Exodo 10:26 - Chol: I T’an Dios

²⁶ Jini cʌlac' lojon wersa mi' majlel quic'ot lojon. Ma'anic mi caj i cʌytʌl mi junts'ijtic i yoc. Come wersa mic pʌy lojon majlel cha'an mic ch'ujutesan lojon c Yum Dios. Mach cujilic lojon jaycojt yom cha'an i majtan che' mic ch'ujutesan lojon. Jinto mij c'otel lojon mi caj i pʌsbeñon lojon, che'en.

Chol de Tumbalá Bible

²⁶ Jini cʌlac' lojon wersa mi' majlel quic'ot lojon. Ma'anic mi caj i cʌytʌl mi junts'ijtic i yoc. Come wersa mic pʌy lojon majlel cha'an mic ch'ujutesan lojon c Yum Dios. Mach cujilic lojon jaycojt yom cha'an i majtan che' mic ch'ujutesan lojon. Jinto mij c'otel lojon mi caj i pʌsbeñon lojon, che'en.

Jiñi Tsiji' bʌ Wen T'añ cha'añ Estudio

²⁶ Jiñi cʌlac' lojon mi' caj pʌy lojon majlel ja'el. Ma'añic mi caj i cʌytʌl mi yejc'achic, come jiñi cʌlac' lojon mi caj c'ʌn lojon cha'añ mic ch'ujutesan lojon c Yum Dios yic'ot mach cujilic lojon baqui bʌ mi caj c'ʌn lojon cha'añ i ch'ujutesʌntel c Yum lojon, jinto mij c'otel lojon ya'i.

Exodo 10:26 Iomraidhean Croise

Exodo 10:25

Pero Moisés tsi' yʌlʌ: Wersa mi caj c pʌy lojon majlel cʌlac', pejtel tiñʌme' yic'ot wacax, cha'an mi cʌq'uen lojon tsʌnsʌbil bʌ yic'ot pulbil bʌ i majtan Dios.

Exodo 10:9

Moisés tsi' jac'ʌ: Mic majlel lojon quic'ot alobob, quic'ot xñoxob, quic'ot ch'itoño' bʌ, quic'ot xch'oc bʌ calobilob lojon, yic'ot alʌc'ʌl tac, cha'an mic melben lojon q'uin c Yum lojon, che'ob.

Exodo 12:32

C'ajtibenla Dios cha'an mi' yʌq'ueñon i yutslel i t'an ja'el. Pʌyʌla majlel la' tiñʌme' yic'ot la' wacax che' bajche' tsa' la' wʌlʌ. Cucula. Che' tsi' yʌlʌ Faraón.

Exodo 8:27

Wersa mic majlel lojon uxp'ejl q'uin xʌmbal ti colem bʌ i tiquiñal lum cha'an mi cʌq'uen lojon tsʌnsʌbil bʌ i majtan c Yum lojon Dios che' bajche' mi caj i subeñon lojon, che'en.

Proverbios 3:9

Ch'ujutesan lac Yum. T'oxben a chubʌ'an tsa' bʌ a taja ti a we'tel. Yajcʌben ñumen wen tac bʌ i majtan ti pejtelel a wʌlac' yic'ot a pʌc'ʌb.

Isaias 23:18

Pero tal jini ora che' mi caj i sutq'uiñob i bʌ ba'an lac Yum. Che' jini mi caj i yʌq'ueñob lac Yum i ganar mu' bʌ i tajob ti choñoñel. Ma'anix mi caj i bajñel lotob. Mi caj i yʌq'ueñob i winicob lac Yum cha'an mi' mʌñob wen bʌ i bʌl i ñʌc' yic'ot i t'ojol jax bʌ bujcʌl.

Oseas 5:6

Mi caj i tilelob yic'ot tiñʌme' yic'ot wacax cha'an mi' sajcañob lac Yum, pero mach i tajayobic, come tsa'ix ñumi i yorajlel. Tsi' tʌts'ʌ i bʌ lac Yum. Ma'anix woli' coltañob.

Zacarias 14:20

Ti jim bʌ ora ts'ijbubil ili t'an ya' ti' campanajlel i bic' caballo: “Ch'ujul ti' tojlel lac Yum”. Laj ch'ujul pejtel taza tac am bʌ ti' mal i Templo lac Yum, jini i t'ojol tac bʌ yic'ot mach bʌ i t'ojolic.

2 Corintios 8:5

Mach che'ic jach tsi' cha'leyob, pero ñaxan tsi' yʌc'ʌyob i bʌ ti' wenta lac Yum, wi'il tic tojlel lojon, cha'an mi' melob chuqui yom Dios.

Hebreos 11:8

Abraham tsi' ñopo Dios. Jini cha'an tsi' jac'ʌ i pʌyol. Tsa' majli i taj i lum tsa' bʌ subenti mi caj i yʌq'uentel. Tsa' loq'ui anquese mach ña'tʌbilic i cha'an baqui woli' majlel.