Ester 2:14 - Chol: I T’an Dios

¹⁴ Che' ti ic'ajel tsa' majli juntiquil ti' yotot jini rey Asuero. Che' ti sʌc'ajel tsa' sujti ti' jini cha'p'ejlel bʌ i yotot x'ixicob am bʌ ti' wenta jini eunuco i c'aba' Saasgaz tsa' bʌ i cʌntʌbe i yixicob rey. Ma'anix tsa' chʌn ochi ba'an rey mi mach pʌybilic ti' c'aba'. Jini jach tsi' c'ajti tilel jini tsa' bʌ i mula. I tilel che'ʌch tsi' meleyob.

Chol de Tumbalá Bible

¹⁴ Che' ti ic'ajel tsa' majli juntiquil ti' yotot jini rey Asuero. Che' ti sʌc'ajel tsa' sujti ti' jini cha'p'ejlel bʌ i yotot x'ixicob am bʌ ti' wenta jini eunuco i c'aba' Saasgaz tsa' bʌ i cʌntʌbe i yixicob rey. Ma'anix tsa' chʌn ochi ba'an rey mi mach pʌybilic ti' c'aba'. Jini jach tsi' c'ajti tilel jini tsa' bʌ i mula. I tilel che'ʌch tsi' meleyob.

Ester 2:14 Iomraidhean Croise

Genesis 34:19

Jini ch'iton tsi' bʌc' mele iliyi, come tsi' mula i yalobil Jacob. Ñumen ñuc tsa' q'uejli jini ch'iton ti' yotot i tat bajche' i pi'ʌlob.

Ester 2:13

Che' bʌ tsa' ochiyob ba'an rey, tsa' aq'uentiyob ti' majtan chuqui tac jach tsi' mulayob ti' yotot x'ixicob cha'an mi' ch'ʌmob majlel ti' yotot rey.

Ester 2:15

Che' i yorajlelix mi' yochel Ester ba'an rey, ma'anic chuqui tsi' c'ajti ti' majtan, jini jach chuqui tsi' sube Hegai cha'an mi' ch'ʌm majlel. Ester, i yalobilʌch Abihail. Abihail jiñʌch i yumijel Mardoqueo tsa' bʌ i pʌyʌ Ester ti' yalobil. C'uxbibil Ester ti pejtelel i cʌñʌyo' bʌ.

Ester 4:11

“Yujilob pejtelel x'e'telob i cha'an rey ti pejtelel pañimil, tic'bil mi la cochel ba' buchul rey ti mal i yotot che' mach pʌybilonicla tilel. Mi tsa' ochi juntiquil che' mach pʌybilic, woli' ñusan ley. Wersa mi' chʌmel majqui jach mi' ñusan jini ley. Cojach jini p'untʌbil bʌ ti rey mi' caj ti cuxtiyel mi tsi' sʌts'ʌ i c'ʌb jini rey che' chucul i cha'an jini te' melbil bʌ ti oro, i yejtal bʌ i p'ʌtʌlel. Che' jini cuxul mi' yajñel”. Che'ʌch yom ma' suben. Jixcu joñon, lujump'ejl i cha'c'alix q'uin mach pʌybilonic ochel ba'an jini rey, che'en Ester.

Isaias 43:1

Pero wʌle woli' yʌl lac Yum tsa' bʌ i mele Jacob: Mach a cha'len bʌq'uen Israel, come joñon tsac mʌñʌyet. Tsa cotsʌbeyet a c'aba'. C cha'añet.

Isaias 45:4

Cha'an c'ux mi cubin c winic Jacob (jini c winic Israel), jini cha'an tsac wa'chocoyet ti ili e'tel. Tsac pʌyʌyet ti a c'aba'. Tsa cʌq'ueyet a p'ʌtʌlel ti yumʌl anquese mach a cʌñʌyonic. Che' jini mi caj j coltan Israel tsa' bʌ c yajca.

Deuteronomio 21:14

Mi tsa' caji a ts'a'len, la' loq'uic majlel baqui jach yom. Mach yomic ma' chon ti taq'uin. Mach yomic ma' wotsan cha'an a mozo, come tsa'ix a pi'le.