Ester 3:7 - Chol: I T’an Dios

⁷ Che' ti abril, che' ti' lajchʌmp'ejlix jab i yumʌntel jini rey Asuero, tsi' cha'leyob yajcaya ti alas cha'an mi' ña'tañob baqui ora yom ujtel chuqui tsi' ña'ta i mel Amán. Ñaxan tsa' caji' ña'tan baqui bʌ tsic, ti wi'il tsi' ña'ta jini uw, jiñʌch febrero.

Chol de Tumbalá Bible

⁷ Che' ti abril, che' ti' lajchʌmp'ejlix jab i yumʌntel jini rey Asuero, tsi' cha'leyob yajcaya ti alas cha'an mi' ña'tañob baqui ora yom ujtel chuqui tsi' ña'ta i mel Amán. Ñaxan tsa' caji' ña'tan baqui bʌ tsic, ti wi'il tsi' ña'ta jini uw, jiñʌch febrero.

Ester 3:7 Iomraidhean Croise

Esdras 4:6

Wi'il to che' bʌ tsa' caji ti yumʌl jini rey Asuero, tsi' meleyob jun cha'an mi' jop'beñob i mul jini chumulo' bʌ ti Judá yic'ot ti Jerusalén.

Esdras 6:15

Ili otot tsa' ujti ti melol che' ti 18 de febrero che' i wʌcp'ejlelix jab woli ti yumʌntel Darío.

Nehemias 2:1

Che' numenix chʌmp'ejl uw, che' ti abril, tsac ch'ʌmʌ vino. Tsa cʌq'ue i jap jini rey. Ch'ijiyemix c pusic'al cha'an c pi'ʌlob ti Jerusalén. Cojax to wʌle woli' tsictiyel ti' tojlel rey mi ch'ijiyemon.

Ester 1:3

tsi' cha'le q'uiñijel che' uxp'ejlix jab i yumʌntel. Tsi' pʌyʌ tilel jini ñuco' bʌ i ye'tel yic'ot i winicob yic'ot capitañob loq'uemo' bʌ ti Persia yic'ot ti Media. Che' bʌ ya' añob gobernadorob yic'ot wen chumulo' bʌ ti' tojlel,

Ester 2:16

Che' ti enero, che' wucp'ejlix jab i yumʌntel jini rey Asuero, tsa' pʌjyi ochel Ester ti' yotot jini rey.

Ester 9:1

Che' ti 28 de febrero, che' i yorajlelix mi' yujtel bajche' ts'ijbubil ti' mandar rey, ti jini jach bʌ q'uin che' bʌ tsi' ña'tayob i t'uchtan judíojob jini i contrajob, ma'anic tsa' mejliyob. Jini judíojob tsi' t'uchtayob i contrajob.

Ester 9:21

Tsi' subeyob cha'an mi' chʌn ña'tañob jini cojix bʌ q'uin tac ti febrero ti jujump'ejl jab.

Ester 9:5

Jini cha'an jini judíojob tsi' tsʌnsayob pejtel i contrajob yomo' bʌ i jisañob.

Proverbios 16:33

An mu' bʌ i cha'leñob yajcaya ti alas, pero jiñʌch lac Yum mu' bʌ i yajcʌbeñonla pejtel chuqui mi lac taj.

Mateo 27:35

Tsi' ch'ijiyob ti cruz. Tsi' pucbeyob i bʌ i pislel Jesús. Tsi' cha'leyob yajcaya ti alas cha'an mi' ña'tañob majqui mi caj i ch'ʌm.