Exodo 10:21 - Chol: I T’an Dios

²¹ Lac Yum tsi' sube Moisés: Sʌts'ʌ a c'ʌb ti panchan cha'an mi' yic'an pañimil ti pejtelel i lumal egiptojob. Wen ic'ch'ipan jax mi caj i yajñel pañimil.

Chol de Tumbalá Bible

²¹ Lac Yum tsi' sube Moisés: Sʌts'ʌ a c'ʌb ti panchan cha'an mi' yic'an pañimil ti pejtelel i lumal egiptojob. Wen ic'ch'ipan jax mi caj i yajñel pañimil.

Jiñi Tsiji' bʌ Wen T'añ cha'añ Estudio

²¹ Lac Yum tsi' su'be Moisés: —Sʌts'ʌ a c'ʌb ti panchan cha'añ mi' yic'an pañimil ti pejtelel i lumal egiptojob, wen ic'ch'ipan jax mi caj i cʌytʌl, che' jax mi caj i laj laj tʌlob majlel pañimil.

Exodo 10:21 Iomraidhean Croise

Job 5:14

Ti q'uiñil mi' cha'leñob xʌmbal ti ic'ch'ipan bʌ pañimil. Lajlajña mi' majlelob yilal che' bajche' xpots'. Lajal jach mi' melob ti q'uiñil che' bajche' ti ac'ʌlel. Mach yujilobic bajche' mi caj i yujtel i ye'tel.

Salmos 105:28

Tsi' yʌc'ʌ ic'yoch'an bʌ pañimil, tsa' ic'a. Pero jini egiptojob tsi' chʌn ñusayob Dios.

Salmos 35:6

La' ochic ac'ʌlel ti' bijlel, la' bojy'ac. La' ajñesʌnticob cha'an i yAngel lac Yum.

Salmos 78:49

Dios tsi' wen mich'le jini año' bʌ ti Egipto. Tsi' chocbeyob tilel cabʌl wocol yic'ot ch'ijiyem bʌ ti' wenta espíritujob yujilo' bʌ jisaya.

Exodo 7:19

Lac Yum tsi' sube Moisés: Suben Aarón: “Ch'ʌmʌ a barate'. Sʌts'ʌ a c'ʌb ti' pam jini ja' am bʌ ti Egipto, ti' pam jini colem ja', yic'ot ti xʌc' tac ja', yic'ot aban tac, yic'ot pejtel lʌmʌl bʌ ja' cha'an mi' pʌntiyel ti ch'ich'. Mi caj i pʌntiyel ti ch'ich' pejtelel ja' am bʌ ti Egipto, yic'ot ja'el i yajñib ja' melbil bʌ ti te' yic'ot ti xajlel”, che'et. Che' tsi' yʌlʌ lac Yum.

Exodo 9:22

Lac Yum tsi' sube Moisés: Letsan a c'ʌb ti panchan cha'an mi' tilel tuñija' ti pejtelel i lumal Egipto, ti pam winicob yic'ot alʌc'ʌl tac, yic'ot ti pejtelel i pʌc'ʌbob egiptojob, che'en.

Proverbios 4:19

I bijlel jini jontolo' bʌ che'ʌch yilal bajche' ic'ch'ipan bʌ pañimil. Mach yujilobic chuqui woli' yʌsañob.

Eclesiastes 2:14

Jini am bʌ i pusic'al mi' pam q'uel chuqui woli' yujtel. Pero jini tonto bʌ mi' cha'len xʌmbal ti ic'ch'ipan bʌ pañimil. Pero cujil ja'el, junlajal mi' yujtelob ti cha'ticlel. Mi' cajelob ti chʌmel.

Eclesiastes 6:4

Che'ic jini, to'ol jach tsi' cʌnta i ña'. Che'ic jini, tsa' bʌc' jili ti ic'ch'ipan bʌ pañimil. Ma'anic tsa' otsʌbenti i c'aba'.

Ezequiel 32:7

Che' mic jisañet, mi caj quiq'uesan panchan. Mi caj i yic'an q'uin yic'ot jini ec'. Ma'anix mi caj i chʌn pʌs i sʌclel uw.

Mateo 27:45

Ti xinq'uiñil tsa' ic'a pejtelel pañimil c'ʌlʌl ti och'ajel q'uin.

Marcos 15:33

Ti xinq'uiñil tsa' ic'a pejtelel pañimil c'ʌlʌl ti och'ajel q'uin.

Lucas 23:44

Che' ti xinq'uiñil tsa' ic'a pejtelel pañimil c'ʌlʌl ti och'ajel q'uin.

Deuteronomio 1:30

Jini lac Yum Dios jiñʌch mu' bʌ caj i ñaxan majlel ti la' tojlel cha'an mi' cʌntañetla che' bajche' tsi' coltayetla loq'uel ti Egipto.

Deuteronomio 28:29

Ti xinq'uiñil lajlaña mi caj a tʌl pañimil che' bajche' mi' mel jini xpots' ti ac'ʌlel. Ma'anic mi caj a seb c'otel baqui a wom majlel. P'ump'un mi caj a tic'lʌntel ti pejtelel ora. Mi caj i jilel a chubʌ'an ti xujch'. Ma'anic majqui mi caj i coltañet.

Deuteronomio 4:34

¿Tsa' ba tili yambʌ dios i coltan winicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'an bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.

2 Pedro 2:17

Lajalob ili winicob bajche' tiquin bʌ i jol ja'. Lajalob bajche' tocal ñijcʌbil bʌ ti colem sutujt ic'. Cʌybilobix ti c'ax i'ic' bʌ ac'ʌlel ti pejtelel ora.

2 Pedro 2:4

Dios ma'anic tsi' ñusʌbeyob i mul ángelob tsa' bʌ i cha'leyob mulil. Tsi' chocoyob ochel ti c'ajc cha'an cʌchʌl mi' cʌytʌlob ya' ti ic'ch'ipan bʌ pañimil c'ʌlʌl ti' yorajlel toj mulil.

Judas 1:13

Lajalob bajche' bʌbʌq'uen jax bʌ sʌcwʌlan bʌ ja' ti colem ñajb mu' bʌ i yʌc' bibi' jax bʌ i lojc. Lajalob bajche' ec' mu' bʌ i sajtel ti' bijlel. Lajal mi caj i yujtelob ti c'ax i'ic' bʌ ac'ʌlel ti pejtelel ora.

Judas 1:6

Jini ángelob ja'el ma'anic tsa' jal'ayob ti' ye'tel yic'ot i ñuclel. Tsi' cʌyʌyob mero i yajñib. Dios tsi' cʌchʌyob cha'an mi' cʌytʌlob ti ic'ch'ipan bʌ pañimil ti cadena mach bʌ anic mi' jilel c'ʌlʌl ti jini ñuc bʌ i q'uiñilel meloñel.

Apocalipsis 8:12

I chʌnticlel ángel tsi' wusu i trompeta. Tsa' ic'a ojlil (1/3) jini q'uin, yic'ot ojlil (1/3) jini uw, yic'ot ojlil jini ec'. Che' jini, ma'anic tsi' yʌc'ʌ i sʌclel pañimil ba' i'ic', mi ti q'uiñil mi ti ac'ʌlel.