Ester 3:5 - Chol: I T’an Dios

⁵ Tsa' wen mich'a Amán che' bʌ tsi' q'uele ma'anic woli' c'uchchocon i bʌ Mardoqueo, ma'anic woli' yʌq'uen cortesía.

Chol de Tumbalá Bible

⁵ Tsa' wen mich'a Amán che' bʌ tsi' q'uele ma'anic woli' c'uchchocon i bʌ Mardoqueo, ma'anic woli' yʌq'uen cortesía.

Ester 3:5 Iomraidhean Croise

Ester 1:12

Pero ma'anic tsi' jac'ʌ i pʌyol jini co'ʌl Vasti che' bʌ tsa' tiliyob jini eunucojob. Ma'anic tsi' jac'be i mandar rey. Jini cha'an tsa' mich'a jini rey. Cʌlʌx jax i mich'ajel.

Ester 3:2

Pejtel x'e'telob wa'alo' bʌ ti' ti' i yotot rey tsi' c'uchchocoyob i bʌ che' bʌ tsa' ñumi Amán. Tsi' yʌq'ueyob cortesía, come tsi' yʌc'ʌ mandar rey cha'an che'ʌch yom mi' melob. Ma'anic tsi' c'uchchoco i bʌ Mardoqueo. Ma'anic tsi' yʌq'ue cortesía.

Ester 3:4

Cabʌl q'uin tsi' yʌ'leyob Mardoqueo, pero ma'anic tsi' jac'beyob i t'an. Tsa' majliyob ba'an Amán. Tsi' subeyob bajche' woli' mel Mardoqueo cha'an mi' ña'tañob chuqui mi caj i yʌl Amán, come Mardoqueo tsa'ix i subu i bʌ ti judío.

Ester 5:9

Tijicña i pusic'al Amán tsa' loq'ui majlel. Che' bʌ tsi' q'uele Mardoqueo ti' ti' i yotot rey, cabʌl tsi' mich'le come ma'anic tsa' ch'ojyi. Ma'anic tsi' yʌq'ue cortesía.

Job 5:2

Jini tonto bʌ mi' bajñel tsʌnsan i bʌ ti mich'ajel. Jini mu' bʌ i lon mich'len i pi'ʌlob cha'an tsʌytsʌyña i pusic'al mi' bajñel jisan i bʌ.

Salmos 37:12

Jini mach bʌ anic mi' ñop Dios mi' ña'tan bajche' mi caj i tic'lan jini toj bʌ. Cʌlʌx jax mi' mich'len.

Proverbios 12:16

Ora mi' pʌs i mich'ajel jini tonto bʌ, pero jini wen bʌ i pusic'al che' jach mi' cuch.

Proverbios 19:19

Jini cʌlʌx jax bʌ mi' mich'an, wersa mi caj i toj. Lolom jach ma' ñop a mʌctan. Ñumen to mi' mich'an.

Proverbios 21:24

Xwajleyajʌch jini chan bʌ i pusic'al yujil bʌ mich'ajel. Mi' mel bajche' jach yom i pusic'al. Bajñel bʌjʌch i bʌ.

Eclesiastes 10:6

Jini tontojo' bʌ mi' yochelob ti ñuc bʌ i ye'tel. Mi' chilbeñob i ye'tel jini wen chumulo' bʌ cabʌl bʌ i ñuclel.

Daniel 3:19

Tsa' chʌc'a i wut jini rey cha'an tsa' wen mich'a cha'an i t'an ili uxtiquil winicob. Tsi' yʌc'ʌ mandar cha'an mi' xijq'uel jini c'ajc cha'an mi' lejmel wucyajl i ñumel i ticwʌlel.