Exodo 10:17 - Chol: I T’an Dios

¹⁷ La' wocolic, ñusʌbeñon lojon c mul ili junyajl. C'ajtiben la' Yum Dios cha'an mi' loc'sʌbeñon lojon jini wocol woli bʌ i jisañon lojon, che'en.

Chol de Tumbalá Bible

¹⁷ La' wocolic, ñusʌbeñon lojon c mul ili junyajl. C'ajtiben la' Yum Dios cha'an mi' loc'sʌbeñon lojon jini wocol woli bʌ i jisañon lojon, che'en.

Jiñi Tsiji' bʌ Wen T'añ cha'añ Estudio

¹⁷ Pero wʌle, mic cha'len wocol t'añ ti la' tojlel cha'añ mi la' ñusʌbeñon ili c mul anquese cojic jachix ili junyajl yic'ot c'ajtiben la' Yum Dios cha'añ mi' loc'sʌbeñon lojon ili wocol woli bʌ i jisañon lojon.

Exodo 10:17 Iomraidhean Croise

1 Reyob 13:6

Jini rey tsi' c'ajtibe jini x'alt'an cha'an mi' pejcan i Dios cha'an mi' q'uejlel ti uts'at: Cha'len oración cha'an mi' cha' lajmel j c'ʌb, che'en. I winic Dios tsi' mele che' bajche' tsa' c'ajtibenti. Che' jini tsa' cha' lajmi i c'ʌb jini rey. Tsa' cha' ajni che' bajche' ti ñaxan.

2 Reyob 4:40

Tsa' caji i yʌc'ob ya' ti mesa cha'an mi' c'uxob jini winicob, pero che' woli to i c'uxob, tsa' caji i subeñob Eliseo: I winiquet Dios, an veneno wʌ' ti p'ejt, che'ob. Ma'anix tsi' chʌn c'uxuyob.

Exodo 8:28

Faraón tsi' yʌlʌ: Mi caj c choquetla majlel cha'an mi la' wʌq'uen tsʌnsʌbil bʌ i majtan la' Yum Dios ya' ti tiquin bʌ lum. Pero mach ñajtic yom. C'ajtibenla Dios cha'an mi' lajmel jini wocol tic tojlel, che'en.

Exodo 8:4

Jini xpequejc mi caj i letsel tac ti a cuctal yic'ot ti' cuctal a pi'ʌlob”. Che' yom ma' suben Faraón, che'en lac Yum.

Exodo 8:8

Faraón tsi' pʌyʌ tilel Moisés yic'ot Aarón. Tsi' subeyob: C'ajtiben la' Yum cha'an mi' cha' loc'san jini xpequejc tic tojlel lojon. Mux caj c choc loq'uel a pi'ʌlob cha'an mi' majlelob i yʌq'uen tsʌnsʌbil bʌ i majtan la' Yum, che'en.

Exodo 9:27

Faraón tsi' pʌyʌ Moisés yic'ot Aarón. Tsi' subeyob: Wolix c ña'tan c mul wʌle. Tojʌch la' Yum. Joñon quic'ot c pi'ʌlob an lojon c mul.

Exodo 9:28

C'ajtiben la' Yum, come jasʌlix i t'an chajc yic'ot tuñija'. Mi caj c choquetla majlel. Ma'anix mi caj c mʌctañetla, che'en.

Isaias 26:16

C Yum, che' bʌ tsi' yubiyob wocol winicob, tsi' sʌclayetob. Che' bʌ tsa' ju'sʌbeyob i pusic'al, tsi' mucul pejcayetob ti oración.

Numeros 21:7

Tsa' tiliyob winicob ba'an Moisés cha'an mi' subeñob: Isujm tsa'ix c taja lojon c mul. Tsac cha'le lojon t'an ti' contra lac Yum yic'ot ti a contra. Jini cha'an a wocolic c'ajtiben lac Yum cha'an mi' cha' loc'san ili lucum tic tojlel lojon, che'ob. Jini cha'an Moisés tsa' caji i pejcan lac Yum.

Hechos 8:24

Simón tsi' jac'ʌ: C'ajtiben lac Yum cha'an ma'anic mi' wis tajon jini tsa' bʌ a wʌlʌ, che'en.

Romanos 15:30

Wʌle mic subeñetla, la' wocolic hermanojob cha'an ti lac Yum Jesucristo, yic'ot cha'an ti' yEspíritu mu' bʌ i yʌq'ueñonla laj c'uxbin lac bʌ, cha'lenla wersa quic'ot ti oración. Pejcanla Dios cha'añon,

2 Corintios 1:10

Dios tsi' yʌc'ʌyon lojon ti colel che' bʌ tsa cʌlʌ lojon chʌmel. Woli' chʌn ac'on lojon ti colel. Cujil lojon tic pusic'al Dios mi caj i chʌn ac'on lojon ti colel.

1 Samuel 15:25

A wocolic ñusʌbeñon c mul. Mach a cʌyon. La' quic'ot che' mic cha' sujtel cha'an mic majlel c ch'ujutesan lac Yum, che'en.