Ester 3:12 - Chol: I T’an Dios

¹² Che' ñumenix cha'p'ejl uxp'ejl semana, tsa' pʌjyiyob tilel sts'ijbayajob cha'an mi' yotsañob ti jun jini mandar che' bajche' i tilel mi' cha'leñob ts'ijb ti' t'an tac jujump'ejl colem tejclum, cha'an mi' q'uelob pejtel ñuco' bʌ i ye'tel yic'ot gobernadorob yic'ot yumʌlob. Tsi' yʌc'ʌ ti ts'ijbuntel Amán; tsi' yotsʌbe i c'aba' jini rey Asuero. Tsi' ñotbe i sellojlel am bʌ ti' mʌtc'ʌb rey.

Chol de Tumbalá Bible

¹² Che' ñumeñix cha'p'ejl uxp'ejl semana, tsa' pʌjyiyob tilel sts'ijbayajob cha'an mi' yotsañob ti jun jini mandar che' bajche' i tilel mi' cha'leñob ts'ijb ti' t'an tac jujump'ejl colem tejclum, cha'an mi' q'uelob pejtel ñuco' bʌ i ye'tel yic'ot gobernadorob yic'ot yumʌlob. Tsi' yʌc'ʌ ti ts'ijbuntel Amán; tsi' yotsʌbe i c'aba' jini rey Asuero. Tsi' ñotbe i sellojlel am bʌ ti' mʌtc'ʌb rey.

Ester 3:12 Iomraidhean Croise

1 Reyob 21:8

I yijñam Acab tsi' mele jump'ejl carta ti' c'aba' Acab i ñoxi'al. Tsi' yʌq'ue i sellojlel. Che' jini tsi' choco majlel jini carta ba'an jini xñoxob yic'ot año' bʌ i ye'tel ya' ti' tejclum Nabot.

Esdras 8:36

Che' ja'el tsi' ch'ʌmʌyob majlel i mandar tac rey ba' añob jini año' bʌ i ye'tel an tac bʌ ti' wenta pejtelel jini lum am bʌ ti junwejl ja' i c'aba' Eufrates ba' mi' bʌjlel q'uin. Jini año' bʌ i ye'tel tsi' jac'ʌyob jini mandar. Tsi' coltayob winicob cha'an mi' wen melob i Templo Dios.

Ester 1:22

Tsi' choco majlel jun ti pejtelel i yumʌntel. Tsi' yʌc'ʌ ti ts'ijbuntel ti jujump'ejl tejclum che' bajche' yujilob ts'ijb. Tsi' cha'le mandar cha'an mi' yumʌntelob winicob ti' tojlel i pi'ʌlob año' bʌ ti' yotot. Tsi' yʌc'ʌ ti pam pujquel jini mandar ti jujunchajp bʌ i t'an winicob.

Ester 3:11

Jini rey tsi' sube: A cha'añʌch a taq'uin yic'ot ili winicob x'ixicob ja'el. Mi cʌc'ob ti a wenta cha'an ma' mel bajche' jach yom a pusic'al, che'en.

Ester 8:2

Cha' lʌpʌlix i cha'an rey i mʌtc'ʌb am bʌ i sello rey tsa' bʌ i yʌq'ue i lʌp Amán ti yambʌ ora. Tsi' loc'sa. Tsi' yʌq'ue Mardoqueo. Ester tsi' yotsa ti' wenta Mardoqueo pejtel i pi'ʌlob Amán yic'ot i chubʌ'an Amán.

Ester 9:27

Jini cha'an tsi' cha'leyob mandar cha'an mi' chʌn melob ili q'uin i p'olbal judíojob ti pejtelel ora cha'an mi' chʌn ña'tañob chuqui tsa' ujti ti' tojlel i tatob. Wersa mi' melob q'uin cha'p'ejl q'uin ti jini jach bʌ tsic ti jujump'ejl jab che' bajche' ts'ijbubil. Mach yomic mi' cʌyob i mel.

Daniel 6:12

Jini cha'an tsa' majliyob ti ora ba'an jini rey. Tsi' c'ajtesʌbeyob jini mandar tsa' bʌ poj ujti i mel. Tsi' subeyob: ¿Mach ba anic tsa' wotsa a firma ti jini mandar? “Lujump'ejl i cha'c'al q'uin la' i cʌyob i pejcañob i dios pejtel winicob. Mi an chuqui yomob, la' i c'ajtibeñet. Mi an majch mi' ñusan ili mandar, la' chojquic ochel ti' ch'eñal bajlum”. ¿Mach ba che'ic melbil? che'ob. Jini rey tsi' jac'ʌ: Che' cuyi. La' mejlic che' bajche' ts'ijbubil, come xuc'ul mi' yajñel i mandar jini medojob yic'ot persiajob. Mach mejlic ti jejmel, che'en.

Daniel 6:15

Pero jini winicob tsi' chʌn xiq'uiyob. Tsi' yʌlʌyob: Rey, ña'tan xuc'ul mi' yajñel i mandar medojob yic'ot persiajob. Melbilix jini mandar. Tsa' wotsa a firma. Mach mejlic ti jejmel, che'ob.

Daniel 6:25

Jini rey Darío tsi' ts'ijba jun. Tsi' choco majlel ti pejtelel i lumal, ti jujump'ejl tejclum tac ba' yujilob t'an ti chajp ti chajp. Tsi' subeyob: La' p'ojlic i ñʌch'tilel la' pusic'al. Joñon mic sub ti mandar, yom mi la' bʌc'ñan i Dios Daniel ti pejtelel c yumʌntel. Yom mi la' p'is ti wenta, come jiñʌch Cuxul bʌ Dios mu' bʌ i yajñel ti pejtelel ora. Ma'anic mi caj i jilel i yumʌntel. Mi' yajñel i p'ʌtʌlel ti pejtelel ora.

Daniel 6:8

Yomix ma' mel jini mandar. Yom ma' wotsan a firma cha'an mach mejlic ti q'uextʌyel, come mach mejlic ti jejmel i mandar medojob yic'ot persiajob che' melbilix, che'ob.