Ester 4:3 - Chol: I T’an Dios

³ Ti jujump'ejl colem tejclum baqui jach tsa' c'oti i mandar rey, tsa' ochi i ch'ijiyemlel i pusic'al judíojob che' bʌ tsi' yubiyob. Tsa' cajiyob ti ch'ajb, we'ecñayob ti uq'uel. Lamital tsa' ñoleyob ti' tʌñil c'ajc lʌpʌlob i cha'an coxtal.

Chol de Tumbalá Bible

³ Ti jujump'ejl colem tejclum baqui jach tsa' c'oti i mandar rey, tsa' ochi i ch'ijiyemlel i pusic'al judíojob che' bʌ tsi' yubiyob. Tsa' cajiyob ti ch'ajb, we'ecñayob ti uq'uel. Lamital tsa' ñoleyob ti' tʌñil c'ajc lʌpʌlob i cha'an coxtal.

Ester 4:3 Iomraidhean Croise

Ester 1:1

Che' bʌ tsi' cha'le yumʌntel Asuero, an ti' wenta wucp'ejl i wucc'al (127) colem tejclum tac c'ʌlʌl ti India c'ʌlʌl ti Etiopía.

Ester 3:12

Che' ñumenix cha'p'ejl uxp'ejl semana, tsa' pʌjyiyob tilel sts'ijbayajob cha'an mi' yotsañob ti jun jini mandar che' bajche' i tilel mi' cha'leñob ts'ijb ti' t'an tac jujump'ejl colem tejclum, cha'an mi' q'uelob pejtel ñuco' bʌ i ye'tel yic'ot gobernadorob yic'ot yumʌlob. Tsi' yʌc'ʌ ti ts'ijbuntel Amán; tsi' yotsʌbe i c'aba' jini rey Asuero. Tsi' ñotbe i sellojlel am bʌ ti' mʌtc'ʌb rey.

Ester 4:16

Cucu subeñob pejtel judíojob año' bʌ ti Susa cha'an mi' tempañob i bʌ cha'an mi' cha'leñob ch'ajb uxp'ejl q'uin yic'ot uxp'ejl ac'ʌlel cha'an mi' p'untañon Dios. Joñon quic'ot xch'oc bʌ c pi'ʌlob mi caj c cha'len lojon ch'ajb ja'el lajal bajche'etla. Che' mi cujtel ti ch'ajb mi caj c majlel ba'an rey anquese wolic ñusʌben i mandar. Mi tsi' yʌc'ʌyon ti chʌmel la'ix chʌmicon, che'en.

Ester 4:2

tsa' letsi majlel ti' ti' i yotot rey. Ma'anic majch tsa' mejli ti ochel ti' yotot rey che' lʌpʌl i cha'an coxtal.

Ester 4:4

Che' bʌ tsa' tili i mozojob Ester yic'ot eunucojob cha'an mi' subeñob i co' chuqui woli' yujtel, cabʌl tsi' mele i pusic'al. Tsi' chocbe majlel wen bʌ i bujc Mardoqueo cha'an mi' xoj, pero ma'anic tsi' ch'ʌmʌ. Ma'anic tsi' jocho jini coxtal.

Ester 9:31

Jini cha'an mi' melob q'uin, i c'aba' Purim, ti jini jach bʌ tsic ti jujump'ejl jab che' bajche' tsi' subeyob Mardoqueo yic'ot Ester i yijñam rey. Mi' melob q'uin che' bajche' cʌntesʌbilob ti' tatob cha'an mi' ña'tañob bajche' tsa' lajmi ch'ajb yic'ot uq'uel.

Job 2:8

Job tsi' loto i xejt'il uc'um cha'an mi' juc' loq'uel i pujwil. Tsa' buchle ba'an i tʌñil c'ajc.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Isaias 22:4

Jini cha'an tsa cʌlʌ: Loq'uenixla tic tojlel come wolic cha'len uq'uel cha'an jisʌbilobix c pi'ʌlob. Wen ch'ijiyem c pusic'al. Mach la' lon ña'tan la' tijicñesañon, cho'on.

Isaias 58:5

¿Tsa' ba c subeyetla cha'an mi la' cha'len ch'ajb che' bajche' iliyi? ¿Uts'at ba mij q'uel che' ma' lij a bʌ che' bajche' ac', che' ma' lʌp coxtal, che' ma' wʌc' ti a pam i tinil c'ajc? ¿Jimba iliyi i q'uiñilel ch'ajb mu' bʌ c mulan? Mach jinic.

Ezequiel 27:30

Ñajtʌ tsiquil i yoñel che' mi' yuc'tañob. C'am mi caj i cha'leñob uq'uel. Mi caj i mujlañob i jol ti ts'ubejn. Mi caj i ñoltʌlob ti' tʌñil c'ajc.

Daniel 9:3

Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

Jonas 3:6

Tsa' c'oti jini t'an ba'an i yum Nínive. Tsi' cʌyʌ i buchlib ba' woli ti yumʌntel. Tsi' jocho i t'ojol jax bʌ i bujc. Tsi' xojo coxtal. Tsa' buchle ti' tʌñil c'ajc.

Mateo 13:42

Mi caj i chocob ochel ti c'ajc. Ya' mi' cajelob ti cabʌl uq'uel yic'ot quech'ecña bʌ i bʌquel i yej.

Mateo 22:13

Jini rey tsi' sube x'e'telob i cha'an: “Cʌchʌla ti' c'ʌb ti' yoc. Chocola ba'an ic'ch'ipan bʌ pañimil. Ya'i mi' cajelob ti uq'uel yic'ot quech'ecña i bʌquel i yej”, che'en.

Mateo 25:30

Chocola jini x'e'tel mach bʌ anic i c'ʌjñibal ti ic'ch'ipan bʌ pañimil ya' ti jumpat. Ya' mi' cajelob ti uq'uel yic'ot quech'ecña i bʌquel i yej”, che'en.

Josue 7:6

Josué yic'ot jini añobix bʌ i jabilel tsi' tsiliyob i pislel cha'an tsi' meleyob i pusic'al. Tsi' pʌcchocoyob i bʌ ti lum ya' ba'an jini Arca i cha'an bʌ lac Yum c'ʌlʌl tsa' ic'a pañimil. Tsi' p'ujp'ujyob ts'ubejn ti' jol cha'an ch'ijiyem i pusic'al.

1 Samuel 11:4

Che' bʌ tsa' c'otiyob jini suboñelob ti Gabaa ba' chumul Saúl, tsa' caji i subeñob jini t'an pejtelel tejclumob. Che' bʌ tsi' yubiyob, tsa' cajiyob ti uq'uel. Wen c'amob i yuq'uel.