Ester 3:1 - Chol: I T’an Dios

¹ Che' ujtemix jini, jini rey Asuero tsi' yʌq'ue ñumen ñuc bʌ i ye'tel Amán i yalobil Hamedata i p'olbal bʌ Agag. Tsi' buchchoco ti' t'ejl ya' ti' tojlel pejtel ñuco' bʌ i ye'tel.

Chol de Tumbalá Bible

¹ Che' ujtemix jini, jini rey Asuero tsi' yʌq'ue ñumen ñuc bʌ i ye'tel Amán i yalobil Hamedata i p'olbal bʌ Agag. Tsi' buchchoco ti' t'ejl ya' ti' tojlel pejtel ñuco' bʌ i ye'tel.

Ester 3:1 Iomraidhean Croise

Genesis 41:40

Mi caj a yumʌntel ti cotot. Mux i melob che' bajche' ma' wʌl pejtelel winicob x'ixicob tic lumal. Cojach tic buchlib ba' mic cha'len que'tel ñumen ñucon bajche jatet.

Genesis 41:55

Che' bʌ tsi' yubiyob wi'ñal jini winicob x'ixicob, tsi' c'ajtibeyob waj Faraón. Tsi' subeyob: Cucula ba'an José. Jac'benla chuqui mi' subeñetla, che'en.

Esdras 7:14

Joñon quic'ot jini wuctiquil caj toj'esayajob, wolic subeñet lojon cha'an ma' ch'ʌm majlel i juñilel i mandar Dios. Yom ma' q'uel mi woli' melob jini año' bʌ ti Jerusalén yic'ot ti Judá che' bajche' ts'ijbubil cha'an Dios.

Ester 1:14

Wuctiquilob jini winicob buchulo' bʌ ti' t'ejl rey. Ch'oyolob ti Persia yic'ot Media. I c'aba'ob: Carsena, Setar, Admata, Tarsis, Meres, Marsena yic'ot Memucán. Tsa' mejli i q'uelbeñob i wut rey, come jiñobʌch ñuco' bʌ i ye'tel ti' yumʌntel.

Ester 3:10

Jini cha'an jini rey tsi' loc'sa i mʌtc'ʌb am bʌ i ts'ijbal i cha'an rey. Tsi' yʌq'ue Amán i yalobil Hamedata i p'olbal bʌ Agag. Jini Amán i contrajʌch judíojob.

Ester 5:11

Tsi' subeyob pejtel i ñuclel. Ñuc tsi' q'uele i bʌ cha'an cabʌl i chubʌ'an yic'ot i yalobilob yic'ot i c'uxbintel ti' tojlel rey, come jini rey tsi' yʌq'ue jini ñaxan bʌ buchlibʌl cha'an mi' yumʌntel ti' tojlel pejtel ñuco' bʌ i ye'tel.

Ester 7:6

Ester tsi' jac'ʌ: Umba'an laj contra yom bʌ i jisañonla, jiñʌch Amán, che'en. Wen tsiltsilña Amán ti' tojlel jini rey yic'ot i pi'ʌl rey.

Ester 8:3

Ester tsa' cha' caji' pejcan jini rey. Tsi' choco jubel i bʌ ti' yoc. Woli ti uq'uel che' bʌ tsi' c'ajtibe ti wocol t'an cha'an mi' mʌctan jini wocol tsa' bʌ i ña'ta i melbeñob Amán, i p'olbal bʌ Agag, che' bʌ tsi' yʌc'ʌ mandar cha'an mi' tsʌnsʌntelob jini judíojob.

Salmos 12:8

Jini jontolo' bʌ mi' chañ'esañob i bʌ ti lac joytilel Che' woliyob ti yumʌl jini mu' bʌ i mulañob jontolil.

Proverbios 29:2

Che' mi' cha'leñob yumʌntel jini tojo' bʌ, tijicña i pusic'al winicob x'ixicob. Che' mi' cha'leñob yumʌl jini sajtemo' bʌ, wocol jax mi' yubiñob winicob x'ixicob.

Eclesiastes 10:6

Jini tontojo' bʌ mi' yochelob ti ñuc bʌ i ye'tel. Mi' chilbeñob i ye'tel jini wen chumulo' bʌ cabʌl bʌ i ñuclel.

Daniel 6:2

Tsi' yʌc'ʌyob ti' wenta uxtiquil xq'uel e'telob cha'an mi' melob i ye'tel bajche' yom, cha'an ma'anic mi' tejchel wocol ti' tojlel jini rey. Juntiquil xq'uel e'tel jiñʌch Daniel.

Numeros 24:7

Ma'anic mi caj i tiquin i ya'lel. Mux i tilel i yum, ñumen p'ʌtʌl bʌ che' bajche' Agag. Mi caj i yutsi p'ojlel i yumʌntel ti pejtelel pañimil.

1 Samuel 15:33

Samuel tsi' yʌlʌ: Che' bajche' tsa' tsʌnsa winicob cha'an mi' sujtelob ti meba' i ña'ob, che' ja'el mic tsʌnsañet wʌle. Meba'ix mi caj i cʌytʌl a ña', ma'anix i yalobil, che'en. Che' jini Samuel tsi' bic'ti tsepe Agag ti' tojlel lac Yum ya' ti Gilgal.

1 Samuel 15:8

Saúl tsi' chucu Agag i rey amalecob. Cuxul to tsi' cʌchʌ. Tsi' laj jisayob i contrajob, winicob yic'ot x'ixicob.