Ester 6:6 - Chol: I T’an Dios

⁶ Jini cha'an tsa' ochi Amán. Jini rey tsi' sube: ¿Bajche' yom mic tsictesʌben i ñuclel jini winic c'uxbibil bʌ c cha'an? che'en. Tsi' lon ña'ta Amán: ¿Majqui jini c'uxbibil bʌ i cha'an rey? ¿Mach ba joñonic?

Chol de Tumbalá Bible

⁶ Jini cha'an tsa' ochi Amán. Jini rey tsi' sube: ¿Bajche' yom mic tsictesʌben i ñuclel jini winic c'uxbibil bʌ c cha'an? che'en. Tsi' lon ña'ta Amán: ¿Majqui jini c'uxbibil bʌ i cha'an rey? ¿Mach ba joñonic?

Ester 6:6 Iomraidhean Croise

Ester 1:15

Jini rey tsi' c'ajtibeyob: ¿Bajche' ts'ijbubil ti ley? ¿Bajche' mi caj i toj i mul jini co'ʌl Vasti cha'an ma'anic tsi' jac'be i mandar rey che' bʌ tsi' pʌyʌyob eunucojob? che'en Asuero.

Ester 5:11

Tsi' subeyob pejtel i ñuclel. Ñuc tsi' q'uele i bʌ cha'an cabʌl i chubʌ'an yic'ot i yalobilob yic'ot i c'uxbintel ti' tojlel rey, come jini rey tsi' yʌq'ue jini ñaxan bʌ buchlibʌl cha'an mi' yumʌntel ti' tojlel pejtel ñuco' bʌ i ye'tel.

Ester 6:11

Jini cha'an Amán tsi' ch'ʌmʌ i pislel rey yic'ot i c'ʌchlib. Tsi' xojbe i bujc Mardoqueo. Tsi' c'ʌchchoco. Tsi' pʌyʌ ñumel ti jini parque ti' yojlil tejclum. Tsi' cha'le oñel majlel. Che' abi yom mi' melbentel jini winic c'uxbibil bʌ i cha'an rey, che'en Amán.

Ester 6:5

Jini x'e'telob i cha'an rey tsi' subeyob: Ya'ix an Amán wa'al ti corredor, che'ob. Jini rey tsi' subeyob cha'an mi' pʌyob ochel.

Ester 6:7

Amán tsi' sube rey: Cha'an ma' tsictesʌben i ñuclel jini winic c'uxbibil bʌ a cha'an

Ester 6:9

La' aq'uentic ti' wenta jini c'ax ñuc bʌ i ye'tel cha'an mi' xojben i pislel jini winic c'uxbibil bʌ ti rey cha'an mi' tsictesʌben i ñuclel. La' i c'ʌchchocon jini winic cha'an mi' pʌy majlel ti parque ti' yojlil tejclum. La' majlic ti ñaxan. La' i sub majlel ti c'am bʌ t'an: “Che'ʌch yom mi' tsictesʌbentel i ñuclel jini winic c'uxbibil bʌ i cha'an rey”. Che' yom mi' sub majlel, che'en Amán.

Salmos 35:27

La' i cha'leñob c'ay mu' bʌ i q'ueloñob ti toj. La' ñuc'ac i pusic'al. La' i yʌlob ti pejtelel ora: La' sujbic i ñuclel lac Yum, che'ob Come tijicña lac Yum che' wen chumul i winic.

Proverbios 1:32

Come i sajtemal jini tontojo' bʌ mi caj i tsʌnsañob. Jini lon xuc'ulo' bʌ i pusic'al cha'an i chubʌ'an mi caj i jilelob.

Proverbios 16:18

Chañʌch i pusic'al jini mu' bʌ caj ti to'ol jilel. Ñucʌch mi' lon q'uel i bʌ jini mu' bʌ caj ti yajlel.

Proverbios 18:12

Ñuc mi' lon q'uel i bʌ jini mu' bʌ caj i yʌjq'uel ti quisin. Utsʌch i pusic'al jini mu' bʌ caj i wa'chocontel.

Proverbios 30:13

An mu' bʌ i chañ'esañob i bʌ. Yujilob ts'a'leya.

Isaias 42:1

Wʌ'an c Winic mu' bʌ caj j coltan. Jiñʌch yajcʌbil bʌ c cha'an. Mi' wen aq'ueñon i tijicñʌyel c pusic'al. Tsa'ix cʌq'ue quEspíritu. Jini mi caj i sub chuqui toj ti' tojlel colem tejclum tac mach bʌ anic mi' cʌñoñob.

Jeremias 32:41

Tijicña mi caj cubin che' mic melbeñob chuqui uts'at. Mi caj c cha' pʌc'ob ti jini lum ti pejtelel c pusic'al yic'ot ti pejtelel c ch'ujlel. Xuc'ul mi caj i yajñelob.

Abdias 1:3

I chanlel la' pusic'al mi' lotiñetla, come mi la' chumtʌl ya' ba'an lech'el bʌ xajlel ti' chañelal wits tac. Mi la' lon al ti la' pusic'al: “¿Majqui mi mejlel i choconla jubel ti lum?” che'etla.

Mateo 3:17

Awilan, tsa' loq'ui tilel t'an ti panchan. Tsi' yʌlʌ: Jiñʌch Calobil mu' bʌ j c'uxbin. Wen uts'at mij q'uel, che'en.

Lucas 14:9

Che' mi' tilel i yum q'uin tsa' bʌ i pʌyʌyetla tilel ti la' cha'ticlel, mi caj i subeñet cha'an ma' wʌq'uen a buchlib ili winic. Che' jini quisintic mi caj a wubin che' ma' majlel ti buchtʌl ti jini cojix bʌ buchlibʌl.

Juan 5:23

cha'an mi' q'uelob ti ñuc i Yalobil Dios pejtel winicob x'ixicob che' bajche' mi' q'uelob ti ñuc c Tat. Jini mach bʌ anic mi' q'uel ti ñuc i Yalobil Dios mach ñuquic mi' q'uel c Tat tsa' bʌ i chocoyon tilel.