Ester 7:9 - Chol: I T’an Dios

⁹ Harbona, juntiquil eunuco tsa' bʌ i melbe i ye'tel rey tsa' caji' yʌl: Q'uele jini chan bʌ te' tsa' bʌ i chajpa Amán cha'an mi' yʌc' ti chʌmel Mardoqueo, i yaj coltaya rey. Ya'ʌch wa'al ti pam i yotot Amán, lajchʌmp'ejl ti jajl i chanlel, che'en.

Chol de Tumbalá Bible

⁹ Harbona, juntiquil eunuco tsa' bʌ i melbe i ye'tel rey tsa' caji' yʌl: Q'uele jini chan bʌ te' tsa' bʌ i chajpa Amán cha'an mi' yʌc' ti chʌmel Mardoqueo, i yaj coltaya rey. Ya'ʌch wa'al ti pam i yotot Amán, lajchʌmp'ejl ti jajl i chanlel, che'en.

Ester 7:9 Iomraidhean Croise

2 Reyob 9:32

Jehú tsi' letsa i wut. Tsi' q'uele Jezabel ya' ba' buchul ti q'ueloñib. Jehú tsi' yʌlʌ: ¿Majqui yom i coltañon? che'en. Cha'tiquil uxtiquil x'e'telob i cha'año' bʌ rey, tsi' pʌsʌyob i bʌ ya' ti ventana.

Ester 1:10

Ti' wucp'ejlel q'uin che' tijicñayix i pusic'al jini rey cha'an vino, tsi' pʌyʌ tilel wuctiquil eunucojob tsa' bʌ i cha'libeyob servir. I c'aba' eunucojob: Mehumán, Bizta, Harbona, Bigta, Abagta, Zetar yic'ot Carcas.

Ester 5:14

Tsa' caji i subeñob i yijñam yic'ot i cʌñʌyo' bʌ: Ac'ʌ ti melol chan bʌ te' cha'an ma' jich'. Yom lajchʌnjajl i chanlel. Ti sʌc'ajel ijc'ʌl cucu suben jini rey cha'an mi' yʌc' ti jijch'el Mardoqueo. Che' jini cha' tijicñayix a pusic'al mux a cha' majlel ti c'ux waj yic'ot jini rey, che'ob. Amán uts'at tsi' yubi jini t'an. Tsi' yʌc'ʌ ti melol te' cha'an mi' jich'.

Ester 6:14

Che' bʌ woliyob to ti t'an, tsa' tiliyob eunucojob loq'uemo' bʌ ti' tojlel rey cha'an mi' bʌc' pʌyob majlel Amán, come chajpʌbilix i bʌl i ñʌc' i cha'an Ester.

Ester 6:2

Ya' otsʌbil ti jun chuqui tsi' mele Mardoqueo che' bʌ tsi' colta jini rey Asuero. Come Mardoqueo tsi' sube ba' ora tsi' chijtayob Bigtán yic'ot Teres, cha'tiquil eunucojob tsa' bʌ i q'uelbeyob i pam i yotot rey, che' bʌ tsi' ña'ta i tsʌnsañob.

Ester 8:7

Jini rey Asuero tsi' sube Ester i pi'ʌl yic'ot Mardoqueo jini judío: Awilan tsa'ix cʌc'ʌ ti' wenta Ester pejtel i pi'ʌlob Amán yic'ot i chubʌ'an. Tsa'ix jijch'i Amán ti jini wa'al bʌ te' come tsi' ñopo i jisan judíojob.

Ester 9:14

Jini cha'an jini rey tsi' cha'le mandar cha'an mi' melob ti Susa che' bajche' tsi' yʌlʌ Ester. Jini cha'an tsi' ts'ʌy cʌchʌyob jini lujuntiquil i yalobilob Amán ya' ti te' ti pam i yotot Amán.

Ester 9:25

Ma'anic tsa' mejli come tsa' ochi Ester ti' tojlel rey. Jini rey tsi' yʌc'ʌ ti ts'ijbuntel mandar cha'an mi' junyajlel jilel chuqui tsi' ñopo i mel Amán. Jini cha'an jini jontolil tsa' bʌ i ña'ta i mel Amán ti' tojlel judíojob tsa' cha' c'oti ti' tojlel. Tsa' laj ts'ʌy cʌjchiyob Amán yic'ot i yalobilob ti jich'oñib.

Salmos 141:10

La' tem yajlicob jini jontolo' bʌ ti jini jach bʌ yac tsa' bʌ i lon ac'ʌyob. Pero la' ñumicon ti uts'at.

Salmos 35:8

La' jisʌnticob che' mach yʌxʌlobic i yo. La' to wʌlʌc chujquicob ti' yac tsa' bʌ i meleyob. La' wʌlʌc jisʌnticob ya'i.

Salmos 73:19

Ti ora jach mi' jilelob. Mi' bʌc' tilel jini bʌbʌq'uen tac bʌ.

Daniel 6:24

Jini rey tsi' yʌc'ʌ mandar cha'an mi' pʌjyelob tilel jini winicob tsa' bʌ i jop'beyob i mul Daniel, cha'an mi' chojquelob ochel ti ch'eñal bajlum, ti pejtelelob yic'ot i yijñam yic'ot i yalobilob. Che' maxto c'otemobic ti' yebal jini ch'en, tsa' tijp'iyob jini bajlum cha'an mi' jisañob. Tsi' bic'ti xut'uyob.

Daniel 6:7

Pejtelon lojon am bʌ que'tel lojon ti a yumʌntel tsaj como ña'ta lojon yom melol jump'ejl mandar: “Lujump'ejl i cha'c'al (30) q'uin la' i cʌyob i pejcañob i dios pejtel winicob. Mi an chuqui yomob, la' i c'ajtibeñet. Mi an majch mi' ñusan ili mandar, la' chojquic ochel ti' ch'eñal bajlum”.

1 Samuel 17:51

Ti ajñel tsa' majli David ba'an jini filisteo. Tsi' jʌm bots'be loq'uel i yespada ti' yotot. Tsi' set' t'ojbe i bic'. Jini filisteojob che' bʌ tsi' q'ueleyob chʌmenix i yum, tsa' laj puts'iyob.