Ester 9:3 - Chol: I T’an Dios

³ Tsi' coltayob judíojob pejtel yumʌlob ti colem tejclum tac yic'ot gobernadorob yic'ot año' bʌ i ye'tel ti' wenta rey, come tsi' bʌc'ñayob Mardoqueo.

Chol de Tumbalá Bible

³ Tsi' coltayob judíojob pejtel yumʌlob ti colem tejclum tac yic'ot gobernadorob yic'ot año' bʌ i ye'tel ti' wenta rey, come tsi' bʌc'ñayob Mardoqueo.

Ester 9:3 Iomraidhean Croise

Esdras 2:2

Jiñobʌch ñuc taco' bʌ i ye'tel: Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum, Baana. Jiñʌch i tsicol jini tsa' bʌ sujtiyob ti mojt ti mojt:

Esdras 8:36

Che' ja'el tsi' ch'ʌmʌyob majlel i mandar tac rey ba' añob jini año' bʌ i ye'tel an tac bʌ ti' wenta pejtelel jini lum am bʌ ti junwejl ja' i c'aba' Eufrates ba' mi' bʌjlel q'uin. Jini año' bʌ i ye'tel tsi' jac'ʌyob jini mandar. Tsi' coltayob winicob cha'an mi' wen melob i Templo Dios.

Ester 3:12

Che' ñumenix cha'p'ejl uxp'ejl semana, tsa' pʌjyiyob tilel sts'ijbayajob cha'an mi' yotsañob ti jun jini mandar che' bajche' i tilel mi' cha'leñob ts'ijb ti' t'an tac jujump'ejl colem tejclum, cha'an mi' q'uelob pejtel ñuco' bʌ i ye'tel yic'ot gobernadorob yic'ot yumʌlob. Tsi' yʌc'ʌ ti ts'ijbuntel Amán; tsi' yotsʌbe i c'aba' jini rey Asuero. Tsi' ñotbe i sellojlel am bʌ ti' mʌtc'ʌb rey.

Ester 8:17

Tsa' ñuc'ayob i pusic'al judíojob ti pejtelel colem tejclum tac yic'ot ti xchumtʌl tac baqui jach tsa' pujqui i mandar rey yic'ot i ts'ijbujel. Wen tijicñayob i pusic'al tsi' meleyob q'uin. Tsi' cʌyʌyob i ye'tel. Cabʌl chumulo' bʌ ti' joytilel tsi' sutq'uiyob i bʌ ti judío come tsa' ochi i bʌq'uen cha'an judíojob.

Ester 8:9

Jini rey tsi' pʌyʌ tilel sts'ijbayajob ti jini jach bʌ ora ti 23 de julio. Tsi' ts'ijbayob jini mandar che' bajche' tsi' subeyob Mardoqueo. Tsi' yʌc'ʌ ti' wenta año' bʌ i ye'tel cha'an mi' coltañob judíojob. I wentajʌch gobernadorob yic'ot yumʌlob ti jujumpejt colem tejclum c'ʌlʌl ti India c'ʌlʌl ti Etiopía, wucp'ejl i wucc'al (127) colem tejclum tac. Ts'ijbubil jini mandar ti jujunchajp t'an che' bajche' mi' cha'leñob t'an winicob cha'an mi' laj ch'ʌmbeñob isujm. Ts'ijbubil ti' t'an judíojob ja'el che' bajche' mi' cha'leñob ts'ijb.

Daniel 3:2

Tsi' choco ti pʌyol pejtel presidentejob ti jujump'ejl alʌ tejclum tac, gobernadorob, i yumob soldadojob, juezob, tesorerojob, consejerojob, licenciadojob, yic'ot año' bʌ i ye'tel ti jujump'ejl tejclum, cha'an mi' melbeñob i q'uiñilel i yejtal winic tsa' bʌ i wa'choco.