Ester 7:7 - Chol: I T’an Dios

⁷ Mich'atax jini rey, tsi' cʌyʌ jini mesa. Tsa' majli ti pʌc'ʌbʌl ti' pam i yotot. Amán tsa' cʌle cha'an mi' c'ajtiben Ester ti wocol t'an cha'an mi' coltan, come tsi' q'uele mux caj i yʌjq'uel ti toj mulil ti' tojlel jini rey.

Chol de Tumbalá Bible

⁷ Mich'atax jini rey, tsi' cʌyʌ jini mesa. Tsa' majli ti pʌc'ʌbʌl ti' pam i yotot. Amán tsa' cʌle cha'an mi' c'ajtiben Ester ti wocol t'an cha'an mi' coltan, come tsi' q'uele mux caj i yʌjq'uel ti toj mulil ti' tojlel jini rey.

Ester 7:7 Iomraidhean Croise

Ester 1:12

Pero ma'anic tsi' jac'ʌ i pʌyol jini co'ʌl Vasti che' bʌ tsa' tiliyob jini eunucojob. Ma'anic tsi' jac'be i mandar rey. Jini cha'an tsa' mich'a jini rey. Cʌlʌx jax i mich'ajel.

Ester 1:5

Che' ujtemix jini q'uiñijel, jini rey tsi' melbeyob q'uin cha'an pejtel chumulo' bʌ ti Susa, jini ñuc bʌ tejclum ya' ba'an i yotot rey. Tsi' laj pʌyʌ tilel jini wen chumulo' bʌ yic'ot p'ump'uño' bʌ. Wucp'ejl q'uin tsi' cha'leyob q'uiñijel ti pam i yotot rey ya' ba'an pʌc'ʌbʌl.

Ester 7:10

Jini rey tsi' yʌlʌ: Jich'i ya'i, che'en. Jini cha'an tsa' jijch'i Amán ya' ti wa'al bʌ te' chajpʌbil bʌ i cha'an, ba' tsi' ña'ta i tsʌnsan Mardoqueo. Che' jini tsa' caji ti lajmel i mich'lel rey.

Salmos 112:10

Jini xjontolil mi caj i mel i pusic'al che' mi' q'uel. Mich' mi caj i q'uel, tsʌytsʌña jax i pusic'al, pero mi caj i sʌc jilel. Jini jontolo' bʌ ma'anic mi caj i tajob chuqui tac yomob.

Proverbios 14:19

Jini jontolo' bʌ mi caj i ñoctʌlob ti' tojlel jini weño' bʌ i pusic'al. Jini xmulilob mi caj i c'ajtiñob i coltʌntel ti' ti' i yotot jini tojo' bʌ.

Proverbios 14:35

Jini rey mi' pʌsbeñob i yutslel i winicob weño' bʌ i ña'tʌbal, pero mi' pʌsbeñob i mich'ajel jini quisintic jax bʌ mi' melob.

Proverbios 16:14

I mich'ajel rey mi' pʌyonla ti chʌmel. Jini am bʌ i pusic'al mi' tilel i yuts'esan.

Proverbios 19:12

Lajalʌch i mich'ajel rey bajche' i t'an bajlum. Lajalʌch i yutslel bajche' ye'eb.

Isaias 60:14

Jini yumʌlob tsa' bʌ i tic'layetla mi caj i tilel i peq'uesañob i bʌ ti la' tojlel. Mi caj i ñoctʌlob ti la' woc pejtel tsa' bʌ i ts'a'leyetla. Mi' caj ti ajlel Jerusalén, “I Tejclum lac Yum” yic'ot “Jini Ñuc bʌ Wits i Cha'an jini Ch'ujul Bʌ ti Israel”.

Daniel 3:19

Tsa' chʌc'a i wut jini rey cha'an tsa' wen mich'a cha'an i t'an ili uxtiquil winicob. Tsi' yʌc'ʌ mandar cha'an mi' xijq'uel jini c'ajc cha'an mi' lejmel wucyajl i ñumel i ticwʌlel.

Apocalipsis 3:9

Awilan, mi caj c pʌy tilel ti la' tojlel i cha'año' bʌ Satanás, winicob mu' bʌ i cha'leñob lot. Mi' cuyob i bʌ ti israelob anquese mach israelobic. Mux caj c pʌyob tilel cha'an mi' ñocchocoñob i bʌ ti' tojel la' woc. Mi caj i ña'tañob c'ux mi cubiñetla.

1 Samuel 20:7

Mi uts'at mi' yubin a t'an, uts'at añon ti' tojlel che' jini. Pero mi tsa' mich'a, ña'tan che' jini yomʌch i tsʌnsañon.

1 Samuel 20:9

Jonatán tsi' sube: Ma'anic a mul. Mi caj j coltañet. Mi tsa cubi woli' ña'tan jontolil ti a tojlel, mic bʌc' tsictesʌbeñet, che'en.

1 Samuel 25:17

Jini cha'an ña'tan bajche' yom ma' mel, come jontol c yum. Bʌbʌq'uen mi caj i jisʌntel yic'ot pejtelel i pi'ʌlob cha'an i jontolil. Ma'anic majch mi mejlel i pejcan, che'en.