Ester 6:4 - Chol: I T’an Dios

⁴ Jini rey tsi' c'ajtibeyob: ¿Majqui ya'an ti pat otot? che'en. Ya'ix an Amán. Poj ochemix ti corredor ti' yotot rey cha'an mi' c'ajtiben permiso cha'an mi' yʌc' ti chʌmel Mardoqueo ya' ti te' tsa' bʌ i chajpa cha'an mi' jich'.

Chol de Tumbalá Bible

⁴ Jini rey tsi' c'ajtibeyob: ¿Majqui ya'an ti pat otot? che'en. Ya'ix an Amán. Poj ochemix ti corredor ti' yotot rey cha'an mi' c'ajtiben permiso cha'an mi' yʌc' ti chʌmel Mardoqueo ya' ti te' tsa' bʌ i chajpa cha'an mi' jich'.

Ester 6:4 Iomraidhean Croise

Ester 4:11

“Yujilob pejtelel x'e'telob i cha'an rey ti pejtelel pañimil, tic'bil mi la cochel ba' buchul rey ti mal i yotot che' mach pʌybilonicla tilel. Mi tsa' ochi juntiquil che' mach pʌybilic, woli' ñusan ley. Wersa mi' chʌmel majqui jach mi' ñusan jini ley. Cojach jini p'untʌbil bʌ ti rey mi' caj ti cuxtiyel mi tsi' sʌts'ʌ i c'ʌb jini rey che' chucul i cha'an jini te' melbil bʌ ti oro, i yejtal bʌ i p'ʌtʌlel. Che' jini cuxul mi' yajñel”. Che'ʌch yom ma' suben. Jixcu joñon, lujump'ejl i cha'c'alix q'uin mach pʌybilonic ochel ba'an jini rey, che'en Ester.

Ester 5:1

Ti' yuxp'ejlel q'uin Ester tsi' xojo i bujc co'ʌl. Tsa' ochi ti mal i yotot rey ba'an i buchlib. Tsa' wa'le ya' ti corredor. Buchul jini rey ti' buchlib ti mal i yotot ya' ti' tojel i ti' otot.

Ester 5:14

Tsa' caji i subeñob i yijñam yic'ot i cʌñʌyo' bʌ: Ac'ʌ ti melol chan bʌ te' cha'an ma' jich'. Yom lajchʌnjajl i chanlel. Ti sʌc'ajel ijc'ʌl cucu suben jini rey cha'an mi' yʌc' ti jijch'el Mardoqueo. Che' jini cha' tijicñayix a pusic'al mux a cha' majlel ti c'ux waj yic'ot jini rey, che'ob. Amán uts'at tsi' yubi jini t'an. Tsi' yʌc'ʌ ti melol te' cha'an mi' jich'.

Ester 6:3

Jini rey tsi' c'ajtibeyob xq'uel jun: ¿Am ba chuqui uts'at tsi' taja Mardoqueo che' bʌ tsi' coltayon? ¿Tsa' ba aq'uenti i majtan? che'en. Jini año' bʌ i ye'tel ti' tojlel rey tsi' subeyob: Ma'anic chuqui tsi' taja, che'ob.

Ester 6:5

Jini x'e'telob i cha'an rey tsi' subeyob: Ya'ix an Amán wa'al ti corredor, che'ob. Jini rey tsi' subeyob cha'an mi' pʌyob ochel.

Ester 7:9

Harbona, juntiquil eunuco tsa' bʌ i melbe i ye'tel rey tsa' caji' yʌl: Q'uele jini chan bʌ te' tsa' bʌ i chajpa Amán cha'an mi' yʌc' ti chʌmel Mardoqueo, i yaj coltaya rey. Ya'ʌch wa'al ti pam i yotot Amán, lajchʌmp'ejl ti jajl i chanlel, che'en.

Job 5:13

Mi' yʌc'ob ti chujquel ya' ti yac mu' bʌ i lon chajpañob cha'an mi' chucob yambʌ i pi'ʌl. Mi' jembeñob i pensar che' an chuqui leco mi' lon ña'tañob i mel.

Salmos 2:4

Pero woli ti tse'ñal lac Yum ya' ti panchan. Woli' wajleñob.

Salmos 33:19

Lac Yum mi caj i coltañob ti' yutslel. Ma'anic mi caj i yʌc'ob ti chʌmel. Mi caj i cʌntañob ti' yorajlel wi'ñal.

Eclesiastes 9:10

Ti pejtelel chuqui ma' mel, mele bajche' yom melol, come ma'anix e'tel ba' ma' majlel. Ma'anix chuqui ma' wis ña'tan a mel.