Ester 4:16 - Chol: I T’an Dios

¹⁶ Cucu subeñob pejtel judíojob año' bʌ ti Susa cha'an mi' tempañob i bʌ cha'an mi' cha'leñob ch'ajb uxp'ejl q'uin yic'ot uxp'ejl ac'ʌlel cha'an mi' p'untañon Dios. Joñon quic'ot xch'oc bʌ c pi'ʌlob mi caj c cha'len lojon ch'ajb ja'el lajal bajche'etla. Che' mi cujtel ti ch'ajb mi caj c majlel ba'an rey anquese wolic ñusʌben i mandar. Mi tsi' yʌc'ʌyon ti chʌmel la'ix chʌmicon, che'en.

Chol de Tumbalá Bible

¹⁶ Cucu subeñob pejtel judíojob año' bʌ ti Susa cha'an mi' tempañob i bʌ cha'an mi' cha'leñob ch'ajb uxp'ejl q'uin yic'ot uxp'ejl ac'ʌlel cha'an mi' p'untañon Dios. Joñon quic'ot xch'oc bʌ c pi'ʌlob mi caj c cha'len lojon ch'ajb ja'el lajal bajche'etla. Che' mi cujtel ti ch'ajb mi caj c majlel ba'an rey anquese wolic ñusʌben i mandar. Mi tsi' yʌc'ʌyon ti chʌmel la'ix chʌmicon, che'en.

Ester 4:16 Iomraidhean Croise

Genesis 18:19

Cujilix Abraham mi caj i yʌq'ueñob mandar i yalobilob yic'ot pejtel año' ti' yotot yic'ot jini mu' bʌ caj i tilelob ti' yotot, cha'an mi' cha'leñob xʌmbal ti' bijlel i Yum, cha'an mi' melob chuqui tac uts'at yic'ot chuqui tac toj. Che' jini mux caj ti ts'ʌctiyel c t'an tsa' bʌ cʌlʌ ti' tojlel Abraham. Che' tsi' yʌlʌ lac Yum.

Genesis 43:14

Che' ya' añetla ti' tojlel jini winic, la' i p'untañetla Dios jini Mach bʌ Anic i P'isol i P'ʌtʌlel. La' i cha' colbeñet la' weran yic'ot Benjamín. Pero mi tsa' chʌmiyob calobilob, che' jini meba'onix cha'an calobilob, che'en.

2 Samuel 10:12

Yom ch'ejlet. La' lac cha'len wersa cha'an mi laj coltan lac pi'ʌlob yic'ot i lumal lac Yum. La' i mel lac Yum pejtelel chuqui uts'at ti' wut. Che' tsi' yʌlʌ Joab.

2 Reyob 7:4

Muq'uic la cochel ti tejclum, mi lac chʌmel ja'el ti wi'ñal. Conla ba' tempʌbilob jini siriajob. La'ix la cʌc' lac bʌ ti' wenta. Mi ma'anic mi' tsʌnsañonla, cuxul mi la cajñel, pero mi tsi' tsʌnsayonla, la'ix chʌmiconla, che'ob.

2 Cronicas 20:3

Che' bʌ tsi' yubi Josafat, tsa' caji ti bʌq'uen. Ti ora jach tsi' pejca lac Yum. Tsi' yʌc'ʌ mandar ti pejtelel Judá cha'an mi' cha'leñob ch'ajb cha'an mi' peq'uesañob i bʌ ti' tojlel Dios.

Esdras 8:21

Che' ya'to añon lojon ti colem ja' i c'aba' Ahava, tsac subeyob cha'an yom mic cha'len lojon ch'ajb, cha'an mic peq'uesan lojon c bʌ ti' wut Dios. Che' jini tsaj c'ajtibe lojon Dios cha'an mi' toj'esañon lojon majlel ti bij, cha'an mi' cʌntañon lojon quic'ot calobil lojon, quic'ot c chubʌ'an lojon.

Ester 4:15

Ester tsi' chocbe majlel jini t'an:

Ester 4:17

Tsa' majli Mardoqueo. Tsi' lu' mele che' bajche' tsi' sube Ester.

Ester 4:3

Ti jujump'ejl colem tejclum baqui jach tsa' c'oti i mandar rey, tsa' ochi i ch'ijiyemlel i pusic'al judíojob che' bʌ tsi' yubiyob. Tsa' cajiyob ti ch'ajb, we'ecñayob ti uq'uel. Lamital tsa' ñoleyob ti' tʌñil c'ajc lʌpʌlob i cha'an coxtal.

Ester 5:1

Ti' yuxp'ejlel q'uin Ester tsi' xojo i bujc co'ʌl. Tsa' ochi ti mal i yotot rey ba'an i buchlib. Tsa' wa'le ya' ti corredor. Buchul jini rey ti' buchlib ti mal i yotot ya' ti' tojel i ti' otot.

Ester 9:31

Jini cha'an mi' melob q'uin, i c'aba' Purim, ti jini jach bʌ tsic ti jujump'ejl jab che' bajche' tsi' subeyob Mardoqueo yic'ot Ester i yijñam rey. Mi' melob q'uin che' bajche' cʌntesʌbilob ti' tatob cha'an mi' ña'tañob bajche' tsa' lajmi ch'ajb yic'ot uq'uel.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Jeremias 36:9

Ti' jop'ejlel jab che' woli ti yumʌl Joacim (i yalobil Josías) rey bʌ ti Judá, che' ti diciembre, tsi' tempayob i bʌ ya' ti Jerusalén winicob loq'uemo' bʌ ti' tejclum tac Judá cha'an mi' cha'leñob ch'ajb ti' tojlel lac Yum.

Daniel 2:18

Tsi' c'ajtiyob i coltʌntel ti' tojlel Dios am bʌ ti panchan. Tsi' c'ajtibeyob i sujmlel i ñajal jini rey cha'an ma'anic mi' tsʌnsʌntelob yic'ot jini año' bʌ i ña'tʌbal ti Babilonia.

Mateo 12:40

Che' bajche' tsa' cʌle Jonás uxp'ejl q'uin uxp'ejl ac'ʌlel ti' ñʌc' colem chʌy, che' ja'el mi caj i cʌytʌl i Yalobil Winic ti' mal lum uxp'ejl q'uin uxp'ejl ac'ʌlel.

Lucas 9:24

Majqui jach yom i bajñel cʌntan i cuxtʌlel mi caj i sʌt. Jini mu' bʌ i yʌc' i cuxtʌlel cha'añon mi caj i cʌntan.

Juan 19:22

Pilato tsi' jac'beyob: Jini tsa' bʌ c ts'ijba, ts'ijbubilix, che'en.

Hechos 10:7

Che' majlemix jini ángel tsa' bʌ i pejca, Cornelio tsi' pʌyʌ tilel cha'tiquil i winicob yic'ot juntiquil soldado tsa' bʌ i coltayob ti' ye'tel. Jini soldado tsi' ch'ujutesa Dios.

Hechos 20:24

Ma'anic mij q'uel j cuxtʌlel ti ñuc. Anquese mi cʌjq'uel ti chʌmel, tijicña c pusic'al mi uts'at mic ts'ʌctesan que'tel tsa' bʌ aq'uentiyon ti lac Yum Jesús cha'an mic sub jini wen t'an cha'an i yutslel i pusic'al Dios.

Hechos 21:13

Pablo tsi' subeyon lojon: ¿Chucoch mi la' cha'len uq'uel? ¿Chucoch mi la' wʌq'ueñon i ch'ijiyemlel c pusic'al? Joñon chajpʌbilon, mach cojic jach cha'an mij cʌjchel, pero cha'an mic chʌmel ja'el ti Jerusalén cha'an ti' c'aba' lac Yum Jesús, che'en.

Hechos 27:33

Che' bʌ wolix i sʌc'an, Pablo tsi' subeyob cha'an mi' c'uxob i bʌl i ñʌc' ti pejtelelob. Tsi' yʌlʌ: I lajchʌmp'ejlelix q'uin woli la' ñusan wocol. Woliyetla ti ch'ajb. Ma'anic chuqui tsa' la' c'uxu.

Hechos 9:9

Uxp'ejl q'uin tsa' cʌle ti xpots'. Ma'anic chuqui tsi' c'uxu. Ma'anic chuqui tsi' japʌ.

Romanos 16:4

Colel tsa' yʌlʌ tsʌnsʌntelob cha'an tsi' coltayoñob. Mach joñonic jach mic subeñob wocolix i yʌlʌ Priscila yic'ot Aquila, pero che'ʌch mi' melob ja'el pejtelel jini gentilob baqui jach mi' tempañob i bʌ.

Filipenses 2:30

Come cha'an ti' ye'tel Cristo colel tsi' yʌlʌ chʌmel. Tsi' yʌc'ʌ i bʌ ba' bʌbʌq'uen mi' chʌmel cha'an mi' ts'ʌctesʌbeñetla chuqui anto yom melol tic tojlel.

Josue 24:15

Mi mach uts'atic mi la' q'uel che' mi la' ch'ujutesan lac Yum, yajcanla wʌle majqui mi caj la' ch'ujutesan, mi jini dioste' tsa' bʌ i ch'ujutesayob la' ñojte'elob ya' ti junwejl jini Eufrates, yic'ot i dioste' amorreojob año' bʌ ti ili lum ba' chumuletla. Pero joñon yic'ot jini año' bʌ ti cotot mi caj lac ch'ujutesan lac Yum. Che' tsi' yʌlʌ Josué.

1 Samuel 19:5

Colelix i tsʌnsʌntel che' bʌ tsi' tsʌnsa jini filisteojob. Lac Yum tsi' c'ʌñʌ cha'an mi' coltan jini israelob che' bajche' tsa' q'uele ja'el. Tijicña a pusic'al tsa' wubi. ¿Chucoch che' jini mi caj a cha'len ñuc bʌ mulil? che'en.