Exodo 10:6 - Chol: I T’an Dios

⁶ Mi caj i bujt'el ti sajc' a wotot yic'ot i yotot tac pejtel egiptojob. C'ʌlʌl ti' tejchibal Egipto ma'anic ba' ora tsa' ñumi sajc' che' bajche' iliyi”, che'en lac Yum. Che' tsi' yʌlʌyob Moisés yic'ot Aarón. Che' jini tsa' loq'uiyob ti' tojlel Faraón.

Chol de Tumbalá Bible

⁶ Mi caj i bujt'el ti sajc' a wotot yic'ot i yotot tac pejtel egiptojob. C'ʌlʌl ti' tejchibal Egipto ma'anic ba' ora tsa' ñumi sajc' che' bajche' iliyi”, che'en lac Yum. Che' tsi' yʌlʌyob Moisés yic'ot Aarón. Che' jini tsa' loq'uiyob ti' tojlel Faraón.

Jiñi Tsiji' bʌ Wen T'añ cha'añ Estudio

⁶ Mi caj i bujt'el ti sajc' a wotot tac yic'ot i yotot tac x'e'telob a cha'añ yic'ot i yotot tac pejtelel egiptojob, pejtelel iliyi ma'añic ba' ora tsi' q'ueleyob la' tat la' ña', mi jiñic la' tatuchob, c'ʌlʌl ba ora tsa' juliyob ti chumtʌl ti ili lum.” Che' jiñi Moisés tsi' sutq'ui i bʌ, tsa' loq'ui ti' tojlel faraón.

Exodo 10:6 Iomraidhean Croise

Exodo 10:11

Mach mejliquetla. Cucula, pero jini jach winicob. Ch'ujutesan la' Yum, come jiñʌch chuqui la' wom, che'en. Tsi' wersa chocoyob majlel.

Exodo 11:6

Mi caj i tejchel c'am bʌ uq'uel ti pejtelel a lumal. Ma'anic ba' tsa' ujti ti yambʌ ora. Ma'anic mi caj i cha' ujtel lajal bajche' jini.

Exodo 11:8

Pejtelel a pi'ʌlob ti e'tel mi caj i tilelob ba' añon. Mi caj i c'uchchocoñob i bʌ tic tojlel. Mi caj i yʌlob: “Loq'uen tic tojlel lojon yic'ot pejtel a pi'ʌlob mu' bʌ i tsajcañetob”. Che' jini mi caj c loq'uel, che'en Moisés. Wen mich'atax tsa' loq'ui Moisés ti' tojlel Faraón.

Exodo 8:21

Awilan, mi ma'anic ma' chocob majlel mi caj c choc tilel jaj ti a tojlel yic'ot ti' tojlel pejtel egiptojob. Jomjomña mi caj i yochel ti la' wotot. Mi caj i pam pujquel ti lum. Mi caj i tic'lan pejtel cuxul tac bʌ.

Exodo 8:3

Wen p'ulucña mi caj i yajñel xpequejc ti Nilo. Mi caj i yochel ti a wotot yic'ot ba' ma' wʌyel, yic'ot ti' yotot tac a mozojob, yic'ot ti' yotot pejtel año' bʌ ti Egipto. Mi caj i yochelob ti horno yic'ot ya' ba' ma' mel a waj.

Exodo 9:18

Ijc'ʌl che' ti ili ora mi caj c choc tilel colem tac bʌ tuñija', ñumen colem che' bajche' jini cʌñʌl bʌ la' cha'an ti Egipto c'ʌlʌl ti' cajibal.

Exodo 9:24

An tuñija' temel yic'ot i c'ʌc'al chajc woli bʌ ti tojmel. Ma'anic ba' ora an ti Egipto lajal bajche' iliyi c'ʌlʌl ti' cajibal ili colem tejclum.

Joel 2:2

Jiñʌch i yorajlel i yi'ic'lel yic'ot ic'yoch'an bʌ pañimil, cabʌl tocal yic'ot i'ic' bʌ pañimil. Mi caj i tilel cabʌl sajc' mu' bʌ caj i mos jini wits tac che' bajche' ic'yoch'an bʌ pañimil. Wen ñucob, wen p'ʌtʌlob. Maxto anic ba' tsa' tsictiyi che' bajche' jini. Ma'anix mi caj i cha' tilel yambʌ lajal bʌ c'ʌlʌl ti' jilibal pañimil. Jiñʌch i cajibal i q'uiñilel lac Yum.

Joel 2:9

Jomocña mi' yochelob ti tejclum. Mi' cha'leñob ajñel ti' pam ts'ajc. Mi' letselob ochel ti otot. Mi' yochelob ti ventana che' bajche' xujch'.

Hebreos 11:27

Cha'an tsi' ñopo Dios, tsa' loq'ui Moisés ti Egipto. Ma'anic tsi' bʌc'ñʌbe i mich'ajel rey. Xuc'ul jach tsa' ajni come woli' q'uel yilal jini mach bʌ mejlic laj q'uel.