Ester 9:4 - Chol: I T’an Dios

⁴ Come wen ñuc Mardoqueo ti' yotot rey. Tsa' caji ti cʌjñel ti ñajtʌl, come tsa' utsi p'ojli i p'ʌtʌlel.

Chol de Tumbalá Bible

⁴ Come wen ñuc Mardoqueo ti' yotot rey. Tsa' caji ti cʌjñel ti ñajtʌl, come tsa' utsi p'ojli i p'ʌtʌlel.

Ester 9:4 Iomraidhean Croise

2 Samuel 3:1

Cabʌl guerra tsa' ujti ti' tojlel i pi'ʌlob Saúl yic'ot i pi'ʌlob David, pero chʌn p'ʌtʌl to tsa' ajni David che' bʌ tsa' caji i c'unte c'un'an i pi'ʌlob Saúl.

1 Cronicas 11:9

Tsa' caji ti wen q'uejlel ti ñuc David. Tsa' wen ch'ejl'a, come i Yum am bʌ pejtelel i p'ʌtʌlel tsa' ajni yic'ot.

1 Cronicas 14:17

Tsa' pam tsictiyi ti' joytʌlel i lumal chuqui tac ñuc woli' mel David. Lac Yum tsi' yotsʌbeyob i bʌq'uen jini tejclumob cha'an mi' p'isob ti' wenta David.

Ester 10:2

Pejtel chuqui tsi' mele tsa' bʌ i tsictesʌbe i p'ʌtʌlel yic'ot i ñuclel, ts'ijbubilʌch ti jun i c'aba' I Yistoriajlel i Reyob Media yic'ot Persia. Ya' ts'ijbubil ja'el i yistoriajlel Mardoqueo tsa' bʌ aq'uenti ñuc bʌ i ye'tel ti' tojlel jini rey Asuero.

Salmos 1:3

Lajalʌch jini winic bajche' te' pʌc'bil bʌ ti' ti' cuxul bʌ pa' mu' bʌ i yʌc' i wut che' ti' yorajlel. I yopol jini te' mach yujilic p'ajtel. Pejtel chuqui mi' mel jini winic uts'at mi' yujtel.

Salmos 18:43

Tsa'ix a coltayon loq'uel ti' tojlel jini woliyo' bʌ ti leto. Tsa'ix a wotsayon ti yumʌl ti jujumpejt colem tejclum. Winicob x'ixicob mach bʌ j cʌñʌyobic ti yambʌ ora wolix i melob que'tel.

Salmos 92:13

Che'ʌch yilalob pejtel año' bʌ i wi' ti' yotot lac Yum. Cabʌl mi' cha'leñob nich, cabʌl mi' yʌc'ob i wut.

Exodo 11:3

Lac Yum tsi' nijcʌbeyob i pusic'al egiptojob cha'an mi' pʌsbeñob i yutslel i pusic'al jini hebreojob. Wen ñuc tsi' q'ueleyob pejtel egiptojob. Wen ñuc ti' wutob i winicob Faraón yic'ot ti' wutob pejtel egiptojob.

Proverbios 4:18

Pero i bijlel jini tojo' bʌ che' yilal bajche' i pasibal q'uin. Ñumen mi' tsictiyel i c'ʌc'al c'ʌlʌl ti xinq'uiñil.

Isaias 9:7

Mi caj i ñuc'an i yumʌntel David. Mach jilic i yumʌntel ti pejtelel ora. Ñoj ñʌch'ʌl i yumʌntel. Xuc'ul mi caj i yajñel come uts'at mi caj i cha'len yumʌl ti pejtelel ora. Mi caj i p'ojlesan chuqui uts'at yic'ot chuqui toj ti pejtelel pañimil. I Yum Panchan yic'ot Pañimil mi caj i jolotesan che' bajche' tsi' yʌlʌ.

Sofonias 3:19

Mi caj cʌq'ueñob i toj i mul jini xjontolilob tsa' bʌ i tic'layetla. Mi caj j coltan jini mach bʌ wenic i yoc. Mi caj c pʌy tilel jini sajtemo' bʌ ti jujuntiquil. Mi caj cʌq'ueñob i ñuclel ti' tojlel pejtelel pañimil ba' tsa' a'lentiyob.

Mateo 4:24

Ya' ti pejtelel Siria tsa' caji i yubiñob ñuc bʌ i melbal Jesús. Tsi' pʌyʌyob tilel pejtelel xc'amʌjelob woli bʌ i yubiñob leco tac bʌ i chʌmel, yic'ot cabʌl i wocol yic'ot jini am bʌ i xibʌjlel yic'ot juquin chʌmel, yic'ot jini mach bʌ añobic i c'ʌjñibal i yoc i c'ʌb. Tsi' lu' lajmesayob.

Josue 6:27

Lac Yum Dios an yic'ot Josué. Ñuc tsa' q'uejli ti pejtelel pañimil.

1 Samuel 2:30

Joñon a Yumon i Dioson Israel. Tsa'ix c subeyet: Mi caj i yajñelob i yalobilob Leví tic tojlel ti pejtelel ora. Tsac ña'ta che'ʌch mi caj i yajñelob a walobilob ja'el. Pero wʌle mic subeñet: Mach chʌn che'ix mi caj c mel. Mi caj j q'uel ti ñuc jini mu' bʌ i q'uelon ti ñuc. Pero mi caj c peq'uesan jini mu' bʌ i ts'a'leñon.