Exodo 10:3 - Chol: I T’an Dios

³ Jini cha'an Moisés yic'ot Aarón tsa' majliyob ba'an Faraón. Tsi' subeyob: Lac Yum, i Dios hebreojob, woli' yʌl: “¿Jala to ba mi caj a peq'uesan a bʌ tic tojlel? Choco majlel c cha'año' bʌ cha'an mi' ch'ujutesañoñob.

Chol de Tumbalá Bible

³ Jini cha'an Moisés yic'ot Aarón tsa' majliyob ba'an Faraón. Tsi' subeyob: Lac Yum, i Dios hebreojob, woli' yʌl: “¿Jala to ba mi caj a peq'uesan a bʌ tic tojlel? Choco majlel c cha'año' bʌ cha'an mi' ch'ujutesañoñob.

Jiñi Tsiji' bʌ Wen T'añ cha'añ Estudio

³ Jiñi cha'añ Moisés yic'ot Aarón tsa' majliyob ba'añ faraón, tsi' su'beyob: —Lac Yum, i Dios hebreojob, woli' yʌl: “¿Jala to mi caj a peq'uesan a bʌ tic tojlel? Choco majlel c tejclum cha'añ mi' ch'ujutesañoñob.

Exodo 10:3 Iomraidhean Croise

1 Reyob 18:21

Elías tsi' c'ajtibeyob: ¿Jayp'ejl to q'uin mi caj la' chʌn ajñel ti cha'chajp la' pensar? Mi jiñʌch Dios jini lac Yum, tsajcanla. Mi jiñʌch lac Yum jini Baal, tsajcanla, che'en. Ma'anic tsa' mejli i jac'ob.

1 Reyob 21:29

¿Tsa' ba a q'uele bajche' woli' peq'uesan i bʌ Acab tic tojlel? Cha'an ti' caj tsi' peq'uesa i bʌ tic tojlel, ma'anic mi caj cʌq'uen ili wocol che' cuxul to. Mux caj cʌq'uen wocol i yalobilob Acab, che'en lac Yum.

2 Cronicas 33:12

Che' cabʌl i wocol Manasés, tsi' wen peq'uesa i bʌ ti' tojlel lac Yum, i Dios i ñojte'elob.

2 Cronicas 33:19

Laj ts'ijbubil ti' juñilel jini x'alt'añob i yoración Manasés, yic'ot i p'untʌntel ti Dios, yic'ot pejtelel i mul che' bʌ tsi' ñusʌbe i t'an Dios, yic'ot i c'aba' jini tejclum tac ba' tsi' wa'choco pulʌntib, yic'ot ba' tsi' mele jini dios Asera yic'ot yan tac bʌ dioste' che' maxto anic tsi' peq'uesa i bʌ.

2 Cronicas 34:27

Tsa' mele a pusic'al. Tsa' peq'uesa a bʌ ti' tojlel Dios che' bʌ tsa' wubibe i t'an ti contra ili lum yic'ot i winicob. Tsa' tsili a pislel, tsa' cha'le uq'uel tic tojlel. Jini cha'an tsa'ix c ñich'tʌbeyet a t'an, che'en lac Yum.

2 Cronicas 7:14

yom mi' peq'uesañob i bʌ. Mi tsa' caji i pejcañoñob ti oración, mi tsi' cʌyʌyob i jontolil yic'ot leco bʌ i melbalob cha'an mi' tsajcañon, che' jini mi caj c ñich'tʌbeñob i yoración wʌ' ba'añon ti panchan. Mi caj c ñusʌbeñob i mul. Mi caj c lajmesʌbeñob i wocol cha'an i mul.

Job 42:6

Jini cha'an mic ts'a'len c bʌ. Mic tsic c pusic'al cha'an c mul. Mij q'uel c bʌ ti pec'. Mic buchtan lum. Mic mujlan c bʌ ti' tʌñil c'ajc, che'en Job.

Exodo 10:4

Mi ma'anic ma' chocob majlel, ijc'ʌl mi caj c choc tilel sajc' ti a lumal.

Exodo 16:28

Lac Yum tsi' sube Moisés: ¿Jayp'ejl to ora mi caj i chʌn ñusʌbenoñob c mandar ili winicob x'ixicob?

Exodo 4:23

Mic subeñet: La' majlic calobil cha'an mi' ch'ujutesañon. Mi ma'anic ma' choc majlel jini calobil, mi caj c tsʌnsan jini ascuñʌl bʌ a walobil. Che' tsi' yʌlʌ lac Yum”. Che' yom ma' suben Faraón, che'en lac Yum.

Exodo 5:1

Moisés yic'ot Aarón tsa' majliyob ba'an Faraón. Tsi' subeyob: Lac Yum i Dios Israel tsi' pejcayon lojon. Tsi' yʌlʌ: “La' majlicob c tejclumob cha'an mi' melbeñoñob q'uin ya' ti colem bʌ i tiquiñal pañimil”. Che' woli' yʌl lac Yum, i Dios Israel, che'ob.

Exodo 9:17

Ch'ejl ma' chʌn pʌs a bʌ tic tojlel. Wola' ts'a'leñon che' ma'anic ma' choc majlel c cha'año' bʌ.

Proverbios 1:22

Jatetla maxto bʌ anic la' pusic'al, ¿jayp'ejl to q'uin chʌn alʌlet to la? Jatetla mu' bʌ la' cha'len wajleya, ¿jayp'ejl to q'uin chʌn tijicñayetla ti wajleya? Jatetla tontojet bʌ la, ¿jayp'ejl to q'uin mi caj la' ts'a'len la' cʌntesʌntel?

Proverbios 1:24

Anix ora wolic chʌn pʌyetla tilel pero tsa' la' ñusʌbeyon c t'an. Tsac pejcayetla ti wocol t'an pero ma'anic majch tsi' p'isi ti' wenta.

Proverbios 18:12

Ñuc mi' lon q'uel i bʌ jini mu' bʌ caj i yʌjq'uel ti quisin. Utsʌch i pusic'al jini mu' bʌ caj i wa'chocontel.

Isaias 1:5

Tsa'ix i tʌts'ʌyob i bʌ tic tojlel. ¿Chucoch la' wom mic chʌn bajbeñetla ti asiyal? ¿Mu ba caj la' chʌn chañ'esan la' bʌ? Cabʌl i c'amʌjel la' jol. Tsa'ix junyajlel c'uñ'ayetla.

Isaias 2:11

Jini winicob ñuc bʌ mi' q'uelob i bʌ, wersa mi caj i lijob i bʌ. Jini chan bʌ mi melob i bʌ wersa mi caj i peq'uesʌntelob. Ti jim bʌ q'uin jini jach lac Yum mi caj i q'uejlel ti ñuc.

Jeremias 13:10

Jontolob. Mach yomobic i yubin c t'an. Mi' bajñel melob bajche' yom i bajñel pusic'al. Majlemobix yic'ot yan tac bʌ dios cha'an mi' ch'ujutesañob. Jini cha'an lajal mi caj i sujtelob che' bajche' jini cajchiñʌc' mach bʌ anix i c'ʌjñibal.

Jeremias 13:18

Lac Yum woli' yʌl: Suben jini rey yic'ot i ña': “Loq'uenla ba' buchuletla ti rey. Buchi'ixla ti tem, come tsa'ix chilbentiyetla jini corona i yejtal bʌ la' p'ʌtʌlel”.

Jeremias 50:29

Pʌyʌla tilel jini yujil bʌ julbʌl cha'an mi' contrajin Babilonia. Wa'i'la ti' joytʌlel. Laj chucula jini yomo' bʌ puts'el. Jisanla Babilonia che' bajche' tsi' jisayet, come wen chan tsi' mele i bʌ ti' tojlel lac Yum, jini Ch'ujul Bʌ ti Israel.

Daniel 5:22

Jatet Belsasar i yalobilet jini rey Nabucodonosor. Wen a wujil chuqui tsa' ujti ti' tojlel a tat, pero ma'anic tsa' peq'uesa a pusic'al.

Romanos 2:4

¿Mu' ba a lon ñusʌben on bʌ i yutslel i pusic'al Dios? ¿Mu' ba a lon ñusan che' jal woli' cuchbeñet a mul ti' yutslel i pusic'al? ¿Mach ba a wujilic, Dios mi' pʌsbeñet i yutslel i pusic'al cha'an ma' cʌy a mul?

Hebreos 12:25

Tsajiletla ame la' ñusan lac Yum woli bʌ ti t'an. Come tsi' wersa tojoyob i mul jini israelob che' bʌ tsi' ñusʌbeyob i t'an Moisés i winic Dios wʌ' ti pañimil. Ñumen mi caj lac toj joñonla mi woli lac ñusan Dios mu' bʌ i pejcañonla ya'ti panchan.

Santiago 4:10

Mele la' bʌ ti pec' ti' wut lac Yum. Che' jini mi caj i chañ'esañetla.

1 Pedro 5:6

Ac'ʌ la' bʌ ti pec' ti p'ʌtʌl bʌ i c'ʌb Dios, cha'an mi' yʌq'ueñetla la' ñuclel che' ti' yorajlel.