Ester 5:2 - Chol: I T’an Dios

² Che' bʌ tsi' q'uele jini co'ʌl Ester ya' wa'al ti' tojel i buchlib, tsi' pʌsbe i yutslel i pusic'al. Tsi' sʌts'ʌ i c'ʌb ba' chucul i cha'an i te'el rey cha'an mi' pʌy tilel Ester. Tsa' tili. Tsi' tʌlbe i ni' jini te'.

Chol de Tumbalá Bible

² Che' bʌ tsi' q'uele jini co'ʌl Ester ya' wa'al ti' tojel i buchlib, tsi' pʌsbe i yutslel i pusic'al. Tsi' sʌts'ʌ i c'ʌb ba' chucul i cha'an i te'el rey cha'an mi' pʌy tilel Ester. Tsa' tili. Tsi' tʌlbe i ni' jini te'.

Ester 5:2 Iomraidhean Croise

Genesis 32:28

Jini winic tsi' yʌlʌ: Ma'anix mi caj a chʌn pejcʌntel ti Jacob. Mi caj a pejcʌntel ti Israel, come tsa' cha'le wersa. Tsa' mʌjli a cha'an ti' tojlel Dios, yic'ot ti' tojlel winicob, che'en.

Nehemias 1:11

C Yum, a wocolic mij c'ajtibeñet, ñich'tʌbeñon coración come a winicon. Ñich'tʌbeñob i yoración a winicob año' bʌ ti Jerusalén mu' bʌ i tajob i tijicñʌyel cha'an woli' bʌc'ñañob a c'aba'. Coltañon ti ili q'uin cha'an mi' yujtel ti uts'at chuqui com c mel. Ñijcʌben i pusic'al jini rey cha'an mi' p'untañon ba' ora mic pejcan, cho'on ti oración. Joñon mic ñusʌben i taza jini rey.

Ester 2:9

Uts'at tsi' q'uele jini xch'oc. Tsi' bʌc' aq'ue i ts'ʌcal i pʌchʌlel yic'ot i bʌl i ñʌc' yic'ot wuctiquil xch'oc bʌ i pi'ʌlob. Tsi' yʌc'ʌ ti chumtʌl ti c'ax uts'at bʌ i mal otot.

Ester 4:11

“Yujilob pejtelel x'e'telob i cha'an rey ti pejtelel pañimil, tic'bil mi la cochel ba' buchul rey ti mal i yotot che' mach pʌybilonicla tilel. Mi tsa' ochi juntiquil che' mach pʌybilic, woli' ñusan ley. Wersa mi' chʌmel majqui jach mi' ñusan jini ley. Cojach jini p'untʌbil bʌ ti rey mi' caj ti cuxtiyel mi tsi' sʌts'ʌ i c'ʌb jini rey che' chucul i cha'an jini te' melbil bʌ ti oro, i yejtal bʌ i p'ʌtʌlel. Che' jini cuxul mi' yajñel”. Che'ʌch yom ma' suben. Jixcu joñon, lujump'ejl i cha'c'alix q'uin mach pʌybilonic ochel ba'an jini rey, che'en Ester.

Ester 8:4

Jini rey tsi' sʌts'ʌ i c'ʌb, chucul bʌ i cha'an jini orote', cha'an mi' pʌsben Ester i yutslel i pusic'al. Tsa' ch'ojyi Ester. Ya' wa'al ti' tojlel rey tsa' caji ti t'an: Mi che'ʌch yom a pusic'al, c rey, mi tsa'ix c taja i yutslel a pusic'al, mi wola' q'uelon ti uts'at, a wocolic ts'ijban mandar cha'an mi' laj jilel jini jun tsa' bʌ i chajpa Amán i yalobil Hamedata i yalobil bʌ Agag ame jisʌnticob judíojob ti pejtelel lum ba' woliyet ti yumʌntel.

Salmos 116:1

Mij c'uxbin c Yum come tsi' yubibeyon coración che' bʌ tsac pejca ti wocol t'an.

Proverbios 21:1

Jini Dios tsa' bʌ i melbe i bijlel ja' mi' ñijcʌben i pusic'al rey cha'an mi' mel chuqui yom Dios.

Hechos 10:4

Cornelio tsi' cha'le bʌq'uen che' bʌ tsi' q'uele jini ángel. Tsi' sube: ¿Chuqui a wom c Yum? che'en. Jini ángel tsi' sube: A woración yic'ot i majtan tac p'ump'uño' bʌ mu' bʌ a wʌq'ueñob woli' ña'tʌntel ti Dios.

Hechos 7:10

Dios tsi' loc'sa ti pejtelel i wocol. Tsi' ñijcʌbe i pusic'al Faraón cha'an mi' q'uel José ti uts'at. Dios tsi' yʌq'ue José i ña'tʌbal ti' tojlel jini rey Faraón ya' ti Egipto. Dios tsi' yʌq'ue i ye'tel ti yumʌl ti' tojlel egiptojob yic'ot ti' yotot Faraón ja'el.