Ester 10:3 - Chol: I T’an Dios

³ Come wen ñuc Mardoqueo, jini judío. Jini jach rey ñumen ñuc. Wen ñucʌch ti' tojlel judíojob. C'uxbibil ti bajc'ʌl i pi'ʌlob, come tsi' sʌclʌbeyob i wenlel. Tsi' wen pejcayob cha'an mi' ñʌch'chocobeñob i pusic'al ti pejtelob.

Chol de Tumbalá Bible

³ Come wen ñuc Mardoqueo, jini judío. Jini jach rey ñumen ñuc. Wen ñucʌch ti' tojlel judíojob. C'uxbibil ti bajc'ʌl i pi'ʌlob, come tsi' sʌclʌbeyob i wenlel. Tsi' wen pejcayob cha'an mi' ñʌch'chocobeñob i pusic'al ti pejtelob.

Ester 10:3 Iomraidhean Croise

Genesis 41:40

Mi caj a yumʌntel ti cotot. Mux i melob che' bajche' ma' wʌl pejtelel winicob x'ixicob tic lumal. Cojach tic buchlib ba' mic cha'len que'tel ñumen ñucon bajche jatet.

Genesis 45:10

Mux caj a chumtʌl ti lum i c'aba' Gosén. Mi caj a wajñel lʌc'ʌl ba' añon, jatet yic'ot a walobilob yic'ot a buts, yic'ot a tiñʌme' yic'ot a wʌlac' yic'ot pejtel a chubʌ'an.

Genesis 45:11

Wʌ' mi caj c we'sañet wʌ'i cha'an ma'anic ma' wochel ti pobre, jatet yic'ot jini año' bʌ ti a wotot, yic'ot a chubʌ'an, come jo'p'ejl to jab an wi'ñal, che'en a walobil”. Che' yom mi la' suben c tat, che'en José.

2 Cronicas 28:7

Juntiquil ch'ejl bʌ winic ch'oyol bʌ ti Efraín, i c'aba' Zicri, tsi' tsʌnsa Maasías (i yalobil jini rey) yic'ot Azricam i yaj q'uel e'tel, yic'ot Elcana jini ñoj ñuc bʌ x'etel i cha'an rey.

Nehemias 2:10

Che' bʌ tsa' juliyon, tsi' yubiyob Sanbalat jini horon yic'ot Tobías i winic. I p'olbalʌch Amon jini Tobías. Tsi' wen meleyob i pusic'al cha'an tilemix winic yom bʌ i coltan jini israelob.

Ester 2:5

Ya'an judío i c'aba' Mardoqueo ya' ti Susa, jini ñuc bʌ tejclum. Mardoqueo i yalobilʌch Jair, i yalobil bʌ Simei. Jini Simei i yalobilʌch Cis, i yalobil bʌ Benjamín.

Ester 3:2

Pejtel x'e'telob wa'alo' bʌ ti' ti' i yotot rey tsi' c'uchchocoyob i bʌ che' bʌ tsa' ñumi Amán. Tsi' yʌq'ueyob cortesía, come tsi' yʌc'ʌ mandar rey cha'an che'ʌch yom mi' melob. Ma'anic tsi' c'uchchoco i bʌ Mardoqueo. Ma'anic tsi' yʌq'ue cortesía.

Daniel 5:16

Tsa cubi mi mejlel a tsictesan i sujmlel jini mucul tac bʌ. Mi mejlel a toj'esan chuqui wocol tac ti toj'esʌntel. Mi awujil a q'uelbeñon jini ts'ijbubil bʌ cha'an ma' tsictesʌbeñon i sujmlel, mi caj cʌq'ueñet a lʌp wen i t'ojol jax bʌ a bujc, yic'ot ujʌl melbil bʌ ti oro. Mi caj cʌq'ueñet a we'tel lʌc'ʌl tic t'ejl, che'en.

Daniel 5:29

Jini rey Belsasar tsi' subu cha'an mi' yʌq'uentel i majtan Daniel. Tsa' aq'uenti i lʌp i t'ojol jax bʌ i bujc yic'ot ujʌl melbil bʌ ti oro. Tsa' aq'uenti ñuc bʌ i ye'tel lʌc'ʌl ti' t'ejl jini rey.

Daniel 6:3

Ñumen ñuc tsa' q'uejli ti' tojlel pejtel jini gobernadorob yic'ot jini cha'tiquil i pi'ʌlob ti e'tel, come wen yujil e'tel. Jini cha'an jini rey woli' ña'tan i wa'chocon Daniel ti' yum pejtelel jini gobernadorob año' bʌ ti jujump'ejl tejclum.

Romanos 10:1

Quermanojob, mij c'ajtiben Dios ti oración cha'an mi' coltʌntelob israelob. Jiñʌch com bʌ ti pejtelel c pusic'al.

Romanos 14:18

Jini mu' bʌ i taj i c'ʌjñibal ti Espíritu cha'an mi' melben i ye'tel Cristo, mi' q'uejlel ti uts'at ti' wut Dios yic'ot ti' wut winicob.

1 Samuel 18:16

Pejtelel israelob yic'ot jini año' bʌ ti Judá wen c'ux tsa' caji' yubiñob David, come ñaxan tsa' majli ti' tojel soldadojob che' bʌ tsi' pʌyʌyob majlel ti guerra.

1 Samuel 23:17

Tsi' sube: Mach a cha'len bʌq'uen, come ma'anic mi caj i tajet Saúl jini c tat. Jatet mi caj a wochel ti yumʌl ti' tojlel Israel. Joñon mi caj cochel ti a waj coltaya. Jini c tat Saúl yujilix iliyi, che'en.