Ester 7:10 - Chol: I T’an Dios

¹⁰ Jini rey tsi' yʌlʌ: Jich'i ya'i, che'en. Jini cha'an tsa' jijch'i Amán ya' ti wa'al bʌ te' chajpʌbil bʌ i cha'an, ba' tsi' ña'ta i tsʌnsan Mardoqueo. Che' jini tsa' caji ti lajmel i mich'lel rey.

Chol de Tumbalá Bible

¹⁰ Jini rey tsi' yʌlʌ: Jich'i ya'i, che'en. Jini cha'an tsa' jijch'i Amán ya' ti wa'al bʌ te' chajpʌbil bʌ i cha'an, ba' tsi' ña'ta i tsʌnsan Mardoqueo. Che' jini tsa' caji ti lajmel i mich'lel rey.

Ester 7:10 Iomraidhean Croise

Genesis 40:22

Pero tsi' jich'choco jini xmel caxlan waj che' bajche' tsi' sube José. Jiñʌch i sujmlel i ñajal.

Ester 2:1

Che' ujtemix jini, tsa' lajmi i mich'ajel jini rey Asuero. C'ajal i cha'an chuqui tsi' cha'le Vasti yic'ot chuqui mi caj i tumben.

Ester 5:14

Tsa' caji i subeñob i yijñam yic'ot i cʌñʌyo' bʌ: Ac'ʌ ti melol chan bʌ te' cha'an ma' jich'. Yom lajchʌnjajl i chanlel. Ti sʌc'ajel ijc'ʌl cucu suben jini rey cha'an mi' yʌc' ti jijch'el Mardoqueo. Che' jini cha' tijicñayix a pusic'al mux a cha' majlel ti c'ux waj yic'ot jini rey, che'ob. Amán uts'at tsi' yubi jini t'an. Tsi' yʌc'ʌ ti melol te' cha'an mi' jich'.

Ester 7:7

Mich'atax jini rey, tsi' cʌyʌ jini mesa. Tsa' majli ti pʌc'ʌbʌl ti' pam i yotot. Amán tsa' cʌle cha'an mi' c'ajtiben Ester ti wocol t'an cha'an mi' coltan, come tsi' q'uele mux caj i yʌjq'uel ti toj mulil ti' tojlel jini rey.

Ester 7:8

Jini rey tsi' cʌyʌ pʌc'ʌbʌl. Tsa' sujti ti mal otot ba' tsi' cha'leyob q'uiñijel. Tsi' q'uele woli ti yajlel Amán ti' yoc jini ch'ac ba' ñʌcʌl Ester. Tsi' yʌlʌ jini rey: ¿Yom ba i pi'len c pi'ʌl tic tojlel ti cotot? che'en. Che' bʌ woli to ti t'an rey, jini x'e'telob tsi' mosbeyob i wut Amán.

Ester 8:7

Jini rey Asuero tsi' sube Ester i pi'ʌl yic'ot Mardoqueo jini judío: Awilan tsa'ix cʌc'ʌ ti' wenta Ester pejtel i pi'ʌlob Amán yic'ot i chubʌ'an. Tsa'ix jijch'i Amán ti jini wa'al bʌ te' come tsi' ñopo i jisan judíojob.

Ester 9:14

Jini cha'an jini rey tsi' cha'le mandar cha'an mi' melob ti Susa che' bajche' tsi' yʌlʌ Ester. Jini cha'an tsi' ts'ʌy cʌchʌyob jini lujuntiquil i yalobilob Amán ya' ti te' ti pam i yotot Amán.

Ester 9:25

Ma'anic tsa' mejli come tsa' ochi Ester ti' tojlel rey. Jini rey tsi' yʌc'ʌ ti ts'ijbuntel mandar cha'an mi' junyajlel jilel chuqui tsi' ñopo i mel Amán. Jini cha'an jini jontolil tsa' bʌ i ña'ta i mel Amán ti' tojlel judíojob tsa' cha' c'oti ti' tojlel. Tsa' laj ts'ʌy cʌjchiyob Amán yic'ot i yalobilob ti jich'oñib.

Job 18:8

Bʌjʌch i bʌ mi caj i yochel ti yac. Ti ajñel mi' choc i bʌ ti' ch'eñal lum.

Job 20:8

Mi' cajel ti ñajʌyel che' bajche' ñajal. Che' bajche' jini q'uelel bʌ lac cha'an ti ñajal, mach lac chʌn q'ueleyix ti pejtelel ora.

Salmos 37:15

Jini jontolo' bʌ mi caj i wʌlʌc ubiñob i yespada ti' pusic'al. Jini jalʌjb tac mi' caj ti laj c'ʌscujel.

Salmos 7:16

Mi caj i cha' q'uextʌbentelob i maña tsa' bʌ i ña'tayob i mel, Mi caj i cha' q'uextʌbentelob i jontolil.

Salmos 94:23

Dios mi caj i q'uextʌbeñob i mul. Mi caj i jisañob cha'an i jontolil. Lac Yum Dios mi caj i jisañob.

Proverbios 11:27

Jini mu' bʌ i ñop i mel chuqui uts'at wolix i sʌclan wen bʌ t'an. Jini mu' bʌ i ñop i mel jontolil mi caj i yutsi taj jontolil.

Proverbios 11:8

Jini toj bʌ mi caj i yʌjq'uel ti colel ti wocol. Ya' ba' tsa' loq'ui mi' cajel ti ochel xjontolil.

Proverbios 26:27

Jini mu' bʌ i japun lum cha'an mi' yʌc' ti yajlel i pi'ʌlob mi' caj ti yajlel ya'i. Jini mu' bʌ i woxq'uin xajlel mi' caj ti lojwel ti xajlel.

Jeremias 34:17

Jini cha'an lac Yum woli' yʌl: Ma'anic tsa' la' jac'ʌ c t'an cha'an mi la' wʌc' ti colel la' pi'ʌlob woliyo' bʌ ti majtan e'tel. La' wila to, woli cʌq'uetla ti libre cha'an mi la' chʌmel ti espada yic'ot ti c'amʌjel yic'ot ti wi'ñal, che'en lac Yum. Mi caj i toj sajtelob i pusic'al pejtel winicob ti pañimil che' mi' q'ueletla.

Ezequiel 5:13

Che' jini mi caj c pʌsbeñob c mich'lel. Che' ñumenix mi caj i ña'tañob i Yumon. Bʌxon cha'an mic ts'ʌctesan c t'an.

Daniel 6:24

Jini rey tsi' yʌc'ʌ mandar cha'an mi' pʌjyelob tilel jini winicob tsa' bʌ i jop'beyob i mul Daniel, cha'an mi' chojquelob ochel ti ch'eñal bajlum, ti pejtelelob yic'ot i yijñam yic'ot i yalobilob. Che' maxto c'otemobic ti' yebal jini ch'en, tsa' tijp'iyob jini bajlum cha'an mi' jisañob. Tsi' bic'ti xut'uyob.

Daniel 6:25

Jini rey Darío tsi' ts'ijba jun. Tsi' choco majlel ti pejtelel i lumal, ti jujump'ejl tejclum tac ba' yujilob t'an ti chajp ti chajp. Tsi' subeyob: La' p'ojlic i ñʌch'tilel la' pusic'al. Joñon mic sub ti mandar, yom mi la' bʌc'ñan i Dios Daniel ti pejtelel c yumʌntel. Yom mi la' p'is ti wenta, come jiñʌch Cuxul bʌ Dios mu' bʌ i yajñel ti pejtelel ora. Ma'anic mi caj i jilel i yumʌntel. Mi' yajñel i p'ʌtʌlel ti pejtelel ora.

Zacarias 6:8

Lac Yum tsi' pʌyʌyon tilel. Tsi' subeyon: Q'uele jini woli bʌ majlelob ti' tojel norte. Tsac chocoyob majlel ti meloñel cha'an mi cʌq'ueñob i toj i mul ya' ti norte cha'an mi' lajmel c mich'ajel, che'en.

Juezob 15:7

Sansón tsi' subeyob jini winicob: Cha'an la' mul, ti isujm mi caj cʌq'ueñetla i q'uexol jini tsa' bʌ la' mele. Ma'anic mi caj j cʌy c tic'lañetla jinto che' tojbilix la' mul, che'en.