Ester 4:1 - Chol: I T’an Dios

¹ Che' yujilix Mardoqueo melbilix jini ley, tsi' tsili i pislel. Tsi' lʌpʌ coxtal. Tsi' boño i bʌ ti' tʌñil c'ajc. We'ecña ti uq'uel tsa' majli ti ojlil tejclum. Ch'ijiyem i pusic'al

Chol de Tumbalá Bible

¹ Che' yujilix Mardoqueo melbilix jini ley, tsi' tsili i pislel. Tsi' lʌpʌ coxtal. Tsi' boño i bʌ ti' tʌñil c'ajc. We'ecña ti uq'uel tsa' majli ti ojlil tejclum. Ch'ijiyem i pusic'al

Ester 4:1 Iomraidhean Croise

Genesis 27:34

Che' bʌ tsi' yubibe i t'an i tat, wen c'am tsi' cha'le uq'uel Esaú. Ch'ijiyem i pusic'al. Tsi' sube i tat: A wocolic c tat, aq'ueñon i yutslel a t'an. Aq'ueñon ja'el, che'en.

Genesis 37:34

Jacob tsi' tsili i pislel. Tsi' lʌpʌ coxtal i wenta i wex. Tsi' yuc'ta i yalobil cabʌl q'uin.

2 Samuel 1:11

Che' bʌ tsi' yubi iliyi, David tsi' jet' tsili i bujc. Che'ʌch tsi' meleyob ja'el pejtelel i winicob.

2 Samuel 13:19

Tamar tsi' ch'ʌmʌ i tʌñil c'ajc. Tsi' p'ujp'u ti' jol. Tsi' jet' tsili i bujc. Che' woli ti xʌmbal tsa' caji i ñup'ye' majlel i jol. Tsa' caji ti uq'uel majlel.

Ester 4:2

tsa' letsi majlel ti' ti' i yotot rey. Ma'anic majch tsa' mejli ti ochel ti' yotot rey che' lʌpʌl i cha'an coxtal.

Ester 4:3

Ti jujump'ejl colem tejclum baqui jach tsa' c'oti i mandar rey, tsa' ochi i ch'ijiyemlel i pusic'al judíojob che' bʌ tsi' yubiyob. Tsa' cajiyob ti ch'ajb, we'ecñayob ti uq'uel. Lamital tsa' ñoleyob ti' tʌñil c'ajc lʌpʌlob i cha'an coxtal.

Job 1:20

Tsa' wa'le Job. Tsi' tsili i bujc. Tsi' set'e i jol cha'an ch'ijiyem i pusic'al. Tsi' choco i bʌ ti lum. Tsi' ch'ujutesa Dios.

Job 2:8

Job tsi' loto i xejt'il uc'um cha'an mi' juc' loq'uel i pujwil. Tsa' buchle ba'an i tʌñil c'ajc.

Job 42:6

Jini cha'an mic ts'a'len c bʌ. Mic tsic c pusic'al cha'an c mul. Mij q'uel c bʌ ti pec'. Mic buchtan lum. Mic mujlan c bʌ ti' tʌñil c'ajc, che'en Job.

Isaias 15:4

Jini chumulo' bʌ ti Hesbón yic'ot Eleale c'am mi' cha'leñob uq'uel. Ya' tsiquil c'ʌlʌl ti Jahaza. Woliyob ti bʌq'uen jini wen ch'ejl bʌ soldadojob ti Moab. Jini cha'an mi' cha'leñob c'am bʌ oñel.

Isaias 22:4

Jini cha'an tsa cʌlʌ: Loq'uenixla tic tojlel come wolic cha'len uq'uel cha'an jisʌbilobix c pi'ʌlob. Wen ch'ijiyem c pusic'al. Mach la' lon ña'tan la' tijicñesañon, cho'on.

Isaias 37:1

Jini rey Ezequías tsi' laj ubi. Tsi' jet' tsili i bujc. Tsi' lʌpʌ coxtal che' bajche' i tilel jini ch'ijiyemo' bʌ i pusic'al. Tsa' majli ti' yotot lac Yum.

Isaias 37:2

Tsi' choco majlel jini año' bʌ ñuc bʌ i ye'tel ti' tojlel, jiñobʌch Eliaquim am bʌ ti' wenta i yotot rey, yic'ot jini secretario i c'aba' Sebna yic'ot jini ñoxobix bʌ motomajob. Tsi' chocoyob majlel ba'an jini x'alt'an Isaías (i yalobil Amoz) laj lʌpbilob i cha'an coxtal.

Isaias 58:5

¿Tsa' ba c subeyetla cha'an mi la' cha'len ch'ajb che' bajche' iliyi? ¿Uts'at ba mij q'uel che' ma' lij a bʌ che' bajche' ac', che' ma' lʌp coxtal, che' ma' wʌc' ti a pam i tinil c'ajc? ¿Jimba iliyi i q'uiñilel ch'ajb mu' bʌ c mulan? Mach jinic.

Ezequiel 21:6

Jini cha'an, i yalobil winic, cha'len uq'uel ti' ch'ijiyemlel a pusic'al ti' tojlel pejtelel pañimil.

Daniel 9:3

Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

Miqueas 1:8

Jini cha'an cabʌl mi caj c cha'len uq'uel yic'ot tsic pusic'al. Mi caj cubin quisin che' bajche' winic mach bʌ anic i wex cha'an ti' caj lac mul. C'am mij caj ti uq'uel che' bajche' mate'el ts'i' yic'ot xcuj.

Sofonias 1:14

Lʌc'ʌlix jini bʌbʌq'uen bʌ q'uin. Mach jalix mi' tilel. Wen bʌc'ñʌbil i t'an lac Yum ti jini q'uin. C'am mi' cajelob ti oñel jini ch'ejlo' bʌ.

Mateo 11:21

Mi caj la' taj wocol añet bʌ la ti Corazín. Mi caj la' taj wocol añet bʌ la ti Betsaida. Come tsa'ic mejli ñuc bʌ e'tel ti Tiro yic'ot Sidón che' bajche' tsa' mejli ba' añetla, wajalix tsi' cʌyʌyob i mul. Tsa'ic ujti bajche' jini, tsi' xojoyob pisil melbil bʌ ti' tsutsel chivo, tsi' boñoyob i bʌ ja'el ti' tʌñil c'ajc.

Hechos 14:14

Jini apóstolob, Bernabé yic'ot Pablo, tsi' tsiliyob i pislel che' bʌ tsi' yubiyob. Ti ajñel tsa' ñumiyob ba' motocñayob. Wen c'am tsi' cha'leyob t'an.

Josue 7:6

Josué yic'ot jini añobix bʌ i jabilel tsi' tsiliyob i pislel cha'an tsi' meleyob i pusic'al. Tsi' pʌcchocoyob i bʌ ti lum ya' ba'an jini Arca i cha'an bʌ lac Yum c'ʌlʌl tsa' ic'a pañimil. Tsi' p'ujp'ujyob ts'ubejn ti' jol cha'an ch'ijiyem i pusic'al.

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.