Ester 3:15 - Chol: I T’an Dios

¹⁵ Jini x'ac juñob tsi' se'ñuyob majlel i bʌ cha'an i mandar rey. Tsa' pujqui jini mandar ti Susa, i tejclum rey. Tsa' caji' japob vino jini rey yic'ot Amán, pero tsa' ochi i ch'ijiyemlel i pusic'al jini chumulo' bʌ ti Susa.

Chol de Tumbalá Bible

¹⁵ Jini x'ac juñob tsi' se'ñuyob majlel i bʌ cha'an i mandar rey. Tsa' pujqui jini mandar ti Susa, i tejclum rey. Tsa' caji' japob vino jini rey yic'ot Amán, pero tsa' ochi i ch'ijiyemlel i pusic'al jini chumulo' bʌ ti Susa.

Ester 3:15 Iomraidhean Croise

Genesis 37:25

Tsa' buchleyob ti c'ux waj. Tsi' joy q'ueleyob pañimil. Tsi' q'ueleyob woli' tilelob ti Galaad junmojt ismaelob. Woli' sujtelob ti Egipto yic'ot i camello tac. Woli' cuchob majlel i ts'ʌcal i bʌl i ñʌc', yic'ot xojocña bʌ pom, yic'ot xojocña bʌ ts'ac.

1 Reyob 14:27

Roboam tsi' mele yambʌ mʌctʌjibʌl ti bronce cha'an i q'uexol. Tsi' yʌq'ueyob i yumob xcʌntayajob mu' bʌ i cʌntañob i ti' i yotot rey.

Ester 1:10

Ti' wucp'ejlel q'uin che' tijicñayix i pusic'al jini rey cha'an vino, tsi' pʌyʌ tilel wuctiquil eunucojob tsa' bʌ i cha'libeyob servir. I c'aba' eunucojob: Mehumán, Bizta, Harbona, Bigta, Abagta, Zetar yic'ot Carcas.

Ester 4:16

Cucu subeñob pejtel judíojob año' bʌ ti Susa cha'an mi' tempañob i bʌ cha'an mi' cha'leñob ch'ajb uxp'ejl q'uin yic'ot uxp'ejl ac'ʌlel cha'an mi' p'untañon Dios. Joñon quic'ot xch'oc bʌ c pi'ʌlob mi caj c cha'len lojon ch'ajb ja'el lajal bajche'etla. Che' mi cujtel ti ch'ajb mi caj c majlel ba'an rey anquese wolic ñusʌben i mandar. Mi tsi' yʌc'ʌyon ti chʌmel la'ix chʌmicon, che'en.

Ester 8:15

Tsa' loq'ui Mardoqueo ti' tojlel rey che' woliyob ti c'am bʌ t'an jini chumulo' bʌ ti Susa cha'an tijicñayob i pusic'al. Lʌpbil i cha'an Mardoqueo i pislel jini rey, jini sʌsʌc bʌ yic'ot jini yʌjyʌx bʌ. C'ʌcʌl ti' jol jini corona melbil bʌ ti oro. An i mosil i jol melbil bʌ ti lino, ts'ajbil ti chʌccolan bʌ.

Salmos 37:7

Ñʌch'chocon a bʌ ti lac Yum. Pijtan lac Yum ti' xuc'tilel a pusic'al. Mach a cha'len tsic pusic'al che' mi' p'ojlel i chubʌ'an jini mu' bʌ i mel jontolil.

Proverbios 1:16

P'ip'atax i pusic'al ti jontolil. Ora jach yomob tsʌnsa.

Proverbios 29:2

Che' mi' cha'leñob yumʌntel jini tojo' bʌ, tijicña i pusic'al winicob x'ixicob. Che' mi' cha'leñob yumʌl jini sajtemo' bʌ, wocol jax mi' yubiñob winicob x'ixicob.

Proverbios 31:4

Ubin Lemuel, i japol vino mach i cha'anic reyob. Jini lembal mach i cha'anic colem yumʌlob,

Proverbios 4:16

Come mach contentojobic mi' majlelob ti' wʌyib jinto mi' yujtelob i mel jontolil. Mach mejlicob ti wʌyel jinto mi' techbeñob i ch'ijiyemlel yaño' bʌ.

Oseas 7:5

Che' ti' q'uinilel jini rey, jini yumʌlob mi' yʌc'añob yic'ot jini rey. Tonto mi' sujtelob. Mi' temob i t'an yic'ot jini mu' bʌ i wajleñob.

Amos 6:6

Cabʌl mi la' jap vino ti colem taza tac mu' bʌ i c'ʌjñel cha'an i majtan Dios. Mi la' bon la' bʌ ti aceite yic'ot perfume ti' tijicñʌyel la' pusic'al. Pero ma'anic mi la' p'untan la' pi'ʌlob woliyo' bʌ ti wocol.

Juan 16:20

Isujm, isujm mic subeñetla: Jatetla mi caj la' cha'len uq'uel, mi caj la' mel la' pusic'al. Jini año' bʌ ti pañimil tijicña mi caj i yubiñob. Jatetla ch'ijyem jax mi caj la' wubin. Ti wi'il mi caj i q'uextʌyel i ch'ijiyemlel la' pusic'al ti' tijicñʌyel.

Apocalipsis 11:10

Tijicñayob i pusic'al jini chumulo' bʌ ti pañimil ti' tojlelob. Mi' q'uextʌbeñob i bʌ i majtan, come ñucob i pusic'al cha'an tsa' jiliyob jini cha'tiquil, come tsi' tic'layob jini chumulo' bʌ ti pañimil.