Ester 5:9 - Chol: I T’an Dios

⁹ Tijicña i pusic'al Amán tsa' loq'ui majlel. Che' bʌ tsi' q'uele Mardoqueo ti' ti' i yotot rey, cabʌl tsi' mich'le come ma'anic tsa' ch'ojyi. Ma'anic tsi' yʌq'ue cortesía.

Chol de Tumbalá Bible

⁹ Tijicña i pusic'al Amán tsa' loq'ui majlel. Che' bʌ tsi' q'uele Mardoqueo ti' ti' i yotot rey, cabʌl tsi' mich'le come ma'anic tsa' ch'ojyi. Ma'anic tsi' yʌq'ue cortesía.

Ester 5:9 Iomraidhean Croise

1 Reyob 21:4

Wen ch'ijyem jax i pusic'al Acab. Wen mich' tsa' cha' sujti ti' yotot cha'an ma'anic tsi' jac'ʌ i chon Nabot jini ch'oyol bʌ ti Jezreel, come tsi' sube: Ma'anic mi caj cʌq'ueñet i lum c ñojte'el, che'en. Ma'anix tsi' chʌn c'uxu waj Acab. Tsa' majli ti ñoltʌl ti' wʌyib. Tsi' mʌyʌ majlel i wut ti' ñʌc' bojte'.

1 Reyob 21:6

Acab tsi' jac'be i yijñam: Cha'an ma'anic tsi' jac'ʌ i chombeñon i ts'usubil Nabot che' bʌ tsaj c'ajtibe. Tsac sube mi caj cʌq'uen i q'uexol mi yom, pero tsa' jach i subeyon: “Ma'anic mi caj cʌq'ueñet c ts'usubil”, che'en. Che' tsi' yʌlʌ Acab.

Ester 2:19

Che' bʌ tsa' tempʌyiyob tilel xch'ocob che' ti' cha'yajlel, ya' buchul Mardoqueo ti' ti' i yotot rey.

Ester 3:2

Pejtel x'e'telob wa'alo' bʌ ti' ti' i yotot rey tsi' c'uchchocoyob i bʌ che' bʌ tsa' ñumi Amán. Tsi' yʌq'ueyob cortesía, come tsi' yʌc'ʌ mandar rey cha'an che'ʌch yom mi' melob. Ma'anic tsi' c'uchchoco i bʌ Mardoqueo. Ma'anic tsi' yʌq'ue cortesía.

Ester 3:5

Tsa' wen mich'a Amán che' bʌ tsi' q'uele ma'anic woli' c'uchchocon i bʌ Mardoqueo, ma'anic woli' yʌq'uen cortesía.

Ester 5:13

Anquese c'uxbibilon ti pejtelelob, mach tijicñayic c pusic'al che' mij q'uel jini judío Mardoqueo ya' bʌ buchul ti' ti' i yotot rey, che'en.

Job 20:5

ma'anic mi' jal'an i ñuclel xjontolil. Anquese poj jumuc' mi' mʌjlel i cha'an, mi' bʌc' jilel i tijicñʌyel i pusic'al jini mach bʌ anic mi' bʌc'ñan Dios.

Job 31:31

Jini chumulo' bʌ quic'ot tsi' q'ueleyob. Tsac wen aq'ueyob we'elʌl c winicob.

Salmos 15:4

Mach wenic mi' q'uel jini xjontolil. Mi' c'uxbin jini mu' bʌ i bʌc'ñañob Dios. Mi' ts'ʌctesan i t'an anquese wocol mi' yubin.

Salmos 27:3

Anquese cabʌlob j contrajob mu' bʌ i tempañob i bʌ, Ma'anic mic cha'len bʌq'uen. Anquese mi' tejchel guerra tic tojlel, Chʌn xuc'ul c pusic'al ti lac Yum.

Daniel 3:13

Tsʌytsʌyña jax i pusic'al jini rey Nabucodonosor cha'an mich'. Tsi' choco ti pʌyol Sadrac, Mesac yic'ot Abednego. Tsa' pʌjyiyob tilel ti ora.

Mateo 10:28

Mach mi la' bʌc'ñan jini mu' bʌ i tsʌnsañob la' bʌc'tal, come mach mejlic i tajob la' ch'ujlel. Yom mi la' bʌc'ñan jini mu' bʌ mejlel i jisan la' ch'ujlel yic'ot la' bʌc'tal ti c'ajc.

Mateo 2:16

Tsa' caji ti cabʌl mich'ajel jini Herodes che' bʌ tsi' ña'ta tsa'ix lotinti cha'an jini winicob año' bʌ cabʌl i ña'tʌbal. Tsi' yʌc'ʌ mandar cha'an mi' tsʌnsʌntelob pejtelel alʌ ch'itoñob maxto bʌ ts'ʌcʌlic cha'p'ejl i jabilel ya' bʌ añob ti Belén yic'ot ti' joytilel. Ña'tʌbilix i cha'an Herodes jayp'ejl i jabilel jini alʌl, come tsa' subenti cha'an jini winicob cabʌl bʌ i ña'tʌbal.

Lucas 6:25

Mi caj la' taj wocol ñajetix bʌ la, come mi caj la' wubin wi'ñal. Mi caj la' taj wocol mu' bʌ la' cha'len tse'ñal wʌle, come mi caj la' tsic la' pusic'al. Mi caj la' cha'len uq'uel.

Juan 16:20

Isujm, isujm mic subeñetla: Jatetla mi caj la' cha'len uq'uel, mi caj la' mel la' pusic'al. Jini año' bʌ ti pañimil tijicña mi caj i yubiñob. Jatetla ch'ijyem jax mi caj la' wubin. Ti wi'il mi caj i q'uextʌyel i ch'ijiyemlel la' pusic'al ti' tijicñʌyel.

Hechos 7:54

Che' bʌ tsi' yubiyob ili t'an tsa' wen mich'ayob. Quech'ecñayob i bʌquel i yej tsi' meleyob cha'an mich' tsi' q'ueleyob.

Santiago 4:9

Mele la' pusic'al. Cha'lenla uq'uel. Uc'tan la' mul. La' ujtiquetla ti tse'ñal. La' pʌntʌyic ti uq'uel. La' jilic i tijicñʌyel la' pusic'al. La' pʌntʌyic ti la' ch'ijiyemlel.