Ester 5:11 - Chol: I T’an Dios

¹¹ Tsi' subeyob pejtel i ñuclel. Ñuc tsi' q'uele i bʌ cha'an cabʌl i chubʌ'an yic'ot i yalobilob yic'ot i c'uxbintel ti' tojlel rey, come jini rey tsi' yʌq'ue jini ñaxan bʌ buchlibʌl cha'an mi' yumʌntel ti' tojlel pejtel ñuco' bʌ i ye'tel.

Chol de Tumbalá Bible

¹¹ Tsi' subeyob pejtel i ñuclel. Ñuc tsi' q'uele i bʌ cha'an cabʌl i chubʌ'an yic'ot i yalobilob yic'ot i c'uxbintel ti' tojlel rey, come jini rey tsi' yʌq'ue jini ñaxan bʌ buchlibʌl cha'an mi' yumʌntel ti' tojlel pejtel ñuco' bʌ i ye'tel.

Ester 5:11 Iomraidhean Croise

Genesis 31:1

Jacob tsi' yubibeyob i t'an ch'iton bʌ i yalobilob Labán. Tsi' yʌlʌyob: Jini Jacob tsa'ix i chilbe pejtel i yʌlac' lac tat. Cha'an ti' caj i chubʌ'an lac tat tsa'ix i taja pejtel i ñuclel, che'ob.

Ester 1:4

jini rey tsi' pʌsbeyob i ñuclel i yumʌntel yic'ot bajche' c'amel an i chubʌ'an letsem bʌ i tojol yic'ot i t'ojol jax bʌ i bujc yic'ot pejtel i ñuclel. Tsi' cha'leyob q'uiñijel bolonc'al q'uin.

Ester 3:1

Che' ujtemix jini, jini rey Asuero tsi' yʌq'ue ñumen ñuc bʌ i ye'tel Amán i yalobil Hamedata i p'olbal bʌ Agag. Tsi' buchchoco ti' t'ejl ya' ti' tojlel pejtel ñuco' bʌ i ye'tel.

Ester 8:15

Tsa' loq'ui Mardoqueo ti' tojlel rey che' woliyob ti c'am bʌ t'an jini chumulo' bʌ ti Susa cha'an tijicñayob i pusic'al. Lʌpbil i cha'an Mardoqueo i pislel jini rey, jini sʌsʌc bʌ yic'ot jini yʌjyʌx bʌ. C'ʌcʌl ti' jol jini corona melbil bʌ ti oro. An i mosil i jol melbil bʌ ti lino, ts'ajbil ti chʌccolan bʌ.

Salmos 49:6

Winicob mi' lon ña'tañob an i coltʌntel cha'an i chubʌ'an. Mi' chañ'esañob i bʌ cha'an cabʌl i chubʌ'an.

Salmos 49:7

Ma'anic majch mi mejlel i tojben i mul i pi'ʌl cha'an mi' loq'uel ti' p'ʌtʌlel mulil. Mach mejlic i yʌq'uen Dios i tojol i mul,

Salmos 52:9

Mi caj c subeñet wocolix a wʌlʌ ti pejtelel ora, come a melbalʌch. Ti' tojlel a cha'año' bʌ mi caj c ña'tan a c'aba', come uts'atet. Wolic pijtañet.

Isaias 10:8

Mi' lon al: Mux caj cotsan ti rey calobilob cha'an mi' cha'leñob yumʌl ti colem tejclum tac.

Daniel 4:30

tsa' caji i yʌl: ¡Q'uelela wen ñuc Babilonia! Joñon tsac mele ili ñuc bʌ tejclum ba' chumulon tic yumʌntel cha'an mi' cʌjñel c p'ʌtʌlel yic'ot c ñuclel ti pejtelel pañimil, che'en.

1 Timoteo 6:17

Jixcu jini am bʌ cabʌl i chubʌ'an ti pañimil, tsʌts ma' subeñob cha'an ma'anic mi' chañ'esañob i bʌ, cha'an ma'anic mi' yʌc'ob ti' pusic'al i chubʌ'an yujil bʌ jilel. Subeñob cha'an mi' chʌn ñopob jini cuxul bʌ Dios mu' bʌ i wen aq'ueñonla pejtelel chuqui tac yom cha'an mi la cubin lac tijicñʌyel.