Exodo 1:21 - Chol: I T’an Dios

²¹ Dios tsi' yʌq'ueyob i yalobilob jini co'ʌlob, come tsi' bʌc'ñayob Dios.

Chol de Tumbalá Bible

²¹ Dios tsi' yʌq'ueyob i yalobilob jini co'ʌlob, come tsi' bʌc'ñayob Dios.

Jiñi Tsiji' bʌ Wen T'añ cha'añ Estudio

²¹ Cha'añ ti' caj tsi' bʌc'ñayob Dios jiñi co'ʌlob, Dios tsi' yʌq'ueyob ca'bʌl yalobilob.

Exodo 1:21 Iomraidhean Croise

1 Reyob 11:38

Mi xuc'ul ma' jac' pejtel c mandar cha'an ma' mel chuqui uts'at tic wut che' bajche' tsi' mele c winic David, che' jini mi caj cajñel a wic'ot. Mi caj cʌq'ueñob i yumʌntel a walobilob ti' tojlel Israel ti pejtelel ora che' bajche' tsac sube David.

Salmos 112:1

¡Aleluya! Tijicña jini winic mu' bʌ i bʌc'ñan lac Yum, mu' bʌ i taj i tijicñʌyel i pusic'al cha'an i mandar.

Salmos 127:1

¿Chuqui i ye'tel lac melbal mi mach melbilic ti lac Yum? Machic mi' cʌntan jini tejclum lac Yum Lolom jach mi' ñusan ac'ʌlel ti cʌntaya jini am bʌ ti' wenta.

Salmos 127:3

Awilan, la calobilob lac majtañʌch aq'uebilonla i cha'an lac Yum, Lac chobejtʌbalob tilemo' bʌ ti lac Yum.

Salmos 37:3

Ñopo lac Yum, mele chuqui uts'at. Che' jini xuc'ul mi caj a chumtʌl ti jini lum.

Exodo 1:17

Pero jini co'ʌlob tsi' bʌc'ñayob Dios. Ma'anic tsi' meleyob che' bajche' tsi' yʌq'ueyob mandar i rey Egipto. Ma'anic tsi' tsʌnsayob jini ch'itoño' bʌ.

Proverbios 24:3

Wen ña'tʌntel yom cha'an mi' wen xuc'tʌl lac chumlib. Xuc'ul mi' yajñel i yotot jini yujil bʌ i melol.

Eclesiastes 8:12

An xmulilob c'ʌlʌl cuxulob to anquese jo'c'al ti yajl tsi' cha'leyob jontolil. Pero cujil uts'at mi' cajelob ti ajñel jini mu' bʌ i bʌc'ñañob Dios, mu' bʌ i jac'ob.

Jeremias 35:2

Tsi' sube: Cucu pejcan i yalobilob Recab. Pʌyʌyob tilel tic Templo ti jump'ejl i mal. Ya' yom ma' wʌq'ueñob vino cha'an mi' japob, che'en.

1 Samuel 2:35

Joñon mi caj c yajcan juntiquil xuc'ul bʌ motomaj mu' bʌ caj i mel chuqui mic ña'tan tic pusic'al. Mi caj j coltan yic'ot i yalobilob ti pejtelel ora. Mi caj i melbeñon que'tel ti' tojlel jini rey tsa' bʌ c yajca.

1 Samuel 25:28

A wocolic, ñusʌbeñon c mul cha'an wolic pejcañet. Lac Yum mi caj i xuc'chocobeñet a yumʌntel mach bʌ yujilic jilel ti pejtelel ora. Woli' coltañet ti guerra come i winiquet. Woli a melben i ye'tel che' ma' cha'len guerra. Tojet ti' tojlel c'ʌlʌl che' alʌlet to.