Exodo 10:2 - Chol: I T’an Dios

² Mi caj a suben a walobilob yic'ot i yalobilob a walobilob bajche' tsac pʌsʌyob ti tonto jini egiptojob cha'an ti jini ñuc tac bʌ i yejtal c p'ʌtʌlel cha'an mi la' ña'tan joñon Yumʌlon, che'en.

Chol de Tumbalá Bible

² Mi caj a suben a walobilob yic'ot i yalobilob a walobilob bajche' tsac pʌsʌyob ti tonto jini egiptojob cha'an ti jini ñuc tac bʌ i yejtal c p'ʌtʌlel cha'an mi la' ña'tan joñon Yumʌlon, che'en.

Jiñi Tsiji' bʌ Wen T'añ cha'añ Estudio

² cha'añ ma' su'beñob a walobilob yic'ot i yalobilob a walobilob jiñi tsa' bʌ c mele tac ti Egipto yic'ot jiñi ñuc tac bʌ i yejtal c p'ʌtʌlel tsa' bʌ c pʌsʌ ti' tojlelob, cha'añ mi la' ña'tan joñoñʌch la' Yumon.

Exodo 10:2 Iomraidhean Croise

2 Samuel 7:22

Come wen ñuquet, c Yum Dios. Ma'anic yambʌ Dios che' bajche' jatet. Jatet jach Dioset.

Salmos 44:1

Tsa'ix cubi lojon. Tsi' subeyon lojon c ñojte'el Chuqui tac tsa' mele ti wajali.

Salmos 44:2

Ya' ba' tsa' choco loq'uel jini sajtemo' bʌ tsa' wotsa a cha'año' bʌ ti a p'ʌtʌlel. Tsa' puts'tesa winicob x'ixicob cha'an ma' wʌc' ti p'ojlel a cha'año' bʌ.

Salmos 58:11

Mux i ña'tañob pejtel winicob x'ixicob: Añʌch i chobejtʌbal jini tojo' bʌ. Dios, isujm ma' cha'len meloñel ti pañimil.

Salmos 71:18

Che' ñoxonix, che' sʌquix i tsutsel c jol, Dios, mach a cʌyon Jinto mij cʌntesan calobilob yic'ot i yalobilob mu' bʌ caj i tilelob cha'an mi' cʌñob a p'ʌtʌlel ti jujuntiquil.

Salmos 78:3

Tsi' cʌntesayonla lac tat. Cʌmbilix lac cha'an Come tsa'ix la cubi, tsa'ix lac ñopo.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui i sujmlel jini?” Mi che'ob, mi caj la' jac': “Ti' p'ʌtʌlel lac Yum tsi' pʌyʌyonla loq'uel ti Egipto, ya' ba chuculonla ti wocol e'tel.

Exodo 14:18

Jini egiptojob mi caj i ña'tañob Yumʌlon che' mi' tsictiyel c ñuclel ti' tojlel Faraón ti' tojlel jini c'ʌchʌlo' bʌ ti carreta tac yic'ot ti caballo.

Exodo 14:4

Mi caj c tsʌts'esʌben i pusic'al Faraón cha'an mi' yajñesañob. Mi caj c tsictesan c ñuclel ti' tojlel Faraón yic'ot ti' tojlel pejtel soldadojob. Jini egiptojob mi caj i ña'tañob joñon Yumʌlon. Che' tsi' yʌlʌ lac Yum. Jini israelob tsi' meleyob che' bajche' subebilob.

Exodo 7:17

Jini cha'an lac Yum woli' yʌl: Mux caj a ña'tan joñon Yumʌlon che' mi' jats' jini ja' Nilo jini c winic Moisés”. Che' mi caj a suben Faraón. Mi caj a c'ʌn ili barate' chucul bʌ a cha'an. Jini ja' mi caj i pʌntiyel ti ch'ich'.

Exodo 7:5

Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Exodo 8:6

Che' jini Aarón tsi' sʌts'ʌ i c'ʌb ti' pam ja' am bʌ ti Egipto. Tsa' pam p'ojli xpequejc ti' lumal Egipto.

Isaias 38:19

Pero jini cuxulo' bʌ mi mejlel i ch'ujutesañet che' bajche' wolic mel ti ili ora. Jini tatʌlob mi' subeñob i yalobilob cabʌl i xuc'tilel a pusic'al.

Ezequiel 20:26

Tsaj cʌyʌyob cha'an mi' bib'esañob i bʌ yic'ot i majtan tac tsa' bʌ cʌq'ueyob. Tsi' puluyob jini ñoj ñaxan bʌ i yalobilob cha'an i majtan tac i diosob. Tsa cʌlʌ uts'at mi' toj sajtel i pusic'al cha'an jini leco bʌ i melbal, cha'an mi' ña'tañob Yumʌloñʌch”.

Ezequiel 20:28

Che' bʌ tsac pʌyʌyob tilel ila ti lum tsa' bʌ cʌq'ueyob che' bajche' tsac subeyob i tatob, tsi' ch'ujutesayob dioste' tac ba'an colem te' tac ti bujbujtʌl. Ya' tsa' majli i tsʌnsʌbeñob i majtan cha'an mi' yutsi techbeñoñob c mich'ajel. Ya' tsi' puluyob jini xojocña bʌ pom. Tsi' bec'beyob jini japbil bʌ majtañʌl tac.

Joel 1:3

Yom mi la' cha' suben la' walobilob. La' i subeñob i yalobilob ja'el.

Efesios 6:4

Tatʌlob, mach yomic mi la' techbeñob i mich'ajel la' walobilob. Ju'sʌbeñob i pusic'al che' woliyob ti colel. Cʌntesañob ti lac Yum.

Deuteronomio 4:9

Chʌcʌ q'uele la' bʌ. Tsajin la' bʌ cha'an ma'anic mi' ñajʌyel la' cha'an chuqui tac tsa' la' q'uele. Mach yomic mi' yʌjñel la' pusic'al che' cuxulet tola. Yom mi la' cʌntesan la' walobilob yic'ot i yalobilob la' walobilob.