Exodo 10:7 - Chol: I T’an Dios

⁷ I winicob Faraón tsi' yʌlʌyob: ¿Jayp'ejl to q'uin mi caj i chʌn tic'lañonla ili winic? La' majlicob i pi'ʌlob cha'an mi' ch'ujutesañob i Yum Dios. ¿Mach ba a wujilic jisʌbilix Egipto? che'ob.

Chol de Tumbalá Bible

⁷ I winicob Faraón tsi' yʌlʌyob: ¿Jayp'ejl to q'uin mi caj i chʌn tic'lañonla ili winic? La' majlicob i pi'ʌlob cha'an mi' ch'ujutesañob i Yum Dios. ¿Mach ba a wujilic jisʌbilix Egipto? che'ob.

Jiñi Tsiji' bʌ Wen T'añ cha'añ Estudio

⁷ Che' jiñi, jiñi x'e'telob tsi' su'beyob faraón: —¿Jayp'ejl to q'uiñ mi caj i chʌn tic'lañonla ili wiñic? Ac'ʌx a t'añ cha'añ mi' majlelob ili wiñicob, cha'añ mi' ch'ujutesañob i Yum Dios. ¿Mach ba a wujilic cha'añ jisʌbilix Egipto?

Exodo 10:7 Iomraidhean Croise

Salmos 107:34

Mi' sutq'uin ti pujch'em bʌ lum jini wen bʌ lum, Cha'an i jontolil jini ya' bʌ chumulob.

Exodo 12:33

Jini egiptojob tsi' subeyob loq'uel ti' lumal ti ora, come tsi' yʌlʌyob: Ame laj chʌmicon lojon tic pejtelel, che'ob.

Exodo 23:33

Mach yomic temel mi' yajñelob la' wic'ot ti la' lumal, ame mi' pʌyetob ti mulil tij contra. Mi mux la' ch'ujutesan i dioste' tac, mi caj la' yajlel ti' p'ʌtʌlel cha'an mi la' cʌyon”, che'en.

Exodo 7:5

Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Exodo 8:19

Jini xwujtob tsi' subeyob Faraón: Jiñʌch i c'ʌb Dios, che'ob. Pero tsa' tsʌts'a i pusic'al Faraón. Ma'anic tsi' jac'beyob. Tsa' ujti che' bajche' tsi' yʌlʌ lac Yum.

Proverbios 29:6

Jini xjontolil mi' yajlel ti' mul che' bajche' ti yac. Ma'anic chuqui mi' bʌc'ñan jini toj bʌ. Tijicñayʌch i pusic'al.

Eclesiastes 7:26

An x'ixic yujil bʌ lotiya mu' bʌ i pʌy winicob yic'ot i ts'i'lel. Ñumen uts'at muq'uic i chʌmelob jini winicob. Wen ch'aj tsa cubibe i p'ʌtʌlel. I wentajʌch yac jini x'ixic cha'an mi' chuc winicob. Cadena tac i c'ʌb yilal cha'an mi' ñup'ob. Jini winic mu' bʌ i mel chuqui yom Dios mi caj i coltʌntel ame chujquic ti' jontolil, pero muq'uix i yochelob xmulilob ti' p'ʌtʌlel.

Isaias 14:20

Ma'anix majqui mi caj i muquet. Ma'anix mi caj a chʌn ña'tʌntel, come tsa'ix a jisa a lumal a wic'ot a pi'ʌlob. Ts'a'lebilob a p'olbal ti' tojlel winicob.

Isaias 51:9

Caña a wut c Yum, caña a wut, wa'i' yic'ot cabʌl a p'ʌtʌlel che' bajche' ti wajali. Jatet tsa' tsʌnsa jini colem bʌ ajin, jiñʌch Egipto.

Jeremias 48:4

Jisʌbilix Moab. C'ʌlʌl ti Zoar mi' yubintel i yuq'uel.

Jeremias 51:8

Tsa' bʌc' jili i p'ʌtʌlel Babilonia. Junyajlel jejmenix. Uc'tanla. Ch'ʌmʌla tilel ts'ac. Tic'ʌl mi muc'ʌch i ñop.

Sofonias 1:18

Mach mejlic i coltañet a taq'uin ti' q'uiñilel wocol che' mich' lac Yum, come pejtel pañimil mi caj i jisʌntel cha'an i mich'lel. Isujm mach jalic mi caj i laj jisan jini año' bʌ ti Judá.

1 Corintios 7:35

Mic sub jini t'an cha'an mij coltañetla, mach cha'anic mi la' chujquel ti yac, pero cha'an mi la' mel chuqui wen yic'ot chuqui toj, cha'an ma'anic chuqui mi' mʌctañetla la' wen tsajcan lac Yum.

Josue 23:13

yom mi la' ña'tan ma'anix mi caj i chʌn chocob loq'uel ti la' tojlel lac Yum Dios. Mi caj i soquetla. Mi caj i chuquetla che' bajche' ti yac. Mi caj i ju'sʌbenet la' pusic'al che' bajche' ti asiyal. Mi caj i yʌp la' wut cha'an ma'anix mi la' ch'ʌmben isujm. Che' jini mi caj la' jilel.

1 Samuel 18:21

Tsi' yʌlʌ: Mi caj cʌq'uen David calobil Mical. Cha'an ti' caj Mical, mi caj i tsʌnsʌntel ti' tojlel filisteojob, che'en. Jini cha'an Saúl tsi' sube David ti' cha'yajlel: Wersa mi caj a wochel tic ñij'al, che'en.

1 Samuel 5:11

Tsi' chocoyob ti pʌyol pejtelel jini año' bʌ i ye'tel ti' tojlel filisteojob. Tsi' subeyob: Yom mi la' choc majlel jini Arca i cha'an bʌ i Dios israelob. Cha' ac'ʌla ya' ti' yajñib che' bajche' ti ñaxan cha'an ma'anic mi' tsʌnsañonla yic'ot pejtelel lac pi'ʌlob ila ti tejclum, che'ob. Come cabʌl tsa' chʌmiyob ti jujump'ejl tejclum ba' tsa' ñumi, come Dios tsi' yʌq'ueyob wocol.