocol t'an: La' majlicon lojon uxp'ejl q'uin ya' ti colem bʌ i tiquiñal pañimil cha'an mic ch'ujutesan lojon c Yum Dios”. Che' yom mi la' suben.

Exodo 5:1

Moisés yic'ot Aarón tsa' majliyob ba'an Faraón. Tsi' subeyob: Lac Yum i Dios Israel tsi' pejcayon lojon. Tsi' yʌlʌ: “La' majlicob c tejclumob cha'an mi' melbeñoñob q'uin ya' ti colem bʌ i tiquiñal pañimil”. Che' woli' yʌl lac Yum, i Dios Israel, che'ob.

Exodo 5:3

Tsi' yʌlʌyob: I Dios hebreojob tsi' pejcayon lojon. Jini cha'an wersa mic majlel lojon uxp'ejl q'uin xʌmbal ya' ti colem bʌ i tiquiñal lum. Mi caj cʌq'uen lojon tsʌnsʌbil bʌ i majtan c Yum Dios, ame i tsʌnsañon lojon ti c'amʌjel yic'ot ti guerra, che'ob.

Proverbios 3:9

Ch'ujutesan lac Yum. T'oxben a chubʌ'an tsa' bʌ a taja ti a we'tel. Yajcʌben ñumen wen tac bʌ i majtan ti pejtelel a wʌlac' yic'ot a pʌc'ʌb.

Eclesiastes 12:1

Ña'tan Dios che' ch'itoñet to. C'uxbin wʌle che' jalto mi' tilel i yorajlel wocol.

Numeros 29:12

Che' ñumenix jo'p'ejl q'uin mi la' cha' tempan la' bʌ ti la' pejtelel. Mach yomic mi la' cha'len e'tel. I tejchibalix ñuc bʌ q'uiñijel tic tojlel. Mux la' mel q'uin c'ʌlʌl mi' joloñel semana.

Efesios 6:4

Tatʌlob, mach yomic mi la' techbeñob i mich'ajel la' walobilob. Ju'sʌbeñob i pusic'al che' woliyob ti colel. Cʌntesañob ti lac Yum.

Josue 24:15

Mi mach uts'atic mi la' q'uel che' mi la' ch'ujutesan lac Yum, yajcanla wʌle majqui mi caj la' ch'ujutesan, mi jini dioste' tsa' bʌ i ch'ujutesayob la' ñojte'elob ya' ti junwejl jini Eufrates, yic'ot i dioste' amorreojob año' bʌ ti ili lum ba' chumuletla. Pero joñon yic'ot jini año' bʌ ti cotot mi caj lac ch'ujutesan lac Yum. Che' tsi' yʌlʌ Josué.