Ester 1:4 - Chol: I T’an Dios

⁴ jini rey tsi' pʌsbeyob i ñuclel i yumʌntel yic'ot bajche' c'amel an i chubʌ'an letsem bʌ i tojol yic'ot i t'ojol jax bʌ i bujc yic'ot pejtel i ñuclel. Tsi' cha'leyob q'uiñijel bolonc'al q'uin.

Chol de Tumbalá Bible

⁴ jini rey tsi' pʌsbeyob i ñuclel i yumʌntel yic'ot bajche' c'amel an i chubʌ'an letsem bʌ i tojol yic'ot i t'ojol jax bʌ i bujc yic'ot pejtel i ñuclel. Tsi' cha'leyob q'uiñijel bolonc'al q'uin.

Ester 1:4 Iomraidhean Croise

1 Cronicas 29:25

Lac Yum tsa' caji i wen coltan jini Salomón. Pejtelel jini israelob tsi' wen p'isiyob ti wenta. Ñumen ñuc tsa' q'uejli che' bajche' i tat.

Ester 1:3

tsi' cha'le q'uiñijel che' uxp'ejlix jab i yumʌntel. Tsi' pʌyʌ tilel jini ñuco' bʌ i ye'tel yic'ot i winicob yic'ot capitañob loq'uemo' bʌ ti Persia yic'ot ti Media. Che' bʌ ya' añob gobernadorob yic'ot wen chumulo' bʌ ti' tojlel,

Ester 1:5

Che' ujtemix jini q'uiñijel, jini rey tsi' melbeyob q'uin cha'an pejtel chumulo' bʌ ti Susa, jini ñuc bʌ tejclum ya' ba'an i yotot rey. Tsi' laj pʌyʌ tilel jini wen chumulo' bʌ yic'ot p'ump'uño' bʌ. Wucp'ejl q'uin tsi' cha'leyob q'uiñijel ti pam i yotot rey ya' ba'an pʌc'ʌbʌl.

Job 40:10

Pʌsʌ a bʌ ti ñuc che' bajche' rey mu' bʌ i yumañob winicob. Tsictesan a ñuclel cha'an mi' wersa jac'ob a mandar.

Salmos 145:5

Mi caj c chʌn ña'tan i t'ojol jax ba' buchulet ti ñuc bʌ a we'tel. Uts'atax a melbal.

Salmos 21:5

Cha'an ti a coltaya cabʌlʌch i ñuclel. Wola' wʌq'uen i c'uxbintel yic'ot i ñuclel.

Salmos 45:3

Cʌchʌ ti a ñʌc' a wespada. C'ax p'ʌtʌlet, pʌsʌ i ñuclel a yumʌntel.

Salmos 93:1

C Yum wola' cha'len a yumʌntel. I t'ojol jax a ñuclel. Che' bajche' mi lac xoj lac bujc, xojol a cha'an a p'ʌtʌlel. Tsa' wen wa'choco jini pañimil. Ma'anic mi' ñijcʌyel.

Isaias 39:2

Che' bʌ tsa' c'otiyob, wen tijicña tsa' caji' yubin Ezequías. Tsa' caji' laj pʌsbeñob i chubʌ'an, pejtel jini oro yic'ot plata yic'ot xojocña bʌ ts'ac yic'ot aceite wen fino bʌ yic'ot i yotlel jini e'tijibʌl cha'an guerra yic'ot pejtelel chuqui tac lotol ti jini otot. Ma'anic chuqui lotol ti' yotot yic'ot ti' yumʌntel mach bʌ anic tsi' pʌsʌ.

Ezequiel 28:5

Cha'an mañajet ti trato tsa' mejli a tempan cabʌl a chubʌ'an. Che' bʌ tsa' oñ'a a chubʌ'an, tsa' chañ'esa a bʌ.

Daniel 4:30

tsa' caji i yʌl: ¡Q'uelela wen ñuc Babilonia! Joñon tsac mele ili ñuc bʌ tejclum ba' chumulon tic yumʌntel cha'an mi' cʌjñel c p'ʌtʌlel yic'ot c ñuclel ti pejtelel pañimil, che'en.

Daniel 4:36

Ti jimbʌ ora tsa' cha' wen'ayon. Tsa' cha' aq'uentiyon c yumʌntel yic'ot c ñuclel. Jini gobernadorob yic'ot ñuc bʌ yumʌlob año' bʌ tic wenta tsi' sʌclayoñob. Tsa' cha' wa'chocontiyon ti rey. Ñumen tsa' aq'uentiyon c ñuclel che' bajche' ti ñaxan.

Daniel 5:18

Jini Dios am bʌ ti Chan tsi' yʌq'ue i yumʌntel yic'ot i ñuclel yic'ot i p'ʌtʌlel a tatuch Nabucodonosor.

Mateo 4:8

Ti wi'il jini xiba tsi' pʌyʌ majlel ti wen chan bʌ wits. Tsi' laj pʌsbe pejtelel i yumʌntel tac jini yumʌlob ti pañimil yic'ot i ñuclel.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

Romanos 9:23

Wen jal tsi' cuchbeyob i mul cha'an mi' yʌc' ti tsictiyel pejtelel i ñuclel ti' tojlel jini p'untʌbilo' bʌ i cha'an, yajcʌbilo' bʌ cha'an mi' tajob i ñuclel.

Efesios 1:18

La' i yʌq'ueñet la' ch'ʌmben isujm chuqui woli la' pijtan, come jini cha'an tsi' pʌyʌyetla cha'an mi la' cʌn jini uts'at tac bʌ mu' bʌ caj i yʌq'uen i cha'año' bʌ.

Colosenses 1:27

Dios yom i yʌc' ti cʌjñel ti' tojlel pejtelel winicob x'ixicob jini c'ax ñuc bʌ i sujmlel mach bʌ tsictiyemic ti yambʌ ora. Jini ñuc bʌ ti cʌñol jiñʌch Cristo woli bʌ i yajñel ti la' pusic'al. Jiñʌch mu' bʌ i yʌq'ueñetla la' pijtan la' ñuclel.

Apocalipsis 4:11

Uts'at c Yum lojon. Yom mi' sujbel a ñuclel yic'ot a c'uxbintel yic'ot a p'ʌtʌlel, come jatet tsa' mele pejtelel chuqui tac an. Ti pejtelel tsa' mejli cha'an che'ʌch a wom. Tsa' laj aq'ue i cuxtʌlel, che'ob.