Ester 6:12 - Chol: I T’an Dios

¹² Che' ujtemix jini, tsa' sujti Mardoqueo ti' ti' yotot rey. Amán tsa' puts'i majlel ti' yotot, mosol i jol cha'an ch'ijiyem i pusic'al.

Chol de Tumbalá Bible

¹² Che' ujtemix jini, tsa' sujti Mardoqueo ti' ti' yotot rey. Amán tsa' puts'i majlel ti' yotot, mosol i jol cha'an ch'ijiyem i pusic'al.

Ester 6:12 Iomraidhean Croise

2 Samuel 15:30

Tsi' cha'le uq'uel David che' bʌ tsa' letsi majlel ya' ti ñʌcʌcña bʌ wits ba'an olivote'. Che' woli' letsel majlel, ma'anic i pixol mi i warachic. Pejtelel jini winicob tsa' bʌ i tsʌcleyob majlel woliyob ti uq'uel ja'el.

2 Samuel 17:23

Che' bʌ tsi' q'uele Ahitofel ma'anic woli' jac'beñob i t'an, tsa' cha' sujti majlel ti' yotot ya' ti' tejclum. Tsa' ujti i wʌn q'uel pejtel chuqui an ti' yotot. Che' jini tsi' jich'i i bʌ. Tsa' chʌmi. Tsi' mucuyob ya' ba' tsa' mujqui i tat.

1 Reyob 20:43

Jini rey Acab mich' tsa' sujti ti' yotot ya' ti Samaria. Wʌlwʌlña i pusic'al.

1 Reyob 21:4

Wen ch'ijyem jax i pusic'al Acab. Wen mich' tsa' cha' sujti ti' yotot cha'an ma'anic tsi' jac'ʌ i chon Nabot jini ch'oyol bʌ ti Jezreel, come tsi' sube: Ma'anic mi caj cʌq'ueñet i lum c ñojte'el, che'en. Ma'anix tsi' chʌn c'uxu waj Acab. Tsa' majli ti ñoltʌl ti' wʌyib. Tsi' mʌyʌ majlel i wut ti' ñʌc' bojte'.

1 Reyob 21:6

Acab tsi' jac'be i yijñam: Cha'an ma'anic tsi' jac'ʌ i chombeñon i ts'usubil Nabot che' bʌ tsaj c'ajtibe. Tsac sube mi caj cʌq'uen i q'uexol mi yom, pero tsa' jach i subeyon: “Ma'anic mi caj cʌq'ueñet c ts'usubil”, che'en. Che' tsi' yʌlʌ Acab.

2 Cronicas 26:20

Jini ñuc bʌ motomaj Azarías yic'ot pejtelel jini motomajob tsi' q'ueleyob che' bʌ tsa' pasi leco bʌ tsoy ti' pam Uzías. Tsi' bʌc' chocoyob loq'uel ya' ba' wa'al. Uzías ja'el tsi' se'ñu i bʌ cha'an mi' loq'uel ya'i, come lac Yum Dios tsi' yʌq'ue i chʌmel.

Ester 2:19

Che' bʌ tsa' tempʌyiyob tilel xch'ocob che' ti' cha'yajlel, ya' buchul Mardoqueo ti' ti' i yotot rey.

Ester 6:11

Jini cha'an Amán tsi' ch'ʌmʌ i pislel rey yic'ot i c'ʌchlib. Tsi' xojbe i bujc Mardoqueo. Tsi' c'ʌchchoco. Tsi' pʌyʌ ñumel ti jini parque ti' yojlil tejclum. Tsi' cha'le oñel majlel. Che' abi yom mi' melbentel jini winic c'uxbibil bʌ i cha'an rey, che'en Amán.

Ester 7:8

Jini rey tsi' cʌyʌ pʌc'ʌbʌl. Tsa' sujti ti mal otot ba' tsi' cha'leyob q'uiñijel. Tsi' q'uele woli ti yajlel Amán ti' yoc jini ch'ac ba' ñʌcʌl Ester. Tsi' yʌlʌ jini rey: ¿Yom ba i pi'len c pi'ʌl tic tojlel ti cotot? che'en. Che' bʌ woli to ti t'an rey, jini x'e'telob tsi' mosbeyob i wut Amán.

Job 20:5

ma'anic mi' jal'an i ñuclel xjontolil. Anquese poj jumuc' mi' mʌjlel i cha'an, mi' bʌc' jilel i tijicñʌyel i pusic'al jini mach bʌ anic mi' bʌc'ñan Dios.

Job 9:24

Pejtel año' bʌ ti pañimil tsa'ix ajq'uiyob ti' wenta jontolo' bʌ. Dios mi' mʌcbeñob i wut jini juezob. Mach tojic mi' cha'leñob meloñel. Machic i melbal Dios, ¿majqui i melbal che' jini?

1 Samuel 3:15

Ya' jach ñolol tsa' cʌle Samuel c'ʌlʌl tsa' sʌc'a pañimil. Che' jini tsa' ch'ojyi, tsi' jamʌ i yotot lac Yum. Pero woli ti bʌq'uen cha'an i t'an lac Yum. Mach yomic i suben Elí jini tsa' bʌ i sube lac Yum.