Ester 4:14 - Chol: I T’an Dios

¹⁴ Mi mach a womic a pejcan jini rey ti ili ora che' bʌbʌq'uen mi' chʌmel a pi'ʌlob, mi caj i tejchel i coltʌntel ti yambʌ parte, pero mi caj a chʌmel jatet yic'ot i pi'ʌlob a tat a ña'. ¿Chucoch tsa' aq'uentiyet a we'tel ti co'ʌl ti ili ora ti' tojlel jini rey? ¿Mach ba cha'anic ma' coltan a pi'ʌlob che' an i wocol? Che' tsi' sube Mardoqueo.

Chol de Tumbalá Bible

¹⁴ Mi mach a womic a pejcan jini rey ti ili ora che' bʌbʌq'uen mi' chʌmel a pi'ʌlob, mi caj i tejchel i coltʌntel ti yambʌ parte, pero mi caj a chʌmel jatet yic'ot i pi'ʌlob a tat a ña'. ¿Chucoch tsa' aq'uentiyet a we'tel ti co'ʌl ti ili ora ti' tojlel jini rey? ¿Mach ba cha'anic ma' coltan a pi'ʌlob che' an i wocol? Che' tsi' sube Mardoqueo.

Ester 4:14 Iomraidhean Croise

Genesis 22:14

Abraham tsi' yotsʌbe i c'aba' jini ajñibʌl: Lac Yum mi caj i yʌq'ueñonla lac majtan, che'en. Che'ʌch i c'aba' c'ʌlʌl wʌle. Mi' yʌlob: Ya' ti wits i cha'an lac Yum mi caj i yʌq'ueñonla lac majtan, che'ob.

2 Reyob 13:5

Jini cha'an lac Yum tsi' colta jini israelob. Tsi' coloyob ti' p'ʌtʌlel Siria. Jini israelob tsa' cha' cajiyob ti wen chumtʌl ti ñʌch'ʌl che' bajche' ti ñaxan.

2 Reyob 19:3

“Woli' yʌl Ezequías: Wʌle an cabʌl wocol ti lac tojlel, cabʌl lac wajlentel, lac ts'a'lentel. Che'ʌch añonla bajche' x'ixic woli bʌ ti bajq'uel mach bʌ anic i p'ʌtʌlel cha'an mi' yʌc' ti pañimil i yalobil.

Esdras 9:9

Ti yambʌ ora wolic mozojintel. Che' cabʌl lojon c wocol ma'anic tsa' cʌyʌyon lojon. Tsa' ñijcʌbeyob i pusic'al jini reyob ti Persia cha'an mi' pʌsbeñoñob i yutslel i pusic'al. Tsi' coltayon lojon cha'an mic cha' wa'chocon lojon a Templo yic'ot i ts'ajquil Jerusalén.

Nehemias 6:11

Tsac sube: ¿Yom ba mic puts'el che' ñuc que'tel? Mach yomic. Mach mejlic ti ochel jini mach bʌ motomajic, come tic'bil. Anquese yomob i tsʌnsañon, ma'anic mi caj cochel, cho'on.

Ester 2:15

Che' i yorajlelix mi' yochel Ester ba'an rey, ma'anic chuqui tsi' c'ajti ti' majtan, jini jach chuqui tsi' sube Hegai cha'an mi' ch'ʌm majlel. Ester, i yalobilʌch Abihail. Abihail jiñʌch i yumijel Mardoqueo tsa' bʌ i pʌyʌ Ester ti' yalobil. C'uxbibil Ester ti pejtelel i cʌñʌyo' bʌ.

Ester 2:17

Ñumen tsi' c'uxbi Ester bajche' pejtelel yaño' bʌ x'ixicob. Ñumen tsi' pʌsbe i yutslel i pusic'al bajche' pejtel jini xch'oc bʌ i pi'ʌlob. Jini cha'an tsi' c'ʌcchoco ti' jol jini corona bʌ i ch'ʌjlib i yijñam rey. Tsi' yʌq'ue i ye'tel ti co'ʌl tsa' bʌ i cʌyʌ Vasti.

Ester 2:7

Mardoqueo tsi' cosa jini xch'oc Hadasa, jiñʌch Ester, i yalobil i yumijel, come meba' alʌl. Chʌmenix i tat i ña'. I t'ojol jax jini xch'oc. Che' bʌ tsa' cʌle ti meba' Ester, Mardoqueo tsi' pʌyʌ ti' yalobil.

Ester 4:13

Mardoqueo tsi' cha' chocbe majlel jini t'an: Anquese ya' añet ti' yotot rey, mach a lon ña'tan mi mux a bajñel colel ba' ora mi' chujquelob pejtel a pi'ʌlob judíojob.

Ester 4:15

Ester tsi' chocbe majlel jini t'an:

Job 9:18

Ma'anic mi' poj cʌyon cha'an mij c'aj co. Cabʌl mi' yʌq'ueñon ch'aj bʌ.

Isaias 49:23

Jini año' bʌ i ye'tel ti pañimil, reyob yic'ot i yijñamob, mi caj i cosañob che' bajche' i tatob. Mi caj i we'sañob. Mi caj i c'uchchocoñob i bʌ ti lum ti a tojlel. Mi caj i tijcañob i ts'ubeñal a woc. Che' jini mux caj a ña'tan Yumʌlon. Majqui jach mi' ñopon ma'anic mi' cajel ti quisin.

Isaias 54:17

Pero woli cʌq'ueñet c t'an, ma'anic mi junchajpic e'tijibʌl cha'an guerra mu' bʌ mejlel i jisañet. Mi caj a tsictesʌbeñob i mul jini mu' bʌ i cha'leñob jop't'an ti a contra. Jiñʌch i chobejtʌbal mu' bʌ caj i yʌq'uentelob i winicob Dios. Jiñʌch a wenlel mu' bʌ cʌq'ueñet, che'en lac Yum.

Jeremias 30:11

Añon quic'otet cha'an mi cʌq'uet ti libre, che'en lac Yum. Mi caj c lu' jisʌbeñob i yumʌntel jini winicob ba' tsac chocoyet ti pujquel, pero ma'anic mi caj c lu' jisañet. Mi caj c ju'sʌbeñet a pusic'al cha'an a mul. Ma'anic mic to'ol ñusan mulil.

Jeremias 46:28

Mach a cha'len bʌq'uen, c winic, Jacob, che'en lac Yum. Añon quic'otet. Mi caj c lu' jisan yambʌ winicob, pero mach jatetic. Jini jach mi caj c jultesʌbeñet a pusic'al. Ma'anic mi caj c to'ol ñusan a mul, che'en lac Yum.

Levitico 26:42

joñon mi caj c ña'tan jini xuc'ul bʌ t'an tsa' bʌ cʌq'ue Jacob, yic'ot Isaac, yic'ot Abraham. Che' jini muq'uix c cha' c'uxbiñob.

Mateo 16:18

Mic subeñet Pedrojet. Ti' pam jini xajlel mi caj c wa'chocon xñopt'añob c cha'an. Jini mu' bʌ i yʌc'ob ti chʌmel mach mejlic i jisañob.

Mateo 24:22

Machic tsi' wʌn ña'ta i com'esan i yorajlel wocol, ma'anic majqui mi' coltʌntel mi juntiquilic. Pero cha'an i coltʌntel jini yajcʌbilo' bʌ mi caj i com'esʌntel i yorajlel wocol.

Deuteronomio 32:36

Lac Yum mi caj i coltan jini israelob ti' tojlel i contrajob. Mi caj i p'untan i winicob che' ma'añobix i p'ʌtʌlel, Che' ma'anix mi' cʌytʌl, mi libre bʌ, mi mozo bʌ.

Juezob 15:6

Jini filisteojob tsi' c'ajtibeyob: ¿Majqui tsi' mele bajche' jini? che'ob. I pi'ʌlob tsi' jac'ʌyob: Jiñʌch Sansón i nij'al Timnat, come tsi' chilbe i yijñam. Tsi' yʌc'ʌ ti' wenta yambʌ winic. Jini cha'an jini filisteojob tsa' tiliyob ba'an jini x'ixic yic'ot i tat. Tsi' puluyob ti cha'ticlel.

1 Samuel 12:22

Ma'anic mi caj i bajñel cʌy i tejclum lac Yum ame ts'a'lentic jini ñuc bʌ i c'aba', come woli' ña'tan ti' pusic'al bajche' yom i yotsañetla ti' tejclum.

1 Samuel 17:29

David tsi' jac'ʌ: ¿Chuqui c mul? ¿Mach ba t'anic jach woliyon? che'en.