Ester 7:8 - Chol: I T’an Dios

⁸ Jini rey tsi' cʌyʌ pʌc'ʌbʌl. Tsa' sujti ti mal otot ba' tsi' cha'leyob q'uiñijel. Tsi' q'uele woli ti yajlel Amán ti' yoc jini ch'ac ba' ñʌcʌl Ester. Tsi' yʌlʌ jini rey: ¿Yom ba i pi'len c pi'ʌl tic tojlel ti cotot? che'en. Che' bʌ woli to ti t'an rey, jini x'e'telob tsi' mosbeyob i wut Amán.

Chol de Tumbalá Bible

⁸ Jini rey tsi' cʌyʌ pʌc'ʌbʌl. Tsa' sujti ti mal otot ba' tsi' cha'leyob q'uiñijel. Tsi' q'uele woli ti yajlel Amán ti' yoc jini ch'ac ba' ñʌcʌl Ester. Tsi' yʌlʌ jini rey: ¿Yom ba i pi'len c pi'ʌl tic tojlel ti cotot? che'en. Che' bʌ woli to ti t'an rey, jini x'e'telob tsi' mosbeyob i wut Amán.

Ester 7:8 Iomraidhean Croise

Ester 1:5

Che' ujtemix jini q'uiñijel, jini rey tsi' melbeyob q'uin cha'an pejtel chumulo' bʌ ti Susa, jini ñuc bʌ tejclum ya' ba'an i yotot rey. Tsi' laj pʌyʌ tilel jini wen chumulo' bʌ yic'ot p'ump'uño' bʌ. Wucp'ejl q'uin tsi' cha'leyob q'uiñijel ti pam i yotot rey ya' ba'an pʌc'ʌbʌl.

Ester 1:6

Ya' sʌts'ʌl lazo ba' liquil sʌsʌc bʌ pisil tʌc'ʌl yic'ot yʌjyʌx bʌ pisil i wenta lejchempat. An pisil bʌ tsalʌl. Joc'ol pisil ti xotol tac bʌ plata jucbil bʌ ochel ya' ti lazo. Jini lazo jiñʌch bʌch'bil bʌ lino wen fino bʌ, ts'ajbil bʌ ti chʌccolan bʌ. I yoyel i yotot rey ya' ba' cʌchʌl lazo, jiñʌch i t'ojol jax bʌ xajlel, i c'aba' mármol. Q'uiy tʌsbil ya' ti lum an ts'ʌylaw bʌ xajlel ti chajp ti chajp: pórfido yic'ot mármol yic'ot perla yic'ot yan tac bʌ xajlel letsem bʌ i tojol. Ya' cotchocobil ch'ac melbil bʌ ti oro yic'ot ti plata.

Ester 6:12

Che' ujtemix jini, tsa' sujti Mardoqueo ti' ti' yotot rey. Amán tsa' puts'i majlel ti' yotot, mosol i jol cha'an ch'ijiyem i pusic'al.

Ester 7:10

Jini rey tsi' yʌlʌ: Jich'i ya'i, che'en. Jini cha'an tsa' jijch'i Amán ya' ti wa'al bʌ te' chajpʌbil bʌ i cha'an, ba' tsi' ña'ta i tsʌnsan Mardoqueo. Che' jini tsa' caji ti lajmel i mich'lel rey.

Job 9:24

Pejtel año' bʌ ti pañimil tsa'ix ajq'uiyob ti' wenta jontolo' bʌ. Dios mi' mʌcbeñob i wut jini juezob. Mach tojic mi' cha'leñob meloñel. Machic i melbal Dios, ¿majqui i melbal che' jini?

Isaias 22:17

Lac Yum mi caj i wersa choquet loq'uel. Anquese wen p'ʌtʌlet, p'ump'un mi caj i tic'lañet.

Isaias 49:23

Jini año' bʌ i ye'tel ti pañimil, reyob yic'ot i yijñamob, mi caj i cosañob che' bajche' i tatob. Mi caj i we'sañob. Mi caj i c'uchchocoñob i bʌ ti lum ti a tojlel. Mi caj i tijcañob i ts'ubeñal a woc. Che' jini mux caj a ña'tan Yumʌlon. Majqui jach mi' ñopon ma'anic mi' cajel ti quisin.

Amos 3:12

Lac Yum tsa' cha' caji' yʌl: Jini israelob chumulo' bʌ ti Samaria wocol mi caj i loq'uelob ya'i. Che' bajche' xcʌnta tiñʌme' mi' loc'sʌben ti' yej bajlum cha'ts'ijt i bʌquel tiñʌme' yic'ot i ñi'il jach i chiquin, che' ja'el mi caj i coltʌntelob israelob. Jini jach i xujt'il i chubʌ'an mi caj i cʌybentelob.

Marcos 14:65

An tsa' bʌ caji i tujbañob Jesús. Tsi' mosbeyob i wut. Tsi' jats'ʌyob. Tsi' subeyob: Pʌsbeñon lojon mi x'alt'añet, che'ob. Jini xcʌntayajob tsi' poch'iyob.