Ester 8:16 - Chol: I T’an Dios

¹⁶ Tsa' wen ñuc'ayob i pusic'al judíojob. Ma'anix i cuch yubil. Cha' tijicña pañimil. Añʌch i c'uxbintel.

Chol de Tumbalá Bible

¹⁶ Tsa' wen ñuc'ayob i pusic'al judíojob. Ma'anix i cuch yubil. Cha' tijicña pañimil. Añʌch i c'uxbintel.

Ester 8:16 Iomraidhean Croise

Ester 4:16

Cucu subeñob pejtel judíojob año' bʌ ti Susa cha'an mi' tempañob i bʌ cha'an mi' cha'leñob ch'ajb uxp'ejl q'uin yic'ot uxp'ejl ac'ʌlel cha'an mi' p'untañon Dios. Joñon quic'ot xch'oc bʌ c pi'ʌlob mi caj c cha'len lojon ch'ajb ja'el lajal bajche'etla. Che' mi cujtel ti ch'ajb mi caj c majlel ba'an rey anquese wolic ñusʌben i mandar. Mi tsi' yʌc'ʌyon ti chʌmel la'ix chʌmicon, che'en.

Ester 9:17

Jini tsa' ujti che' ti 28 de febrero. Che' ti yijc'ʌlal tsi' c'ajayob i yo. Tsi' cha'leyob q'uiñijel cha'an tijicñayob i pusic'al.

Salmos 112:4

An i c'ajc che' mi' yic'an pañimil. Uts i pusic'al jini toj bʌ yujil bʌ p'untaya.

Salmos 118:27

Jiñʌch Dios lac Yum. Tsi' yʌc'ʌ i sʌclel pañimil ti lac pusic'al. Cʌchʌla jini tsʌnsʌbil bʌ i majtan ti ch'ajan wʌ' ti' xulub pulʌntib.

Salmos 18:28

C Yum Dios, ma' wʌq'ueñon j c'ʌc'al che' añon ti ic'ch'ipan bʌ pañimil, Come jatet ma' wʌq'ueñon i ch'ejlel c pusic'al yic'ot c tijicñʌyel.

Salmos 30:12

Jini cha'an mij c'ʌyin a ñuclel, Ma'anic mic ñʌjch'el. C Yum Dios, mi caj c subeñet wocolix a wʌlʌ ti pejtelel ora.

Salmos 97:11

Mi' sʌc'an majlel i bijlel jini toj bʌ. Mi' yʌq'uentel i tijicñʌyel jini toj bʌ i pusic'al.

Proverbios 11:10

Che' uts'at añob jini tojo' bʌ tijicña jini tejclum. Mi' cha'leñob q'uiñijel che' mi' jilelob xjontolilob.

Proverbios 28:12

Che' mi' wa'chocontelob ti yumʌl jini tojo' bʌ, mi' ñuc'an i pusic'al winicob x'ixicob. Che' mi' wa'chocontelob jini jontolo' bʌ, wersa mi' puts'elob jini tojo' bʌ.

Isaias 35:10

Wen tijicñayob i pusic'al mi caj i sujtelob jini mʌmbilo' bʌ i cha'an lac Yum. Cha' talob ti jini bij cha'an mi' majlelob ti Sion. Ti pejtelel ora tijicña mi caj i yubiñob. Mi' cajelob ti c'ay. Mi caj i lajmel wocol yic'ot c'amʌjel.