Ester 1:6 - Chol: I T’an Dios

⁶ Ya' sʌts'ʌl lazo ba' liquil sʌsʌc bʌ pisil tʌc'ʌl yic'ot yʌjyʌx bʌ pisil i wenta lejchempat. An pisil bʌ tsalʌl. Joc'ol pisil ti xotol tac bʌ plata jucbil bʌ ochel ya' ti lazo. Jini lazo jiñʌch bʌch'bil bʌ lino wen fino bʌ, ts'ajbil bʌ ti chʌccolan bʌ. I yoyel i yotot rey ya' ba' cʌchʌl lazo, jiñʌch i t'ojol jax bʌ xajlel, i c'aba' mármol. Q'uiy tʌsbil ya' ti lum an ts'ʌylaw bʌ xajlel ti chajp ti chajp: pórfido yic'ot mármol yic'ot perla yic'ot yan tac bʌ xajlel letsem bʌ i tojol. Ya' cotchocobil ch'ac melbil bʌ ti oro yic'ot ti plata.

Chol de Tumbalá Bible

⁶ Ya' sʌts'ʌl lazo ba' liquil sʌsʌc bʌ pisil tʌc'ʌl yic'ot yʌjyʌx bʌ pisil i wenta lejchempat*. An pisil bʌ tsalʌl. Joc'ol pisil ti xotol tac bʌ plata jucbil bʌ ochel ya' ti lazo. Jini lazo jiñʌch bʌch'bil bʌ lino wen fino bʌ, ts'ajbil bʌ ti chʌccolan bʌ. I yoyel i yotot rey ya' ba' cʌchʌl lazo, jiñʌch i t'ojol jax bʌ xajlel, i c'aba' mármol. Q'uiy tʌsbil ya' ti lum an ts'ʌylaw bʌ xajlel ti chajp ti chajp: pórfido yic'ot mármol yic'ot perla yic'ot yan tac bʌ xajlel letsem bʌ i tojol. Ya' cotchocobil ch'ac melbil bʌ ti oro yic'ot ti plata.

Ester 1:6 Iomraidhean Croise

Ester 7:8

Jini rey tsi' cʌyʌ pʌc'ʌbʌl. Tsa' sujti ti mal otot ba' tsi' cha'leyob q'uiñijel. Tsi' q'uele woli ti yajlel Amán ti' yoc jini ch'ac ba' ñʌcʌl Ester. Tsi' yʌlʌ jini rey: ¿Yom ba i pi'len c pi'ʌl tic tojlel ti cotot? che'en. Che' bʌ woli to ti t'an rey, jini x'e'telob tsi' mosbeyob i wut Amán.

Ester 8:15

Tsa' loq'ui Mardoqueo ti' tojlel rey che' woliyob ti c'am bʌ t'an jini chumulo' bʌ ti Susa cha'an tijicñayob i pusic'al. Lʌpbil i cha'an Mardoqueo i pislel jini rey, jini sʌsʌc bʌ yic'ot jini yʌjyʌx bʌ. C'ʌcʌl ti' jol jini corona melbil bʌ ti oro. An i mosil i jol melbil bʌ ti lino, ts'ajbil ti chʌccolan bʌ.

Exodo 26:1

Woli' chʌn al lac Yum: Che' mi la' mel jini Tabernáculo, jini pisil bʌ otot, yom mi la' c'ʌn lujumpajc lino bʌ pisil, wen uts'at bʌ jalbil, yʌjyʌx bʌ yic'ot chʌccojan bʌ yic'ot chʌchʌc bʌ. Yom jalbil ja'el i yejtal ángelob. Wen melbil yom. Chʌnlujump'ejl (14) metro yom i tamlel jini cortina. Cha'p'ejl metro yom ti' xujc. Yom lajal i ñuclel ti jujump'ejl jini cortina.

Ezequiel 23:41

Che' jini tsa' buchleyet ti ch'ac ya' ti' t'ejl jini mesa ba' tsa' wʌc'ʌ jini pom yic'ot jini aceite c cha'an.

Amos 2:8

Ya' ti' t'ejl pejtel pulʌntib mi' ñoltʌlob ba' tajsibil i pislel tsa' bʌ i ch'ʌmʌyob ti prenda. Ti' yotot Dios mi' japob vino tsa' bʌ i ch'ʌmʌyob cha'an multa.

Amos 3:12

Lac Yum tsa' cha' caji' yʌl: Jini israelob chumulo' bʌ ti Samaria wocol mi caj i loq'uelob ya'i. Che' bajche' xcʌnta tiñʌme' mi' loc'sʌben ti' yej bajlum cha'ts'ijt i bʌquel tiñʌme' yic'ot i ñi'il jach i chiquin, che' ja'el mi caj i coltʌntelob israelob. Jini jach i xujt'il i chubʌ'an mi caj i cʌybentelob.

Amos 6:4

Mi la' ñoltʌl ti ch'ac melbil bʌ ti marfil. Jal mi la' c'aj la' wo ti la' wʌyib. Mi la' c'ux yajcʌbil bʌ tiñʌme' yic'ot jujp'em bʌ alʌ wacax.

1 Samuel 28:23

Pero ma'anic tsi' jac'ʌ i c'ux. Jini i winicob yic'ot jini x'ixic tsa' caji i xic'beñob jinto tsi' jac'beyob. Tsa' ch'ojyi. Tsa' buchle ti' wʌyibʌl.