Exodo 1:17 - Chol: I T’an Dios

¹⁷ Pero jini co'ʌlob tsi' bʌc'ñayob Dios. Ma'anic tsi' meleyob che' bajche' tsi' yʌq'ueyob mandar i rey Egipto. Ma'anic tsi' tsʌnsayob jini ch'itoño' bʌ.

Chol de Tumbalá Bible

¹⁷ Pero jini co'ʌlob tsi' bʌc'ñayob Dios. Ma'anic tsi' meleyob che' bajche' tsi' yʌq'ueyob mandar i rey Egipto. Ma'anic tsi' tsʌnsayob jini ch'itoño' bʌ.

Jiñi Tsiji' bʌ Wen T'añ cha'añ Estudio

¹⁷ Pero jiñi co'ʌlob tsi' bʌc'ñayob Dios, ma'añic tsi' meleyob che' bajche' tsi' yʌq'ueyob mandar i rey Egipto, ma'añic tsi' tsʌnsayob jiñi ch'itoño' bʌ.

Exodo 1:17 Iomraidhean Croise

Genesis 20:11

Abraham tsi' yʌlʌ: Tsac cha'le iliyi come tsac ña'ta ma'anic i bʌc'ñʌntel Dios ilayi. Tsa cʌlʌ mux caj i tsʌnsañoñob a winicob cha'an quijñam. Che'ʌch tsac lon ña'ta.

Genesis 42:18

Che' ti yuxp'ejlel q'uin José tsi' subeyob: Melela che' bajche' mic subeñetla cha'an mi la' coltan la' bʌ, come mic bʌc'ñan Dios.

2 Samuel 24:4

Pero tsa' wersa chojqui majlel Joab yic'ot jini ñuc taco' bʌ i ye'tel cha'an mi' tsicob jini winicob. Tsa' loq'uiyob ti' tojlel jini rey.

Nehemias 5:15

Jini ñaxan bʌ gobernadorob tsa' bʌ i cha'leyob i yumʌntel che' maxto tilemonic tsi' yʌq'ueyob al bʌ i cuch. Tsi' ch'ʌmʌyob waj yic'ot vino yic'ot cha'c'al sʌsʌc bʌ taq'uin ti' c'ʌb jujuntiquil winic i wenta tojoñel. Ma'anic tsi' tojoyob i bʌl i ñʌc'. I winicob ja'el tsi' cha'leyob i yumʌntel ti' tojlel xtejclumob. Mach che'ic tsac mele joñon cha'an wolic bʌc'ñan Dios.

Ester 3:3

X'e'telob i cha'an rey tsi' c'ajtibeyob Mardoqueo: ¿Chucoch wola' ñusʌben i mandar rey? che'ob.

Salmos 31:19

Wen ñuc i yutslel a pusic'al mu' bʌ caj a pʌsben jini mu' bʌ i bʌc'ñañet. Chajpʌbilet cha'an ma' pʌsben a wutslel jini mu' bʌ i ñopet ti' tojlel i pi'ʌlob.

Exodo 1:18

Jini rey tsi' pʌyʌ tilel co'ʌlob. Tsi' c'ajtibeyob: ¿Chucoch tsa' la' mele che' bajche' jini? ¿Chucoch ma'anic tsa' la' tsʌnsa jini ch'itoñob? che'en.

Exodo 1:21

Dios tsi' yʌq'ueyob i yalobilob jini co'ʌlob, come tsi' bʌc'ñayob Dios.

Proverbios 16:6

Mi' sutq'uiñob i bʌ xmulilob che' mi' tajob i p'untʌntel yic'ot isujm bʌ t'an. Jini mu' bʌ i bʌc'ñan lac Yum mi' cʌy i mul. Mi tsi' taja wocol mux i mʌjlel i cha'an.

Proverbios 8:13

Jini mu' bʌ i bʌc'ñan lac Yum mi' ts'a'len jontolil. Mic ts'a'len jini mu' bʌ i chañ'esan i bʌ, yic'ot jini mu' bʌ i q'uel ti pec' i pi'ʌlob, yic'ot jini maña jax bʌ i pusic'al, yic'ot jini mu' bʌ i cha'len lot.

Eclesiastes 12:13

Cojach jini mic sub. Bʌc'ñan Dios, jac'ben i mandar, come jiñʌch mu' bʌ i wersa c'ajtibeñet.

Eclesiastes 8:12

An xmulilob c'ʌlʌl cuxulob to anquese jo'c'al ti yajl tsi' cha'leyob jontolil. Pero cujil uts'at mi' cajelob ti ajñel jini mu' bʌ i bʌc'ñañob Dios, mu' bʌ i jac'ob.

Daniel 6:13

Jini winicob tsi' jac'ʌyob: Pero an i mul Daniel, i pi'ʌl bʌ jini xñujp'elob tsa' bʌ pʌjyiyob tilel ti Judá. Ma'anic mi' p'iset ti wenta. Che' ja'el ma'anic woli' jac' jini mandar tsa' bʌ a mele. Tsaj q'uele lojon. Woli' chʌn mel che' bajche' i tilel ti' tojlel i Dios. Uxyajl ti q'uin mi' pejcan i Dios ti oración, che'ob.

Oseas 5:11

Tsa'ix cʌc'ʌ c t'an cha'an mi' jisʌntel Efraín, come wen yujil tic'laya. Mach tojic mi' cha'len meloñel. Mi' yesman jini lolom tac bʌ.

Miqueas 6:16

Tsa'ix la' jac'be i mandar Omri. Tsa'ix la' mele jontolil che' bajche' Acab. Jini cha'an mi caj c jisañetla. Mi caj cʌq'uetla ti tse'tʌntel. Mi caj la' wajlentel cha'an winicob ti pejtelel pañimil.

Mateo 10:28

Mach mi la' bʌc'ñan jini mu' bʌ i tsʌnsañob la' bʌc'tal, come mach mejlic i tajob la' ch'ujlel. Yom mi la' bʌc'ñan jini mu' bʌ mejlel i jisan la' ch'ujlel yic'ot la' bʌc'tal ti c'ajc.

Lucas 12:5

Mi caj c wʌn subeñetla majqui yom mi la' bʌc'ñan. Yom mi la' bʌc'ñan jini am bʌ i p'ʌtʌlel cha'an mi' choquetla ochel ti c'ajc che' mi' yʌq'uetla ti chʌmel. Isujm mic subeñetla, jini jach yom mi la' bʌc'ñan.

Hechos 5:29

Pedro yic'ot jini apóstolob tsi' jac'beyob: Wersa mic jac'ben lojon i mandar Dios anquese mi' ñusʌntel i mandar winicob.

1 Samuel 22:17

Che' jini, jini rey tsi' sube jini xcʌntayajob ya' bʌ wa'alob: Cucula tsʌnsanla pejtelel jini motomajob i cha'an lac Yum come ti pejtelelob mi' coltañob David. Ña'tʌbilobʌch i cha'an an i mul David che' bʌ tsa' puts'i majlel, pero ma'anic tsi' subeyoñob, che'en. Pero i winicob jini rey ma'anic tsi' sʌts'ʌyob i c'ʌb cha'an mi' tsʌnsañob jini motomajob i cha'an lac Yum.