Ester 3:13 - Chol: I T’an Dios

¹³ Tsi' choco majlel jun ti' c'ʌb x'ac' juñob ti pejtelel colem tejclum ti' yumʌntel rey cha'an mi' jisañob judíojob, jini ñoxobix bʌ yic'ot ch'itoñob to bʌ, x'ixicob yic'ot alp'eñelob, ti jump'ejl jach q'uin, ti 28 de febrero ti yambʌ jab, cha'an mi' chilbeñob i chubʌ'an ja'el.

Chol de Tumbalá Bible

¹³ Tsi' choco majlel jun ti' c'ʌb x'ac' juñob ti pejtelel colem tejclum ti' yumʌntel rey cha'an mi' jisañob judíojob, jini ñoxobix bʌ yic'ot ch'itoñob to bʌ, x'ixicob yic'ot alp'eñelob, ti jump'ejl jach q'uin, ti 28 de febrero ti yambʌ jab, cha'an mi' chilbeñob i chubʌ'an ja'el.

Ester 3:13 Iomraidhean Croise

2 Cronicas 30:6

Jini cha'an tsa' majliyob jini x'ac'juñob i yʌc'ob jini jun ti pejtelel Israel yic'ot ti Judá che' bajche' tsi' ña'ta jini rey yic'ot x'e'telob i cha'an. Tsi' yʌlʌ ti jun: Israelob, cha' sutq'uin la' bʌ ti lac Yum i Dios Abraham yic'ot Isaac yic'ot Israel, cha'an mi' cha' uts'an i pusic'al ti' tojlel i colojbal israelob tsa' bʌ cʌleyob che' bʌ tsa' ñumi jini rey ti Asiria.

Ester 7:4

Come chombilonix lojon, joñon quic'ot c pi'ʌlob jini judíojob, cha'an mic chʌmel lojon. Mux c tsʌnsʌntel lojon. Mux c junyajlel jilel lojon. Tsa'ic jach i choñoyon lojon ti majtan e'tel cha'an mi cubin lojon wocol quic'ot pejtel c pi'ʌlob, ma'anic chuqui tsaj c'ajtibeyet, come mi mejlel j cuch lojon. Pero jatet ja'el mi caj a wubin wocol mi tsa' jiliyob judíojob, che'en.

Ester 9:1

Che' ti 28 de febrero, che' i yorajlelix mi' yujtel bajche' ts'ijbubil ti' mandar rey, ti jini jach bʌ q'uin che' bʌ tsi' ña'tayob i t'uchtan judíojob jini i contrajob, ma'anic tsa' mejliyob. Jini judíojob tsi' t'uchtayob i contrajob.

Ester 9:10

Jini lujuntiquil winicob i yalobilobʌch Amán (i yalobil bʌ Hamedata) i contrajʌch judíojob. Jini judíojob tsi' laj jisayob i contrajob, pero ma'anic tsi' ch'ʌmbeyob i lum yic'ot i chubʌ'an.

Ester 9:5

Jini cha'an jini judíojob tsi' tsʌnsayob pejtel i contrajob yomo' bʌ i jisañob.

Job 9:25

Ti ajñel wolic ñumel ti pañimil che' bajche' caballo yujil bʌ ajñel. Tsa'ix puts'i c jabilel ti cabʌl wocol.

Jeremias 51:31

Tal ti ajñel jini xq'uel tejclum cha'an mi' suben yambʌ cha'an joyolix jini tejclum. Mi' jelob i bʌ ti ajñel jini suboñelob cha'an mi' majlelob i subeñob jini rey ti Babilonia.

Romanos 3:15

Ajñel mi' majlelob i tsʌnsañob i pi'ʌlob.

Santiago 2:13

Jini mach bʌ yujilic p'untaya, ma'anic mi caj i p'untʌntel ti' yorajlel meloñel. Jini yujil bʌ p'untaya tijicña mi caj i yubin che' ti' yorajlel meloñel.

1 Samuel 15:3

Jini cha'an yomix ma' majlel a tsʌnsan jini amalecob. Jisan pejtelel chuqui añob i cha'an. Mach ma' wis p'untañob mi winicob mi x'ixicob, mi alʌlob anquese woliyob to ti chu', mi wacax, mi tiñʌme', mi camello, mi burro. Laj jisañob”, che'en.

1 Samuel 22:19

Tsi' yʌc'ʌ ti jisʌntel Nob i tejclum jini motomaj. Tsi' tsʌnsa ti espada pejtelel jini winicob yic'ot x'ixicob yic'ot alʌlob yic'ot jini woliyob to bʌ ti chu', yic'ot wacax, yic'ot burro, yic'ot tiñʌme'.